[TABLET VI]



ÉN den-lil qaqqadi-ia5 pa-nu-ú-a u4-mu

duraš ilu git-ma-lu la-mas-sat pa-ni-ia

kišadi-ia5 ul-lu šá dnin-lil

idâmeš-ai dgam-lum šá dsin amurri

5. ubânâtumeš-ú-a isbînu esemtu digigi

la ú-šá-as-na-qa ru-hi-e a-na zu-um-ri-ia

dlugal-edin-na dla-ta-raq irti-ia5

kin-sa-ai dmu-úh-ra šêpâII-ai šá ittanallakaka

ka-li-ši-na lu lah-mu

10. at-ta man-nu ilu lim-nu šá kaššapi u fkaššapti

iš-pu-ru-niš-šú a-na dâki-ia5

lu-ú e-ri-ta la tal-la-ka

lu-ú sal-la-ta la te-tib-ba-a

amâtemeš-ka lu ishašhuru ina pân ili u šarri li-nu-šú

15. ul-te-sib ina bâbi-ia5 dlugal-gir-ra ilu dan-nu

sukkal ilimeš dpap-sukkal

li-du-ku kaššapi u fkaššapti

li-tir-ru amât-sa a-na pî-šá TU6.ÉN

ÉN e-piš-ta qu-um-qu-um-ma-tum

20. fkaššaptu kud-dim-ma-tum

e-piš-ti eš-še-bu-tum

ummu e-piš-ti-ia nar-šin-da-tum

am-me-ni tu-ub-ba-li napištiti ana ma-al-ki

ana-ku a-na pu-sur kiš-pi-ki šam....... na-šá-ku

25. riqqukukru šá šadî .....meš ka.......

ÉN riqqukukru-ma riqqukukru

riqqukukru ina šadânimeš ellûtimeš qud-du-šu-ti

sihrûtimeš tir-hi šá e-ni-ti

sihrâtimeš terinnâtimeš šá qa-aš-da-a-ti

30. al-ka-nim-ma šá kaššapi-ia5 u fkaššapti-ia5

dan-nu hipameš rikis-sa

tir-ra kiš-pi-ša a-na me-hi-e amâtemeš-šá ana šâri

li-in-ni-eš-pu kiš-pi-ša ki-ma pû

li-ša-as-li-mu-ši ki-ma di-iq-me-en-ni

35. ki-ma libitti igâri liš-hu-hu kiš-pu-šá

šá fkaššapti-ia5 lip-pa-tir rikis lib-bi-šá

ÉN riqqukukru-ma riqqukukru

riqqukukru ina šadânimeš ellûtimeš qud-du-šu-ti

sihrûtimeš tir-hi šá e-ni-ti

40. sihrâtimeš terinnâtimeš šá qa-aš-da-a-ti

al-ka-nim-ma šá kaššapi-ia5 u fkaššapti-ia5

dan-nu hipâa rikis-sa

ù mimma ma-la te-pu-šá nu-tir a-na šâri

ÉN e fkaššapti-ia5 e-li-ni-ti-ia5

45. ....a-bu la taš-ku-ni tu-qu-un-tu

am-me-ni ina bîti-ki i-qat-tur qut-ru

a-šap-pa-rak-kim-ma ..................-ti

ú-sap-pah kiš-pi-ki ú-tar amâtemeš-ki ana pî-ki

ÉN la-am dnin-gir-su ina šadî il-su-u da-la-la

50. la-am kal i-lu-u ana na-kas isbîni

......fkaššaptu šá ana annanna apil annanna tu-kap-pa-ti abnêmeš

taš-te-ni-'-e li-mut-ta

a-za-qa-kim-ma kima iltani amurri

ú-sap-pah urpata-ki ú-hal-laq u4-um-ki

55. ù mimma ma-la te-pu-ši ú-tar a-na šâri

ÉN e fkaššaptu ú-kaš-šip-an-ni

........ -tum ú-ri-ih-ha-an-ni

........ -tum iš-bu-šu epirhi.a šêpêII-ia

........ -tum il-qu-ú sillu ina igâri

60. dšamaš bêl ummânâtihi.a dé-a bêl šîmâtimeš

dasari-lú-du10 bêl a-ši-pu-ti

mah-sa lêt-sa tir-ra amât-sa ana pî-šá

e-piš-tum ù muš-te-piš-tum

..... lipû šipâtimeš lubarêmeš batqûti

65. kima qaqqad riqqukukri

a-na a-ha-meš la i-qar-ri-bu

kiš-pu-šá ru-hu-šá ru-su-šá up-šá-šu-šá lem-nu-ti

lâ itehhûmeš-ni lâ i-qar-ri-bu-ni ia-a-ši TU6.ÉN

ÉN at-ta e šá te-pu-ši ka-la-a-ma

70. min-mu-u te-pu-ši ia-a-ši u šim-ti-ia

riqqukukru šá šadîi ihtepi rikis-ki

šá imitti-ki u šumêli-ki šâru lit-bal TU6.ÉN

ÉN kibri-dit ellitu mârat šamêe rabûtimeš ana-ku

da-nim ib-na-ni-ma dé-a den-lil ú-še-ri-du-ni.....

75. e-piš-tu-a ki-a-am tepuši-in-ni......

............. -ri-du mu šamêe.......... ma-la šêpêII-ia ki-bi-.....

............. bi-ta ........ na-dâtat šipat-su šá apqal ili TU6.ÉN

ÉN kibri-dit kibri-dit.............

šá 7 u 7 kaššapâtimeš šá 7 u 7 ai-ba-ti-šá

80. e............................ ul in-ni-ip-pu-uš

e-bi-ši ......................... ul iq-bi....-me

man-nu šá a-na kibri-dit ip-pu-šá kiš-pi

kibri-dit šá 7 u 7 êpušûmeš-ni .......

ki-.......-ru-ki ana-ku lu-ub-lut TU6.ÉN

85. ÉN kibri-dit ellitu šamKUR.KUR šam-mu qud-du-šu ana-ku

e-pi-šu-u-a apqallu šá apsî

e-pi-iš-tu-u-a mârat da-nim šá šamêe

ki-i e-te-ni-ip-pu-šu-ni ul i-li-'-a-in-ni

ki-i e-pu-šu-si-na-a-ti iš-te-'u-si-na-a-ti

90. e-til-la-a kima nûnêmeš ina mêmeš-ia5

kîma šahi ina ru-šum-ti-ia5

kîma šammaštakal ina ú-sal-li

kîma šamsassati ina a-hi a-tap-pi

kîma zêr isuši ina a-hi tam-tim

95. e-šá dillat-e e-šá dillat-e

nar-qa-ni a-na qaq-qa-ri

šá tu-na-sis-a-ni kim-mat-ku-nu ia-a-ši

ÉN dit qaqqadi-ia5 kibri-dit pa-da-at-ti

šêpâII-ai na-a-ru šá man-ma la idûu ki-rib-šá

100. šamAN.HUL.LA pû-ia5 tâmtu ta-ma-ta rapaštumtum rit-ti .

kîma dit qaqqadi-ia5 kibri-dit pa-da-at-ti

kîma ...................

meš-ri-ti-ia..........

.........................

(about 15 lines missing; in this lacuna belong the following six lines)

105. ÉN dit a-kul al-ti

ÉN e fkaššapti-ia5 e-li-ni-ti-ia5

.................... -ba-nu-uk-ki i-......

.................šá šamêe parakki šá qaq-qa-ri

............ kibri-dit mârat ilimeš rabûtimeš

110. ......... -ki ina ûm bubbuli iptatar ru-hi-e-ki

ÉN at-ti tabtu šá ina áš-ri elli ib-ba-nu-ú

ana ma-ka-li-e ilimeš rabûtimeš i-šim-ki den-lil

ina ba-li-ki ul iš-šak-kan nap-tan ina é-kur

ina ba-li-ki ilu šarru bêlu u rubû ul is-si-nu qut-rin-nu

115. ana-ku annanna apil annanna šá kiš-pi su-ub-bu-tu-in-ni

up-šá-še-e li-'-bu-in-ni

putri kiš-pi-ia tabtu pu-uš-ši-ri ru-hi-e-a

up-ša-še-e muh-ri-in-ni-ma kîma ili ba-ni-ia

lul-tam-mar-ki

120. ÉN e fkaššapti-ia5 lu rah-ha-ti-ia5

šá a-na 1 bêriám ip-pu-hu išâta

a-na 2 bêri iš-tap-pa-ra mâr šip-ri-ša

ana-ku i-di-ma at-ta-kil ta-ka-lu

ina .....-ia5 ma-sar-tú ina bâbi-ia5 az-za-qap ki-din-nu

125. ismaiâli-ia5 al-ta-me subâtú-li-in-na

ina rêš ismaiâli-ia5 a-za-raq šamnuhurtu

dan-na-at šamnuhurtu-ma ú-na-ha-ra kal kiš-pi-ki

ÉN e fkaššapti-ia5 lu rah-ha-ti-ia5

šá a-na 1 bêriam ippuhaha išâta

130. a-na 2 bêri iš-tap-pa-ra mâr šip-ri-ša

ana-ku i-di-ma at-ta-kal ta-ka-la

ina ...... -ia5 ma-sar-tú ina bâbi-ia5 az-za-qap ki-din-nu

ina rêš ismaiâli-ia5 ašakan 12 isšá-'-ir-ri

....šá etimmi ri-hi-it dgira qa-mi-ki

135. ù dnisaba šar-ra-tu mu-ga-si-sa-at ubânatimeš-ki

ÉN e fkaššapti-ia5 e-li-ni-ti-ia5

šá tattallaki kal mâtâti

ta-at-ta-nab-lak-ka-ti kal šadânimeš-ni

ana-ku i-di-ma at-ta-kil ta-ka-lu

140. ina .... -ia5 ma-sar-tú ina bâbi-ia5 az-za-qap ki-din-nu

ina imitti bâbi-ia5 u šumêli bâbi-ia5

ul-te-iz-ziz dlugal-gir-ra u dmis-lam-ta-è-a

ilimeš šá ma-sar-te na-si-ih lib-bi muš-te-mi-du kalâtimeš

fkaššaptu li-du-ku-ma ana-ku lu-ub-lut

145. ÉN e fkaššapti-ia5 e-li-ni-ti-ia5

šá tallakiki kal mâtâti

ta-at-ta-nab-lak-ka-ti kal šadânimeš-ni

ana-ku i-di-e-ma at-ta-kil ta-ka-lu

ina ..... -ia5 ma-sar-tú ina bâbi-ia5 az-za-

qap ki-din-nu

150. ...................................... ak ............ -lu

(a few lines missing to the end)

ÉN rit-ti dman-za-ád .

tuppu VIkam ma-aq-lu-ú