[TABLET I]



ÉN al-si-ku-nu-ši ilimeš mu-ši-ti

it-ti-ku-nu al-si mu-ši-tum kal-la-tum ku-túm-tum

al-si ba-ra-ri-tum qab-li-tum u na-ma-ri-tum

áš-šú fkaššaptu ú-kaš-šip-an-ni

5. e-li-ni-tum ub-bi-ra-an-ni

ili-ia5 ù distar-ia5 ú-šis-su-ú eli-ia5

elî a-me-ri-ia5 am-ru-u a-na-ku

im-di-ku la a-la-lu mûša ù ur-ra

qu-ú im-ta-na-al-lu-ú pî-ia

10. ú-pu-un-ti pi-ia5 ip-ru-su

meš maš-ti-ti-ia5 ú-ma-u-ú

e-li-li nu-bu-ú hi-du-ti si-ip-di

i-zi-za-nim-ma ilimeš rabutimeš ši-ma-a da-ba-bi

di-ni di-na a-lak-ti lim-da

15. e-pu-uš alam amelkaššapi-ia5 u fkaššapti-ia5

šá e-piš-ia5 u muš-te-piš-ti-ia5

áš-kun ina šap-li-ku-nu-ma a-dib-bu-ub di-ni

áš-šú i-pu-šá lim-ni-e-ti iš-te-'-a la ba-na-a-ti

ši-i li-mut-ma a-na-ku lu-ub-lut

20. kiš-pu-šá ru-hu-šá ru-sú-u-šá lip-pa-áš-ru

ibînu lil-lil-an-ni šá qim-ma-tú ša-ru-ú

igišimmaru lip-šur-an-ni ma-hi-rat ka-lu-ú šáru

šammaštakal li-bi-ban-ni šá iritimtim ma-la-a-ta

terînatu lip-šur-an-ni šá še-am ma-la-a-ta

25. ina mah-ri-ku-nu e-te-lil ki-ma šamsassati

e-te-bi-ib az-za-ku ki-ma la-ar-di

tu-ú-šá šá fkaššapti li-mut-te

tu-ur-rat amât-sa ana pî-šá lišân-šá qa-a-rat

in elî kiš-pi-šá lim-ha-u-ši ilimeš mu-ši ti

30. 3 maarâtimeš šá mu-ši lip-šu-ru ru-hi-šá lim-nu-ti

pú-šá lu-ú lipû lišân-šá lu-ú âbtu

šá iq-bu-ú amât limuttimtim-ia5 ki-ma lipî lit-ta-tuk

šá i-pu-šú kiš-pi ki-ma âbti liš-har-mi

qi-is-ru-šá pu-u-u-ru ip-še-tu-šá hul-lu-qú

35. kal a-ma-tu-šá ma-la-a êra

ina qi-bit iq-bu-ú ilimeš mu-ši-tum TU6 ÉN

ÉN irsitumtum irsitumtum irsitumtum-ma

dgilgameš bêl ma-mi-ti-ku-nu

min-mu-ú at-tu-nu te-pu-šá ana-ku i-di

40. min-mu-ú ana-ku ip-pu-šu at-tu-nu ul ti-da-a

min-mu-ú fkaššapatimeš-ia5 ip-pu-šá e-ga-a pa-ti-ra pa-šir lâ irašši TU6.ÉN

ÉN ali-ia5 zab-ban ali-ia5 zab-ban

šá ali-ia5 zab-ban 2-ta abullatimeš-šú

1-it ana sit dšamši šá-ni-tu ana erib dšamši

45. 1-it ana si-it dšamšiši šá-ni-tu ana e-rib dšamšiši

a-na-ku e-ra ha-as-ba šammaštakal na-šá-ku

a-na ilimeš šá šamêemeš a-nam-din

kîma ana-ku ana ka-a-šú-nu ul-la-lu-ku-nu-ši

at-tu-nu ia-a-ši ul-li-la-in-ni TU6.ÉN

50. ÉN ak-la ni-bi-ru ak-ta-li ka-a-ru

ak-li ip-ši-ši-na šá ka-li-ši-na ma-ta-a-ti

da-nim u an-tum iš-pu-ru-in-ni

man-nu lu-uš-pur a-na dbe-lit sêri

ana pî kaššapi-ia5 u fkaššapti-ia5 i-di-i hur-gul-li

55. i-di-i šipat-su šá apqal ilimeš dmarduk

lil-sa-ki-ma la tap-pa-li-ši-na-a-ti

liq-ba-nik-ki-ma la ta-šim-me-ši-na-a-ti

lu-ul-si-ki-ma a-pu-ul-in-ni

lu-qu-ba-ki-ma ši-min-ni ia-a-ti

60. ina qí-bit iq-bu-u da-nim an-tum u dbe-lit sêri TU6.ÉN

ÉN šap-ra-ku al-lak '-ú-ra-ku a-dib-bu-ub

a-na li-it kaššapi-ia5 u fkaššapti-ia5 dasar-lú-du10 bêl a-ši-pu-ti iš-pur-an-ni

šá šamê qu-la šá irsitimtim ši-ma-a

šá nâri qu-la-ni šá na-ba-li ši-ma-a amât-su

65. šaru na-zi-qu tur-ru-uk e tal-lik

šá gišhatti u gišmar-te-e tur-ru-uk e tal-lak

li-iz-zi-iz har-ra-an mârat ilimeš ra-butimeš

a-di a-mat kaššapi-ia5 u fkaššapti-ia5 a-qab-bu-ú

šu'u i-pa-áš-šar immeru i-pa-áš-šar

70. a-mat-su-nu lip-pa-šir-ma a-ma-ti la ip-pa-áš-šar

a-mat a-qab-bu-ú a-mat-su-nu ana pân amâti-ia5 lâ iparrik

ina qi-bit dasari-lú-du10 bêl a-ši-pu-ti TU6.ÉN

ÉN dnusku an-nu-tum salmânimeš e-piš-ia5

an-nu-ti salmânimeš e-piš-ti-ia5

75. salmânimeš kaššapi-ia5 u fkaššapti-ia5

salmânimeš e-piš-ia5 u muš-te-piš-ti-ia5

salmânimeš sa-hir-ia5 u sa-hir-ti-ia5

salmânimeš ra-hi-ia5 u ra-hi-ti-ia5

salmânimeš bêl ik-ki-ia5 u bêlit ik-ki-ia5

80. salmânimeš bêl sir-ri-ia5 u bêlit sir-ri-ia5

salmânimeš bêl ri-di-ia5 u bêlit ri-di-ia5

salmânimeš bêl di-ni-ia5 u bêlit di-ni-ia5

salmânimeš bêl amâti-ia5 u bêlit amâti-ia5

salmânimeš bêl daba-bi-ia5 u bêlit daba-bi-ia5

85. salmânimeš bêl egirri-ia5 u bêlit egirri-ia5

salmânimeš bêl limutti-ia5 u bêlit limut-ti-ia5

dnusku da-a-a-nu tidu-šú-nu-ti-ma ana-ku la i-du-šú-nu-ti

šá kiš-pu ru-hu-u ru-su-u up-šá-še-e lim-nu-ti

ip-šá bar-tum a-mat li-mut-ti râmu zêru

90. dipalaa zitarrutâa kadibbidâa kúš-hunga

šabalbalâa su-ud pa-ni ša-ni-e tè-mu

ma-la ibšu-u-ni is-hu-ru-ni u-šá-as-hi-ru-ni

an-nu-tum šú-nu an-nu-ti salmânimeš-šu-nu

kima šu-nu la iz-za-az-zu salmânimeš-šu-nu na-šá-ku

95. at-ta dnusku daiânu ka-šid lim-nu u a-a-bi kušus-su-nu-ti-ma ana-ku la ah-hab-bil

šá salmânimeš-ia5 ib-nu-u bu-un-na-an-ni-ia5 ú-maš-ši-lu4

pani-ia5 ú-sab-bi-tú kišâdi-ia5 ú-tar-ri-ru

irti-ia5 id-i-bu esemti-ia5 ik-pu-pu

a-hi-ia5 un-ni-šu ni-iš lib-bi-ia5 is-ba-tu

100. lib-bi ilimeš itti-ia5 ú-za-an-nu-ú emûqi-ia5 un-ni-šu

li-it a-hi-ia5 iš-pu-ku bir-ki-ia5 ik-su-ú

man-ga lu-'-tú ú-mal-lu-in-ni

akâlemeš kaš-šá-pu-ti ú-šá-ki-lu-in-ni

meš kaš-šá-pu-ti iš-qu-in-ni

105. rim-ki lu-'-ti ú-ra-me-ku-in-ni

nap-šal-ti šam-me lim-nu-ti ip-šu-šu-in-ni

ana miti i-hi-ru-in-ni

meš napištimtim-ia5 ina qab-rì uš-ni-lu

ilu šarru bêlu u rubû it-ti-ia ú-za-an-nu-ú

110. at-ta dgira qa-mu-ú kaššapu u fkaššaptu

mu-hal-liq rag-gi zêr kaššapi u fkaš-šapti

mu-ab-bit lim-nu-ti at-ta-ma

ana-ku al-si-ka ki-ma dšamaš daiânu

di-i-ni di-ni purussâ-ai purusus

115. qu-mu kaššapu u fkaššaptu

a-kul ai-bi-ia a-ru-uh lim-nu-ti-ia

ûm-ka iz-zu lik-šu-šu-nu-ti

ki-ma mêmeš nâdi ina ti-qi liq-tu-ú

ki-ma ti-rik abnêmeš ubânâtimeš-šú-nu liq-ta-as-si-sú

120. ina qi-bi-ti-ka sir-ti šá lâ innakaruru

ù an-ni-ka ki-nim šá lâ innennuú TU.ÉN

ÉN dnusku šur-bu-ú i-lit-ti da-nim

tam-šil abi bu-kur den-lil

tar-bit apsî bi-nu-ut dbêl šamêe irsitim

125. áš-ši tipâra ú-nam-mir-ka ka-a-šá

kaššapu ik-šip-an-ni kiš-pi ik-šip-an-ni ki-šip-šú

fkaššaptu tak-šip-an-ni kiš-pi tak-šip-an-ni ki-šip-ši

e-pi-šu i-pu-šá-an-ni ip-šú i-pu-šá-an-ni e-pu-su

e-piš-tu te-pu-šá-an-ni ip-šú te-pu-šá-an-ni e-pu-si

130. muš-te-piš-tu te-pu-šá-an-ni ip-šú te-pu-šá-an-ni e-pu-si

šá salmânimeš ana pi-i salmânimeš-ia5 ib-nu-ú bu-un-na-an-ni-ia5 ú-maš-ši-lu

ru'ti-ia5 il-qu-ú šârti-ia5 im-lu-su

sissikti-ia5 ib-tu-qu e-ti-qu epirhi.a šêpê-ia5 is-bu-su

dgira qar-du šipat-su-nu li-pa-áš-šir TU6.ÉN

135. ÉN anašiši ti-pa-ru salmânimeš-šú-nu a-qal-lu

šá ú-tuk-ku še-e-du ra-bi-su e-tim-mu

la-maš-ti la-ba-si ah-ha-zu

lilu flilitu ardat lili

ù mimma lim-nu mu-sab-bi-tu a-me-lu-ti

140. hu-la zu-ba u i-ta-at-tu-ka

qu-tur-ku-nu li-tel-li šamê

la-'-mi-ku-nu li-bal-li dšamši

lip-ru-us ha-a-a-ta-ku-nu mâr dé-a maš-mašu TU6.ÉN

ÉN dnusku šur-bu-ú ma-lik ilimeš rabû-timeš

145. tuppu Ikam ma-aq-lu-ú