[TABLET III]
ÉN fkaššaptu mut-tal-lik-tú šá sûqâtimeš
mu-tir-rib-tum šá bîtâtimeš
da-ai-li-tum šá bi-ri-e-ti
sa-ai-di-tum šá ri-ba-a-ti
5. a-na pani-šá ù arki-šá is-sa-na-ah-hur
izzazaz ina sûqi-ma ú-sah-har šêpêII
i-na ri-bi-ti ip-ta-ra-as a-lak-tú
šá etli damqi du-us-su i-kim
šá ardatu damiqtumtum i-ni-ib-šá it-bal
10. i-na ni-kil-mi-šá ku-zu-ub-šá il-qi
etla ip-pa-lis-ma dûta-šu i-kim
ardata ip-pa-lis-ma i-ni-ib-šá it-bal
i-mu-ra-an-ni-ma fkaššaptu il-li-ka arki-ia
i-na im-ti-šá ip-ta-ra-as a-lak-tú
15. i-na ru-hi-šá iš-di-hi ip-ru-us
ú-šá-as-si ili-ia5 u dištar-ia5 ina zumri-ia5
šá fkaššapti ina kul-la-ti aq-ta-ri-is tîta-šá
šá e-piš-ti-ia ab-ta-ni salam-šá
áš-kun i-na lìb-bi-ki lipû ha-bil-ki
20. ú-sa-an-niš ina kalatimeš-ki e-ra qa-ma-ki
e-ra qa-ma-ki a-mat-ki lip-ru-us
e-li âli at-ta-pah i-šá-ti
ina šaplan âli at-ta-di lik-ti
a-na bît ter-ru-ba at-ta-di i-šá-ti
25. te-pu-šim-ma dgibil li-kul-ki
tu-še-pi-šim-ma dgibil lik-šu-ud-ki
tak-pu-di-ma dgibil li-duk-ki
tu-šak-pi-di-ma dgibil lik-me-ki
har-ra-an la ta-ri li-šá-as-bit-ki dgibil ha-bil-ki
30. dgibil ez-zu zumur-ki li-ih-mut TU6.ÉN
ÉN 2-ta ši-na mârâtimeš da-nim šá šamêe
3 ši-na mârâtimeš da-nim šá šamêe
tur-ri ul-ta-nim-ma ul-tu šamêe ur-ra-da-ni
e-ka-a-ma te-ba-ti-na e-ki-a-am tal-la-ka
35. a-na e-pi-ši u e-piš-ti šá annanna apil annanna
ana sahari ni-il-li-ka
a-na lu-uq-qu-ti šá hu-sa-bi-ši-na
a-na hu-um-mu-mi šá hu-ma-ma-ti-ši-na
šá li-la-a-ti hu-lu-pa-qa a-na ša-ra-pi ni-il-li-ka
40. ÉN fkaššaptu nir-ta-ni-tum
e-li-ni-tum nar-šin-da-tum
a-ši-ip-tum eš-še-pu-ti
mušlahhatumtum a-gu-gi-il-tum
fqadištu fnaditu
45. dištar-i-tum zêr-ma-ši-tum
ba-ai-r-tum šá mu-ši
sa-ayyu-di-tum šá kal u-mi
mu-la-'-i-tum šá šamêe
mu-lap-pit-tum šá irsitimtim
50. ka-mi-tum šá pî ilimeš
ka-si-tum šá bir-ki dištarâtimeš
da-ai-ik-tum šá etlêmeš
la pa-di-tum šá dsinnišâtimeš
šá-ah-hu-ti-tum sab-bu-ri-tu
55. šá ana ip-ši-šá u ru-hi-šá la u-šar-ru man-ma
e-nin-na-ma e-tam-ru-ki is-sab-tu-ki
uš-te-nu-ki uš-ta-bal-ki-tu-ki
uš-ta-pi-lu a-mat ip-ši-ki
dé-a u dmarduk id-di-nu-ki ana dgira qu-ra-di
60. dgira qu-ra-du ri-kis-ki li-ih-pi
ù mimma ma-la te-pu-ši li-šam-hir-ki ka-a-ši
ÉN dit el-lu nam-ru qud-du-šu ana-ku
e-pi-šu-u-a apqallu šá apsî
e-pi-še-tu-ú-a mârâtimeš da-nim šá šamêe
65. e-pu-šu-u-ni e-te-ni-ip-pu-šu-u-ni
e-pu-šu-nim-ma ul ip-du-u zu-um-ri
e-te-ni-pu-šu-nim-ma ul i-li-'-ú sa-ba-ti-ia
a-na-ku e-pu-uš-ma ..... pi-šu-nu as-bat
e-te-bi-ib kima dit ina šadi-ia
70. e-te-lil ki-ma nam-ru ana bît purussî-ia
šá lúkaššapi-ia5 u fkaššapti-ia5
dit........... -ru na-bal-kat-ta-šú-nu lis-ku-nu-ma
kiš-pu-šu-nu elî-šu-nu li-bal-ki-tu-ma
a-na muh-hi-šu-nu u la-ni-šu-nu lil-li-ku
75. ki-ma di-iq-me-en-ni li-is-li-mu pa-ni-šú-nu
li-hu-lu li-zu-bu u lit-ta-at-tu-ku
u ana-ku ki-ma dit ina šadî-ia lû ellêkuku ÉN
ÉN la-man-ni su-tu-ú e-la-mu-ú ri-da-an-ni
kat-man-ni a-gu-ú e-du-ú sah-panan-ni
80. fkaššaptu su-ta-ta da-a-nu i-bit-su
e-le-ni-tu e-la-ma-ta li-pit-sa mu-ú-tu
dgibil tap-pi-e dšamaš i-ziz-za-am-ma
ki-ma šadi ina kibri-dit i-nu-uh-hu
kiš-pi ru-hi-e ru-si-e šá fkaššapti-ia5
85. e-li-ni-ti-ia dgibil liq-mi
dit ellu lib-ba-šá li-ih-pi
mêmeš ellûtimeš lip-šu-ra kiš-pi-šá
u ana-ku ki-ma dit ina šadî-ia lu ellêkuku ÉN
ÉN at-ti nam-nu fkaššaptu šá bašûu
90. a-mat limuttimtim-ia5 ina lib-bi-šá
ina lišâni-šá ib-ba-nu-ú ru-hu-ú-a
ina šap-ti-šá ib-ba-nu-ú ru-su-ú-a
i-na ki-bi-is tak-bu-us izzazaz mu-ú-tum
fkaššaptu as-bat pi-ki as-bat lišân-ki
95. as-bat ênêII-ki na-ti-la-a-ti
as-bat šêpêII-ki al-la-ka-a-ti
as-bat bir-ki-ki e-bi-ri-e-ti
as-bat idêII-ki mut-tab-bi-la-a-ti
ak-ta-si i-di-ki a-na ar-ki-ki
100. dsin el-lam-mi-e li-qat-ta-a pagar-ki
a-na mi-qit mêmeš u išâti lid-di-ki-ma
fkaššaptu ki-ma si-hir kunukki an-ni-e
li-su-du li-ri-qu pa-nu-ú-ki
ÉN at-ti e šá te-pu-ši-in-ni
105. at-ti e šá tu-še-pi-ši-in-ni
at-ti e šá tu-kaš-ši-pi-in-ni
at-ti e šá tu-hap-pi-pi-in-ni
at-ti e šá tu-sab-bi-ti-in-ni
at-ti e šá tu-kan-ni-ki-in-ni
110. at-ti e šá tu-ab-bi-ti-in-ni
at-ti e šá tu-ub-bi-ri-in-ni
at-ti e šá tu-ka-si-in-ni
at-ti e šá tu-la-'-in-ni
tap-ru-si itti-ia ili-ia5 u dištar-ia5
115. tap-ru-si itti-ia še-' še-'-tu ahu ahattu ib-ru tap-pu u ki-na-at-tu
a-liq-qa-kim-ma ha-ha-a šá utuni um-mi-nu šá diqâri
a-mah-ha-ah a-tab-bak ana qaqqad rag-ga-ti šim-ti-ki
ÉN šá e-pu-šá-ni uš-te-pi-šá-an-ni
i-na mi-li nâri e-pu-šá-an-ni
120. i-na mi-ti nari e-pu-šá-an-ni
a-na e-piš-ti ip-ši-ma iq-bu-ú
a-na sa-hir-ti suh-ri-ma iq-bu-ú
an-ni-tu lu-u maqurru-šá
kima maqurru an-ni-tu ib-ba-lak-ki-tu
125. kis-pu-šá lib-bal-ki-tu-ma ina muh-hi-šá
u la-ni-šá lil-li-ku
di-in-šá lis-sa-hi-ip-ma di-e-ni li-šir ÉN
ÉN maqurri-ia5 a-na dsin ú-še-piš
ina bi-rit qârnemeš-šá na-šat pi-šir-tum
130. áš-bu ina lìb-bi-šá lúkaššapu u fkaššaptu
áš-bu ina lìb-bi-šá e-piš u e-piš-tú
áš-bu ina lib-bi-šá sa-hi-ru u sa-hir-tú
šá maqurri-ši-na lib-ba-ti-iq a-šá-al-šá
mar-kas-sa-ši-na lip-pa-tir-ma tar-kul-la-šá
135. a-na qabal tam-ti liq-qil-pu ..... LU ....
e-du-u dan-nu a-na tam-tim li-še-si-šú-nu-ti
šam-ru-ti a-gu-u e-li-šú-nu li-tel-lu4-u ...
šar-šú-nu a-a i-zi-qa-am-ma a-a i-hi-ta-a-ni...
ina qi-bit dnusku u dgirru ilimeš dini-šú-nu ÉN
140. ÉN LA-tú šá su-qa-ti am-me-ni tug-da-nar-ri-ÉN-ni
am-me-ni na-áš-pa-tu-ki it-ta-na-lak-a-ni
fkaššaptu SAG.DUmeš a-ma-ti-ki
am-me-ni it-ta-nak-šá-da a-na lu-...
el-li a-na ú-ri ab-ta-ki a-....
145. ú-rad a-na qaq-qa-ri-im-ma ú-sab-bi-tu
ina kib-si-ki râbisa ú-še-šab
etim ri-da-a-ti harran-ki ú-šá-as-bit
a-mah-ha-as muh-ha-ki ú-šá-an-na tè-en-ki
a-dal-lah lìb-ba-ki ta-maš-ši-i šêrêmeš-ki
150. e-piš-tum u muš-te-piš-tum
šamûu a-na-ku ul tu-lap-pa-tin-ni
irsitumtum a-na-ku ul tu-ra-hi-in-ni
si-hi-il isbal-ti a-na-ku ul tu-kab-ba-si-in-ni
zi-qit aqrabi a-na-ku ul tu-lap-pa-tin-ni
155. šadúu zaq-ru a-na-ku kiš-pi-ki ru-hi-ki
ru-su-ú-ki up-šá-šu-ki limnûtimeš
la itehûmeš-ni la i-qar-ri-bu-u-ni ai-ši ÉN
ÉN rit-tu-ma rit-tu
rit-tu dan-na-tu šá a-me-lu-ti
160. šá kîma nêši is-ba-tu a-me-lu
kima hu-ha-ri is-hu-pu it-lu
kima še-e-ti ú-kat-ti-mu qar-ra-du
kima šu-uš-kal-li a-šá-rid-du i-bar-ru
kima giš-par-ri ik-tu-mu dan-na
165. lúkaššapu u fkaššaptu rit-ta-ku-nu dgira liq-mi
dgira li-kul dgira liš-ti dgira liš-ta-bil
dgira lil-sa-a elî dan-na-ti rit-te-ku-nu
šá rit-ta-ku-nu e-pu-šu zu-mur-ku-nu li-ih-mut
li-is-pu-uh illat-ku-nu mâr dé-a mašmašu
170. qut-ri dgira li-ri-ma pa-ni-ku-nu
ki-ma ti-nu-ri ina hi-ta-ti-ku-nu
ki-ma di-qa-ri ina lu-hu-um-me-ku-nu
li-is-pu-uh-ku-nu-ši dgira iz-zu
ai ithumeš-ni kiš-pi-ku-nu ru-hi-ku-nu lim-nu-ti
175. e-til-la-a kima nûnêhi.a ina mêmeš-e-a
kîma šahi ina ru-šum-ti-ia
kîma šammaštakal ina ú-sal-li
kîma šamsassati ina a-hi a-tap-pi
kîma zêr isuši ina a-hi tam-tim
180. el-lit dištar mu-nam-me-rat šim-ti
ú-su-rat balati us-su-ra-ku ana-ku
ina qi-bit iq-bu-ú dgira ra-šub-bu
ù dgira a-ri-ru mâr da-nim qar-du
ÉN rit-tum-ma rit-tum
185. rit-tum dan-na-tum šá a-me-lu-ti
fkaššaptu áš-šú pi-i-ki da-ab-bi-bu
áš-šú dan-na-ti rit-ta-ki
álu a-ma-tum áš-šak-ki
bitu a-ma-tum ú-ba-a-ki
190. lúkaššapu u fkaššaptu e-piš u e-piš-tú
bi-il rit-ta-ku-nu-ma ana išâti lud-di ÉN
ÉN biš-li biš-li qi-di-e qi-di-e
tuppu IIIkam ma-aq-lu-ú