[TABLET V]



ÉN e-piš-ti ù muš-te-piš-ti

áš-bat ina silli a-ma-ri ša libitti

áš-bat-ma ip-ši-ia ip-pu-šá i-ban-na-a salmânimeš-ia5

a-šap-pa-rak-kim-ma šamhašutu u dšamaš-šammu

5. ú-sap-pa-ah kiš-pi-ki ú-tar amâtimeš-ki ana pî-ki

ip-ši te-pu-ši lu-u šá at-tu-ki

salmânimeš tab-ni-i lu-u šá tè-me-ki

meš tah-bi-i lu-u šá ra-ma-ni-ki

ši-pat-ki ai iq-ri-ba amâtmeš-ki ai ik-šu-da-in-ni

10. ina qí-bit dé-a dšamaš u dmarduk u rubâti dbe-lit ilê TU6.ÉN

ÉN man-nu pû ip-til utteta ú-qas-sir

ana šamêe kiš-pi ana irsitimtim bar-ta êpuš

ana šamirri ilimeš rabûtimeš ip-šá bar-ta

amât limuttimtim man-nu ú-qar-rib

15. ki-ma pû la ip-pat-til uttatu la uk-ta-as-sa-ru

ana šamêe kiš-pi ana irsitimtim bar-tu la in-ni-ip-pu-šú

ana mârat ilimeš rabûtimeš

ip-šá bar-tum amat limuttimtim lâ itehu lâ i-qar-ru-bu

ip-šá bar-tum amât limuttimtim lâ iteha

20. lâ i-qar-ru-ba ia-a-ši TU6.ÉN

ÉN du-un-na-nu du-un-na-nu pârisis pu-ru-us-si-e-ni

i-na ma-har dnusku u dgira šu-bil-te šak-na-at

al-ki na-bal-kàt-tum šu-um-ri na-bal-kàt-tum

i-na na-sa-ah šêpêII šá kaššapi-ia5

25. u fkaššapti-ia5 šêpêII-ki šuk-ni

lillu li-bi-il-ma fkaššaptu ana da-ai-ni-šá

daianu-šá kîma nêši li-sa-a elî-šá

lim-has lêt-sa li-tir amât-sa ana pî-šá

e-piš-ti ù muš-te-piš-ti

30. ki-ma šamnini li-nu-šú kiš-pu-šá

ki-ma šamazupiri li-sap-pi-ru-ši kiš-pu-šá

ki-ma šamsahli li-is-hu-lu-ši kiš-pu-šá

ki-ma šamKUR.ZI.SAR li-sa-am-mu-si kiš-pu-šá

ki-ma šamkasi li-ik-su-ši kiš-pu-šá

35. ki-ma šamhašûti li-haš-šu-ši kiš-pu-šá

ki-ma kit-mi li-ik-tu-mu-ši kiš-pu-šá

ki-ma šamirri li-ru-ru-ši kiš-pu-šá

ki-ma šamnuhurti lit-tah-hi-ra šapâtimeš-šá

e-piš-ti ù muš-te-piš-ti

40. lib-bal-kit-si sûqu ù su-lu-ú

lib-bal-kit-si ib-ra-tum ù ni-me-di-šá

lib-bal-ki-tu-ši-ma ilimeš šá sêri u âli

fkaššaptu kima kalbi ina hatti kima an-du-hal-lat ina kir-ban-ni

ki-ma kib-si immeri li-sa-am-me-ku-ši-ma li-ti-qu-ši

45. ki-ma qur-sin-ni imêri ina sûqi e-te-qu lik-kil-me-ši

e-piš-ti ù muš-te-piš-ti

ina bi-rit kalbêmeš li-su-ru ku-lu-lu-šá

ina bi-rit ku-lu-lu-šá li-su-ru kalbêmeš

e-li-šá qul-mu-ú li-su-ru

50. ki-ma piqan sabiti qu-tur-šá li-ib-li TU6.ÉN

ÉN at-ti man-nu fkaššaptu šá tetenîpu-šášá 3 arhêmeš 10 u4-me mišil u4-me

ana-ku a-na-áš-šá-kim-ma riqqukukru ta-nat šadî

šamhašûtu ti-'-ut ma-a-ti

pitiltu pitiltu šá qašdatimeš terinnatu terinnatu šá še-am ma-la-ti

55. an-nu-ú šá kaššapi-ia5 u fkaššapti-ia5 hi-pa-a ri-kiš-šu-un

tir-ra kiš-pu-šá ana me-hi-e amâtimeš-šá ana šá-a-ri

li-in-na-áš-pu kiš-pu-šá kîma pû liq-qal-pu kîma šûmi

liš-šá-ah-tu kima suluppi lip-pa-áš-ru kima pitilti

ina qí-bit dištar ddumu-zi dna-na-a be-lit ra-a-mi

60. ù dka-ni-sur-ra be-lit fkaššapâtimeš ÉN

ÉN zêru šá te-pu-šá-ni tu-še-pi-šá-ni ana muh-hi-ku-nu

zitarrutâa šá te-pu-šá-ni tu-še-pi-šá-ni ana muh-hi-ku-nu dipalâa šá te-pu-šá-ni

tu-še-pi-šá-ni ana muh-hi-ku-nu kadibbidâa šá te-pu-šá-ni tu-še-pi-šá-ni ana muh-hi-ku-nu

KUS.HUNGA šá te-pu-šá-ni tu-še-pi-šá-ni ana muh-hi-ku-nu dububbâ

šá te-pu-šá-ni tu-še-pi-šá-ni ana muh-hi-ku-nu

utukku limnu tu-šá-as-bi-ta-in-ni utukku limnu li-is-bat-ku-nu-ši

65. alû limnu tu-šá-as-bi-ta-in-ni alû limnu li-is-bat-ku-nu-ši

etimmu limnu tu-šá-as-bi-ta-in-ni etimmu limnu li-is-bat-ku-nu-ši

gallû limnu tu-šá-as-bi-ta-in-ni gallû limnu li-is-bat-ku-nu-ši

ilu limnu tu-šá-as-bi-ta-in-ni ilu limnu li-is-bat-ku-nu-ši

râbisu limnu tu-šá-as-bi-ta-in-ni râbisu limnu li-is-bat-ku-nu-ši

70. lamaštu labasu ahhazu tu-šá-as-bi-ta-in-ni lamaštu labasu ahhazu li-is-bat-ku-nu-ši

lilû flilitu ardat lili tu-šá-as-bi-ta-in-ni lilû flilitu ardat lili li-is-bat-ku-nu-ši

ina ni-ši u ma-mit tu-qat-ta-in-ni ina ni-ši u ma-mit pa-gar-ku-nu liq-ti

uz-zi ili šarri bêli u rubî ia-a-ši taš-ku-na-ni

uz-zi ili šarri bêli u rubî a-na ka-a-šu-nu liš-šak-nak-ku-nu-ši

75. a-šu-uš-tu a-ru-ur-tu hu-us qis lìb-bi gi-lit-tú

pi-rit-ti a-dir-ti ia-a-ši taš-ku-na-ni

a-šu-uš-tu a-ru-ur-tu hu-us qis lìb-bi gi-lit-tú

pi-rit-ti a-dir-tu ana ka-a-šú-nu liš-šak-nak-ku-nu-ši

aq-mu-ku-nu-ši ina kibrit ellititi u tâbat amurri

80. al-qut qu-tur-ku-nu ik-kib šamêe

ip-še-te-ku-nu i-tu-ra-ni-ku-nu-ši TU6.ÉN

ÉN at-ti man-nu fkaššaptu šá kîma šûti ik-ki-mu ûmi 15kam

ti-il-ti u4-me im-ba-ru šá-na-at na-al-ši

urpata iq-su-ra-am-ma iz-zi-za ia-a-ši

85. a-te-ba-ak-kim-ma ki-ma gal-la-ab šamêe šâriltânu

ú-sap-pa-ah ur-pa-ta-ki ú-hal-laq ûm-ki

ú-sap-pa-ah kiš-pi-ki ša tak-ki-mi mu-ša u ur-ra

ù na-áš-pa-rat zitarruti šá tal-tap-pa-ri ia-a-ši

ÉN šá-ru-uh la-a-ni šá-ru-uh la-a-ni

90. al-lal-lu.............

na-mu-ú.............

e-piš ..................

kaš-šá-pu .............

a-na d....................

95. ÉN šir'anêmeš tu-kas-si-ra ......

salmânimeš tug-gi-ra tu-kas-sa-a.......

ki-sir tak-su-ra-ni ki-........

dgira a-ri-ru li-...........

dnusku daiânu .........

100. e-piš te-pu-šá-ni ana muh-hi-ku-nu ....

pa-áš-ru kiš-pu-ú-a.......

ina mêmeš ta-bu-ti ........

ana-ku e-te-lil e-te-bi-ib.......

ÉN at-tu-nu mêmeš .........

105. ta-at-ta-nab-lak-ka-ta ....

tu-hap-pa-a ka-ra......

meš ........ u ..........

meš tâmti......

ih-bu-nik-ku-nu-ši

110. 7 apkallu šu-ut eri-du10........

ina te-šú-nu elli te-...... tuk-sa.....

kima ina te-šú-nu .............

lib-bi kaššapi-ia5 u fkaššapti-ia5......

ana-ku ina qí-bit d..................

115. a-sal-lah lib-ba-ku-nu ............

a-sal-lah la-'-me-ku-nu ...........

ina qí-bit dé-a dšamaš dmarduk u rubâti dbe-lit ilê TU6.ÉN

ÉN e-piš-ú-a e-piš-tu-u-a

kaš-šá-pu-u-a kaš-šap-tu-u-a

120. šá ik-pu-du libbu-ku-nu limuttimtim

taš-te-ni-'-a ru-hi-e sab-ru-ti

ina up-šá-še-e la tâbutimeš tu-sab-bi-ta bir-ki-ia

ana-ku ana pu-uš-šur kiš-pi-ia u ru-hi-e-a

ina a-mat dea u dasari-lú-du10 dgira as-sah-ri

125. ina mêmeš ša naqbi lìb-ba-ku-nu ú-ni-ih

ka-bat-ta-ku-nu ú-bal-li

si-ri-ih lib-bi-ku-nu ú-še-si

te-en-ku-nu ú-šá-an-ni

mi-lik-ku-nu as-pu-uh

130. kiš-pi-ku-nu aq-lu

kip-di lib-bi-ku-nu ú-mat-ti-ku-nu-ši

idiqlat u puratta la te-bi-ra-ni

iqa u palga la te-it-ti-qa-ni

dûra u sa-me-ti la tab-ba-lak-ki-ta-ni

135. abulla u ne-ri-bi-e la tir-ru-ba-ni

kiš-pi-ku-nu ai ithunimeš-ni

a-ma-at-ku-nu ai ik-šu-da-in-ni

ina qí-bit dé-a dšamaš u dmarduk rubâti dbe-lit ilê TU6.ÉN

ÉN iz-zi-tu-nu šam-ra-tu-nu qas-sa-tu-nu

140. gap-šá-tu-nu nad-ra-tu-nu lim-ni-tu-nu

šá la dé-a man-nu ú-na-ah-ku-nu-ši

šá la dasari-lú-du10 man-nu ú-šap-sah-ku-nu-ši

dé-a li-ni-ih-ku-nu-ši

dasari-lú-du10 li-šap-ših-ku-nu-ši

145. mêmeš pî-ia5meš pi-ku-nu i-šâ-tu

pî-ia pî-ku-nu li-bal-li

tu-u šá pî-ia5 tu-u šá pî-ku-nu li-bal-li

kip-di šá lìb-bi-ia li-bal-la-a kip-di šá lìb-bi-ku-nu

ÉN ak-bu-us gallâ-ai.....

150. at-bu-uh gi-ra-ai ah-.....

i-na mah-ri qu-ra-di dgira.......

ÉN hu-la zu-ba u i-ta-at-tu-ka

qu-tur-ku-nu li-tel-li šamêe

la-'-me-ku-nu li-bal-li dšamšiši

155. lip-ru-us ha-ai-ta-ku-nu mâr dé-a mašmašu TU6.ÉN

ÉN šadûu lik-tùm-ku-nu-ši

šadûu lik-la-ku-nu-ši

šadûu li-ni-ih-ku-nu-ši

šadûu li-ih-si-ku-nu-ši

160. šadûu li-te-'-ku-nu-ši

šadûu li-ni-'-ku-nu-ši

šadûu li-nir-ku-nu-ši

šadûu li-qat-tin-ku-nu-ši

šadûu dan-nu elî-ku-nu lim-qut

165. ina zumri-ia5 lu-u tap-par-ra-sa-ma TU6.ÉN

ÉN i-sa-a i-sa-a ri-e-qa ri-e-qa

bi-e-šá bi-e-šá hi-il-qa hi-il-qa

dup-pi-ra at-la-ka i-sa-a u ri-e-qa

limuttu-ku-nu ki-ma qut-ri li-tel-li šamêe

170. ina zumri-ia5 i-sa-a

ina zumri-ia5 ri-e-qa

ina zumri-ia5 bi-e-šá

ina zumri-ia5 hi-il-qa

ina zumri-ia5 dup-pi-ra

175. ina zumri-ia5 at-la-ka

ina zumri-ia5 la tatârâ

ina zumri-ia5 la tetehêe

ina zumri-ia5 la taqarubâ

ina zumri-ia5 la tasaniqâqa

180. ni-iš dšamaš kabti lu ta-ma-tu-nu

ni-iš dé-a bêl naqbi lu ta-ma-tu-nu

ni-iš dasari-lú-du10 maš-maš ilimeš lu ta-ma-tu-nu

ni-iš dgira qa-mi-ku-nu lu ta-ma-tu-nu

ina zumri-ia5 lu-u tap-par-ra-sa-ma TU6.ÉN

185. ÉN denlil qaqqadi-ia5 pa-nu-u-a u4-mu

tuppu Vkam ma-aq-lu-ú