MKR - MontKabana Renkontiĝo

1a MKR: Tauplitz (1990)

Kie: Tauplitz, montaro Totes Gebirge, Aŭstrio
Kiam: 12a-14a de oktobro 1990
La ejo: Jagdhaus Tauplitzalm (1650 m)
Partoprenantoj: 43 el 8 landoj: CZ(15), H(11), HR(6), A(5), D(2), SK(2), MEX(1), SF(1)
Ekskursoj: Grosse Trogl (2173 m), Traweng (1981 m)
Vetero: Belega! Sunplena, matene frosta, sed tage varma.
Interesaĵoj: La aranĝo daŭris nur du tagojn kaj partoprenantoj mem kuiris kaj lavis la ilojn. Oni plantis pacarbon apud la ejo. Lariksarboj kiuj kovras la tutan Tauplitz-ebenaĵon estis belege flavaj.

Rigardu kelkajn bildojn kaj legu kion pri 1a MKR skribis Helmut Brath en "Voko el Stirio"!

Belega ĉirkauaĵo de la MKRejo en Tauplitzalm montarherbejo.

Neven, Lada, Nedeljko kaj Vanja sur pinto Traweng dum dimanĉa migrado.

Tiu ĉi MKR estis memzorga kaj MKRanoj mem kuiris manĝaĵon kiun aĉetis organizantoj - vidu kion preparis kroata kuirejteamo!

MKR-anoj plantis pacarbon kaj ĉi tie videblas po unu reprezentanto de ĉiu lando reprezentita je tiu MKR.