Site hosted by Angelfire.com: Build your free website today!

 

 

  莊一年……咁快就一年喇。發生過好多事,難忘既、辛苦既、開心既事當然亦有好多。我諗最開心既就當然係同一班莊員一齊玩、一齊做野既感覺。尤其係好多野係大學先係第一次試,例如影莊相呀、係咁多人前dem slogan咁呀,個感覺好新鮮。NABA俾到人既係一種「家」既感覺,成個NA甚至中大都係NABA guys,碰口碰面都係熟人,有d咩事都可以搵到人吹水。而且每一個活動都係搞返俾NABA guys參加,就好似搞俾自己既朋友玩咁,自己又可以玩埋一份,係十分之開心既。但係忙左一年,好多感覺都俾當時手頭上既工作掩蓋左,一樣工作未做完又要開始下樣。好多時注意力都只係好想做得好o的、快o的做完個活動。到依家就黎落莊,見住下莊做返上年自己做過既野,又會勾起返好多感覺同回憶。依種感覺好難形容,我諗係一種可以同莊員為左一個共同目標去努力既喜悅。

  今年難忘既事真係有好多,但係要數最難忘我諗都係搞O camp個幾個月。依家睇返就真係似一個長期征戰,不停咁開會、練舞、搬sponsor,臨o camp前幾日既時候直頭住埋係走讀度,為既都係驚有咩唔記得做都可以即刻做返。每一件事依家睇返,都唔知自己個時係點樣做完既。竟然可以係一個暑假做到咁多野??為既就真係單單係令將會入黎、素未謀面既freshmen。捱左幾個月,到左o camp day1,我做點名既工作。見到一個個新面口既freshmen,真係別有一番滋味在心頭。到依家每一件o camp裡面既事都仲係刻骨銘心既。O camp四日三夜再加埋day 0,總共5日,每日都係訓得兩三個鐘。每晚開會檢討、執拾物資都搞到三、四點,五點有得訓七點幾又要起身。個人係個幾日好似迷迷糊糊咁,早午晚三餐冇飯食之餘又仲要負責搬物資,有幾野真係差o的暈咁滯呀!不過見到d freshmen個個精精伶伶活活潑潑,都覺得幾辛苦都係值得既。加埋有o的gap既莊員(x峰、x婷、x娟…etc~哈~)係做野既時候搞下笑咁,幾辛苦都冇所謂啦~

  BA既每一個society都唔係頹soc,而作為NABA既莊員、會長,就更加要努力做得好。我好多謝莊員同我一齊係今年傻傻咁去闖,雖然每個人俾到出黎既effort未必係一樣,但我知每個人都有盡力過。有一個片段我諗畢生難忘,o係O camp mass out,玩緊「水彈排球」(我唔知個game叫乜名喇)既遊戲。我地因為冇攔網而不停失分,melody就不停大o益「攔網呀!」,但係個時個個莊員基本上都o益到失晒聲喇,但佢都係用把爛晒既聲繼續怒o益住d freshmen根本就聽唔到既野,個種感覺令人感覺到佢對NABA既超級熱誠。以上係眾多例子既其中之一,我知道每個莊員都係愛NABA既! 多謝你地!另外亦要多謝返上莊、上上莊俾我既好多意見。從點樣搞好一個活動,以至點樣同其他人相處,都俾左好多意見我。我期望每一個NABA guys都可以o係以後都係開開心心啦!尤其係希望以後每一屆既NABA莊員都團團結結,搞好NABA,等每一個NABA guy都會因為自己係NABA guys而覺得開心同自豪!

 

Eric變髮過程!!


 

  

  NABA-----------------一個四個英文字既組合, 不知不覺間己經係自己既人生中具有獨特既意義, 佔左重要既一席位.


  最後一個function--- 燒烤營舞會都已經完滿結束, 不其然諗返起成年前既秋季大旅行既個個時候, 為宣傳期而努力, 一齊做banner, 一齊做table stand, 一齊係mmw 8樓dem NABA Guys…………送舊, ba fest., 院長盃., O Camp, O Night, 電腦班, 傾莊, 萬聖電影夜 ………… 咁快就一年了………

  情人節夜話, 聖誕踩冰, 打邊爐, 食宵, 南丫島食海鮮, 海灘BBQ, 重慶食咖哩, 萬聖玩鬼屋………呢D莊聚我點都唔會忘記架 !!! 唔知, 仲會唔會有機會係情人節當夜黎多次夜話呢?


  問自己, 大學有乜得著,我會話慶幸我上左NABA莊, 得到十二個真正既好朋友, 經歷左有血有淚既一年. 這一年裡, 亦係人生中既動盪, 生命中最低潮既時刻, 係佢地, 陪住我, 撐住我, 扶起我……… 幸運星, 風鈴, 四葉草都成為左我既戰利品. "大學既呢一年, 已經係十九年既總和", 有著最多既傷痕, 亦最多支持和成長.

 如果重新選擇,我都會揀返上NABA, 因為笑同喊唔再係自己一個, 係有十二個莊員同我一齊分享同承擔. 我會話: 我愛我既莊員, 我的的確確在乎佢地.

  每一個Function, 每一莊聚, 一分一秒, 一點一滴, 編寫一個個屬於我地十三個人既故事, 這些故事恐怕即使用再多既文字都寫唔完, 不過已經深深烙係心裡面, 成為一直陪伴住自己的美好回憶.

  我相信, 呢個故事係唔會完架, 因為有信心大家會為佢加添無限既續集………直至Eric變左個阿伯………… 汗~~~~

 

 

  兩個禮拜, Elisa係開會既時候提出, 今年既最後一期會訊已經在籌備中, 各莊員都要預備一篇關於這一年上莊的感想…………原來已經一年喇…

  見到今年既新莊, 好努力咁準備諮詢, 籌備宣傳期, 我好多時都會諗起上年既自己……

  有好多人都話大學生係呢三年入面有五件事一定要做 ------上莊, 住宿, 拍拖, 讀書, 做part time. 其中就以上莊為year 1既大目標, 因為之後兩年既功課會好忙, 根本無時間做莊務. Year 1 時傻傻地既我, 係唔少師兄師姐既鼓勵下, 選擇左NABA ---- 唯一一個令我想大嗌既莊!

  我咁樣形容或者好多人會覺得好奇怪, 不過可能我既莊員都會明白點解我會咁講, 因為係呢一年堶, 我地為NABA付出得最多既, 好可能就係我地既吶喊聲. 識我既人都知道, 我雖然平時粗粗魯魯咁, 不過講野既時候就成日都細細聲, 好多時見我口擘擘咁都唔知我講乜. 不過我夠膽講一句, 到今日為止,每一次dem slogan既時候我都未試過渣灘!!!! 咁係因為我每一次同大家一齊 dem slogan或者係大嗌NABA既時候我都真係好開心, 好想用盡我把聲去大嗌. 係O camp 既時候, 就算我地一班莊員幾累, 喉嚨幾痛, 我地都會繼續為NABA--------大嗌!!!而我相信, 係我呢一生人入面, 好可能無咩其他野會令我再想去為佢吶喊。

  早兩日, 我係stot 既presentation 入面為我個組整左一個background, 好多人都讚靚呀!!!! 當問及我係點樣整既時候………哈哈 我就會好謙虛咁話------Flash 雖然好多人都對flash有認識 而且叻我好多 不過對於一個電腦白痴既我 竟然曾經做過兩個flash 簡直就係一種成就呀!!!!!!!! 除左Flash之外 係呢一年入面我覺得自己學左好多野呀. 比如我係我莊員身上學到做一件事之前一定要三思而後行, 特別係一樣未做過既事之前, 就更加要諗清楚個可行性; 其實仲有好多野都好難好實質咁講出來, 不過我覺得係呢一年入面, 自己諗野既方式有著好大既轉變, 成熟左少少, 為其他人諗多左少少, 樂觀左少少, 學識左處理壓力多少少, 係控制自己既情緒上又叻左少少. 雖然每樣都係少少, 不過對我既影響都好大架!!!!!

  回顧返自己係過去一年同一班莊員攪過既function, 我諗令我, 甚至每一個莊員最難忘既其中一個function, 都非O camp莫屬喇. 短短三個月, 整整九十二日, 大家既生活入面彷彿都只有籌備唔完既工作. 係呢段日子入面, 我真係見我既莊員仲多過周公. 雖然有時真係會做到好支力, 好辛苦, 不過見到大家都咁努力就會有好大既動力, 特別當O camp既日子越近, 精神耗得越多, 大家就好似越有拼勁咁. 正 camp 既時候 每一個人都好似忘記左休息咁, 全情投入O camp, 盡力做好自己既崗位; 同時好投入, 好投入咁再一次為NABA 大嗌~~~~

  係呢一年入面, 我創造左好多個人既創舉, 嘗試左好多我咁大個女既第一次, 承受左好多人比我既壓力, 亦得到左好多人既支持. 喜怒哀樂既極端我都到過; 甜酸苦辣既精髓我都試過. 係接近莊期既尾聲, 實在好難評定 係心入面依依不捨, 定係精神上鬆左一口氣……只能夠講一句-------是值得的, 是無悔的.

 

 

  星期睇住班下莊o係Sir Run Run 出面dem slogan, 諗返起上年俾百幾隻眼望住咁dem "We are NA". 不經不覺咁就一年喇, 仲有差唔多一個月就落莊. 呢一年NABA莊員既生活真係非常開心. 每一個function見到各位NABA guys玩得好投入好開心, 就會覺得呢一年咁辛苦係值得既.

  上莊最開心當然係識到一班咁好既莊員啦. 一開始同班莊員唔係好熟, 我仲擔心大家會唔夾, 但係攪完個諮詢大會之後, 真係不禁講句"呢個組合大完美喇!" 鬼才出版Elisa, mark sponsor易過食生菜既Poyi, 大家都將自己既才能發揮得淋漓盡致. 我地個莊最奇怪既就係好鍾意揀D特別日子莊聚, 例如平安夜, 情人節… 可見我地既IVP幾有心思. 每一次開會同莊聚, 感覺就好似返左屋企一樣. 記得year 1 上莊既時候, 見莊員既時間仲多過見自己家人.

  上莊最辛苦莫過於攪O Camp, 仲要做左第一組小組長, 要負責拎住支大組旗行來行去, 咪睇支大組旗好似好輕咁, 食風果時拎住都幾係野. Freshman 可能唔知攪呢個4日3夜既O Camp 有幾辛苦, 我地班莊員加大組長, 影, OC, 小組長開左幾個月會都係為左呢4日3夜咋. 不過當正camp Day 1 o係二低等freshman 入黎果刻覺得做咁多野都值.

  本來我打字一D都唔快, 但係上左莊做左文書打左幾十份minutes之後, 打千幾二千字已經係"濕濕碎", 文書絕對係一個好辛苦既職位, 不過對於練打字黎講確實係唔錯. 另外做左NABA莊員令我有好好既體能, 除左之前講過O Camp 要拎大組旗之前, BA Festival 又要練舞, 平時又要搬福利品, 陸運會院長盃都要參與.尤其係院長盃, 乒籃排羽足網, 我淨係冇打到排球, 足球更加要守龍添, 上NABA 可以令人"百般武藝都耍家"

  呢一年經歷左好多野, 傾莊唱票既心情, MMW 8樓練Slogan, 紫霞大廳怒整table stand, 去好多間mastina運吉, 平安夜溜冰, 2月14的莊聚, 合一亭食乳豬, Secret Angel/Devil, BA Festival練練下舞衝落夏鼎基踢波, 由Fulton用百佳車運sponsor上NA, O Camp night gathering 跳舞, BA Lab教幾十人IT Course, 石澳通頂莊聚, 兩年陸運跑10x400, 呢一切一切難忘既回憶都係做NABA莊員呢一年所得到既.

  正所謂"開心既時間過得特別快", 又係時候落莊喇. 好想"lum"多一年莊, 當然呢個係妄想, year 2讀書既壓力大左好多, 冇可能再好似year 1咁成日走堂去攪莊務同去玩. 雖然係咁, 但係我一定會盡量出席NABA既functions, 因為我係NABA guys.

  NABA Ouch~

Ricky變髮過程!!


 

 

  學時期我會對自己間中學, 對自己既house, 對自己攪既club好有歸屬感, 對 "Spirit"呢個Concept睇得好重要。其實當初傾莊我冇熟朋友陪我上, 除左第八組又唔識其他人, 唔知點解咁有motivation去傾莊, 可能就係呢股無法抗拒既歸屬感, 迫使我去傾莊, 最後好艱險俾我上到, 真係好多謝投我票既人, 如果唔係, 今日我都唔會擁有咁多!!

  舊年第一個sem我仲係走讀生, 記得當時真係覺得好吃力, 尤其宣傳期o個排!! 通宵整banner, table stand, 去MMW 8樓怒dem slogan, 洗樓, 開會,準備pre咨…有時見班莊員做通宵又唔好意思走, 但已經差唔多晚晚十二點幾先番到屋企, 屋企人又唔鍾意…….擔任財政一職, 起初自覺做得唔太好, 都有唔開心ga, 好彩班莊員對我好體諒!可以同佢地一齊搏, 一齊努力, 真係好好~ 仲有上莊同上上莊成日俾我地莫大支持同鼓勵~真係勁開心ga~!

  係NABA最難忘既事有好多, 但有d真係不得不提。睇院長盃, BA Fest賽事, 見到咁大堆NABA guys好大聲好有勢咁幫球員打氣, 好激動咁dem slogan, 真係以NABA guys為榮! 有次我親身落場打乒乓波賽事, 聽到有人嗌我名, 先深深感受到NABA guys 既支持係非常重要, 因為真係可以振奮士氣~

  攪O'Camp 唔講唔得, 真係畢生難忘呀!雖然初初成日擔心自己做得唔好, 但都好慶幸有得出大檯做OC, 因為俾左好多寶貴經驗同機會我去學野。成個暑假全職奉獻左俾莊+ O'Camp, 怒開會、怒跳舞(試過1星期跳足5日)、做GA野、輔聚、 prepre camp…… 但每次做完一樣野我都好有成功感。 O'Camp辛酸事源於 Day-2, -1勁痛苦,勁多野做…搬同pack 800份sponsor做到麻木, 又要狂開會同練舞, 試行Transit Route (由Shaw to CC來回) etc. o個陣覺得一日好長, 過極都過唔完。到Day0先開心番d ja, 因為見番d莊員同我親愛既輔導員,當時大家都為正Camp準備就緒, 好期待見到自己既組仔女。到Day1正Camp, 見到d freshmen 真係好與奮, 因為我地準備左咁耐既O'Camp, 就係俾呢班人玩ga la ~好想佢地可以玩得開心投入, 尤其希望NABA freshmen都會對NABA好有歸屬感! o個幾日精神上同肉體上都好疲乏, 一日訓得1-3個鐘, ,第2日又要怒帶transit, 安頓好多大大小小既野, 又冇時間陪組仔女, 又冇得dem slogan, 真係好折磨呀!! 不過時不時d莊員、上莊同上上莊都會走過黎叫我加油, 真係令我好感動ga~

  係Sir Run Run 台上跳NABA隻舞係令我感到最光榮、最自豪既一刻!之前雖然有d不快事令我地好氣憤, 但大家都會團結一致、互相勉勵咁跳好隻舞。加上台下NABA Guys震耳慾聾既歡呼聲, 令我地越跳越high, 越跳越開心, 感覺就好似自己係到開演唱會咁 !!

  我地試過一齊經歷好燥好煩好忙既時候, 亦有經歷過最開心最high既時候, O'Camp之後發覺莊員間既了解深左, 默契好究, 大家都好識得點樣去互相遷就同體諒。曾經對個莊有失望過, 因為起初(尤其係做走讀生既時)覺得自己同莊員唔太熟, 但宜家我可以講我真係好喜歡同你地做莊務+玩ga ~!宜家見到班下莊咁落力去宣傳, 好懷念我地以前好勞碌做莊務既日子! 好鍾意d preprepre camp、prepre camp、通宵莊聚(勁激動), 希望落左莊都可以keep住莊聚啦~

 


  仲記得上年有好多人問我點解要上NABA, 當時0既我只可以講NABA個O'Camp好好玩, 所有組爸媽都好好, 我想係黎緊一年都可以咁開心, 所以我上NABA.......... 轉眼間, 一年好快就過去, 係呢一年既上莊生活為我帶黎左好多好多野, 同埋無限既回憶. 雖然上NABA亦令我失去左好多, 但是這一切都是值得的, 因為我得到的更多.

  身為NABA既總務, 要兼顧0既野都唔少架, 除左要負責去同整福利品0既公司溝通之外, 最令我頭痛就係一大堆NABA的資產, 佢地真係幾麻煩架, 仲記得上年係學思度推左一大車0既野番紫霞, 個車野真係好重, 一個人推住架車落誠明徑, 差D就人仰車翻添呀....個D資產真係好多, 成個紫霞既床下底都差D擺唔曬. 當我去清點一下的時候, 我發現左大大小小幾十卷的透明膠紙, 我當時想點解有咁多膠紙仲要買呢? 難道總務連有無膠紙都唔知道? 但到了今天, 我終於明白, 希望我的下莊可以體諒啦 ! 係過去呢一年, 大大話話都搞左好多個Functions, 由好小型0既萬聖電影夜, 到俾所有freshmen0既O'Camp, 不論大大小小0既事情, 對我來說都是難以忘懷的, 而最令我刻骨銘心的便是O'Camp入面跳舞0既經歷. 雖然之前我地已經係BA Night跳過一隻舞, 但係Sir Run Run台上面跳的感覺真係非三言兩語可以表達. 這一隻舞我地由六月開始學習, 經過兩個多月不停苦練, 最辛苦0既係練習之餘, 我地仲有大量O'Camp的事情要去處理. 其實要跳一隻舞唔難, 但要一班人跳好一隻表演0既舞就好難. 我仲記得大家係O'Camp前夕不停地練習, 無論幾咁疲倦亦希望做到最好, 唔想令NABA0既freshmen失望. 到左真正表現的一刻, 我地0既心情真係好興奮, 大家終於可以把多個月來辛苦的成果表現俾所有人睇. 係這一刻, 我還好記得跳舞個時, 台下所有0既NABA Guys 都為自己打氣, 聽到自己的名字由觀眾的口中傳到台上, 那是一種令人熱血沸騰的感覺, 這是我前所未有咁開心, 笑容係由心底裡出來的. 我一點都無誇張, 這是我人生最開心的一刻.

  想一想這一年最辛苦的日子, 又點會唔係O'Camp呢? 由prepre-camp開始, 我地全莊都日以繼夜為O'Camp作最後0既準備, 要執同pack sponsor啦, 又要整組旗, 加上不停開會.全莊係未到O'Camp之前已經好疲倦, 我記得自己係day - 6 已經去左走堂訓, 每晚都做到好夜, 而第二朝又要好早開會.....仲記得係day-2, 我同Ricky將D sponsor搬去shaw之後同左娟娟, Fiona行transit route, 由shaw行去ELB呀...足足行左45分鐘, 其實最辛苦唔係我,因為娟娟同Fiona仲要番去開會, 我地NABA0既OC真係勞苦功高. 突然想起一件趣0既事, 我地係搬緊幾十箱水同鴻福堂去二宿0既時候, 我地發明左一個好搞笑的logistics方法,就係將一箱箱0既野, 由樓梯頂推落去, 都X番唔少力水架... 終於到正Camp啦, 係四日三夜入面, 我地全莊經歷了最興奮亦最辛苦的日子, 但看見freshmen如此投入同開心, 一切都是十分值得. 經過連日0既辛勞, 我係走堂足足訓左22個鐘呀 !!

  我覺得上NABA令我學左好多野, 但是能夠同十二位莊員建立一份深厚0既友誼才是我最大的得著. 大家由原本互不相識, 到一同面對困難同挑戰, 喜悅同歡樂, 這都是我們的緣份, 如果沒有NABA, 我們根本唔會走在一起. 係呢一年入面, 我地經歷的事情實在太多, 一齊去食宵唱K, 去打邊爐食生日蛋糕, 一齊為一些事而感動過歡笑過, 這些一點一滴都構成我記憶0既一部分, 真的希望可以再同你地去南丫島食海鮮, 係石澳吹水吹通頂, 一齊係花墟捉迷藏.......我相信這並不是我一個人的希望, 而是我們十三個人的希望, 我深信"創新峰"0既精神會一直延續落去的.到了今時今日, 如果再有人問我點解要上NABA, 我會話我愛NABA...就算我的身份不再是莊員, 但我會一直以我係NABA Guys而感到自豪. 最後, 我衷心祝福下莊凝新勢可以係未來的一年將NABA更加發揚光大, 希望所有NABA Guys都會為自己0既身份而驕傲.

Gavin變髮過程!!

 

 

 

  想起上年九月開學ge時候,仲未知道大學ge生活係點樣,究竟自己應唔應付到大學ge功課都唔知道。但係,憨居居ge我就懷住一顆熱愛NABA ge心,去傾NABA莊。唔覺意地,憑住我傾莊時斯文、認真ge一面,成績地當選為NABA莊員。當晚真係好開心,我同Fiona一齊許下ge願望:「成莊後一齊去食宵」真係實現左。

  成莊初期,莊員當中我只認識細O同組ge fiona同娟娟。其他莊員?只記得佢地個名同樣,感覺好生疏。記得有一次係Med can撞到Poyi,佢好懷疑咁問我:「你係咪我莊員呀?」諗起都覺得搞笑。經過年幾ge相處,我同莊員ge關係楔係唔簡單啦!我地13個人一齊經歷諮詢、交職、ocamp咁多大大小小ge活動,友誼由此建立出黎,感情亦因此而變得深厚。當然,無數ge莊聚梗係增進友誼ge重要因素啦!

  「開年飯」係我第一個PIC function,亦係我莊第一個活動,所以一定唔可以頹。o個時ge我咩都唔識,覺得乜都好難,要搞一個100人參加ge活動實在太大喇!而家睇返轉頭,100人?簡單啦!之後ge送舊活動,我唯一記得ge就係,o係送舊前一晚,我地為左完成塊展板,做到深夜。訓左幾個鐘就起身沖涼,換suit,準備當日ge活動。辛苦左成日,我地竟然仲可以係夜晚去唱通宵K,真係不可思議。搞左咁多個活動,最難忘ge一定係ocamp啦!ocamp絕對唔只係一個四日三夜ge活動,籌備ge時間真係多到難以想像。我覺得最有成就感ge就係「跳舞」,由初時完全未聽過首歌,完全唔識跳隻舞,到最後上台表演時得到大家ge讚賞,感覺真係好正!此外,8月19日正camp day one,認領仔女時ge心情更加難忘。雖然o個朝早真係有十萬個眼訓.但係見到一個個第八組仔女到達,突然任何疲勞都一掃而去,眼中只有13個仔女。而家d仔女見到我都會叫我「婷婷媽」,搞到我都覺得自己輩份高左,真係好鬼開心!

  轉眼間就要落莊喇,真係好唔捨得。我唔捨得我ge莊員,唔捨得知行conference room,唔捨得同莊員一齊去女工o既日子。係year 1,NABA令我成長,睇ge野多左,諗ge野都深左。每次睇彼d相,我都會諗番起同12個莊員一齊渡過ge日子。落莊之後,雖然我ge身份再唔係NABA莊員,但NABA搞ge活動,我都一定會參加同支持ga!因為……我永遠都咁愛NABA!!而NABA亦都永遠咁可愛!!

 


  一忙,時間就過得特別快!自己由一個懵剩剩既freshmen,成長到而家「亭亭玉立」﹝請容許我咁樣形容自己,hehe~~ 雖然唔多貼切 lol﹞,真係唔多相信咁就過左一年,而家已經係year 2,已經係13個freshmen既組媽!

  回想起過去呢一年,發覺自己原來已經經歷左好多野,如果唔係上左NABA,我相信,我既生活唔會咁精彩,我唔會參加咁多活動,唔會識得咁多人,我只會係一個淨係識得返學放學傾proj讀書考試既學生…… 我本來個人就比較內斂,唔多鍾意發表意見,無咩自信,鍾意聆聽多過開聲,但係,NABA俾左好多機會我去學習我所缺乏既…… 因為有咁多位莊員既帶領,我開始發掘自己。

  其實我點解會上莊既呢?講出黎真係有d搞笑…… 我係係誤打誤撞既情況下上左NABA既…… 中學既時候,成日聽到同學話:「入到大學,緊係要上莊啦!」聽得多,久而久之,我就真係諗住搵個莊上。開學之後,住係宿舍,同組爸亦係上莊既Chris都幾熟,俾佢推下推下,我就懵剩剩咁走去傾NABA莊。其實我o個陣好驚,因為傾莊時陣勁多人,我跟本無信心可以上到NABA!不過因為o個陣岩岩開學,無咩野做,咁咪去傾下lor…… 就係因為呢次既無所謂,就改變左我既university life.

  唔知係咪因為我係一個比較慢熱既人,起初我同d莊員相處得唔係咁好﹝並唔係代表唔好,唔好誤會!﹞,覺得自己係莊入面有少少「問題少女」既感覺……後來,慢慢咁同d莊員熟究,上莊既感覺好好多 ^^ 好慶幸自己糊里糊塗咁上左NABA!

  我地係sem 2 final之後就開始籌備O'camp,要做既野真係好多,要學跳舞,搞輔聚,要rehearsal,咖啡灣我地都唔知去過幾多次!!另外,要每個禮拜開會,每次都要開好耐,總之要傾晒所有野先可以散,基本上,year 1既暑假就完全貢獻晒俾個O'camp,但係我覺得係值得既,我所付出既時間同埋金錢,換番黎既係一生難忘既回憶,搞大型活動既經驗,好多份珍貴既友誼,團體合作既必要,互相支持鼓勵既重要性,仲有對個人情緒既控制……同班莊員係搞O'camp期間,友情發展得最快,因為我地幾乎日日見面咁滯!仲有喎,係O'camp期間,大家做野都做到好燥,有時難免會向其他莊員發脾氣,但係我地都互相了解大家,知道要互相支持!

  當自己係freshmen玩O'camp既時候,出出入入都有組爸組媽帶住,有佢地照顧我,完全唔知道佢地有幾辛苦,到左自己做左莊員,亦係組媽既時候,先知道搞O'camp真係好辛苦!五日四夜入面,我只係訓左四個鐘,因為要等d組仔女安頓好,幫佢地入冷氣credit,跟住我地莊員要開e,完左就即刻沖涼,然後過去同組仔女吹水、玩……真係好辛苦,但係係o個陣,自己真係會好無私咁將所有野留返俾組仔女,自己挨下又有咩所謂呢!?我諗我上莊之後,得到最寶貴既就係為NABA GUYS服務、付出既精神,有時輔導員或者有d組仔女見我辛苦,想幫我手,但係都俾我拒絕,因為我真係好樂意為佢地做事,去serve佢地,唔單只係責任咁簡單,而家出自真心既……

  記得一次莊聚,有位莊員話我好似愛多左NABA……係佢講呢句說話之前,我從來無諗過呢樣野,我好少去思考自己既感情,而家再諗番,或者佢講得岩^o^

  

 

  開始了. 要開始離開"校服"生涯, 進入自由, 自主, 獨立的國度-大學生活了.

  在中學時, 己有參加學校活動, 做什麼學會或組織的幹事. 因此進了Ocamp, 知道咩叫"莊"之後, 我就立即知道我一定會上莊. 因為我絕對不是一個"摺","頹"的人. 因為我以為上莊會好像中學時代一樣是少數人特有的機會, (明顯我那時是不知道大學有的莊多的是, 絕對是供大於求!) 所以我已經差不多選定NABA為我要上的莊了.

  過了Ocamp, 完成Onight之後, 我已經可以知道我想要上的莊就是NABA. 到傾莊高峰期, 我只出席過NABA的傾莊. 結果, 無驚無險就上到莊了. 一切盡在預料之中.

  成莊那一晚, 心中並沒有什麼興奮之感, 可能是因為一開始就已經預計到了, 而且有部分莊員也是Onight 的OC, 所以心會定下來. 又或者可能是我當時對NABA的歸屬感並不高, 所以並沒有那麼高興. 何是成莊個多月之後, 我的心轉變了, 我的心由自己為出發點轉到NABA處. 還記得當時整個莊為了準備宣傳的事, 日夜忙過不停. 當時, 整個莊所有莊員都一心一意為整個莊做事. 每個人都無私地付出時間, 走堂的走堂, 捱夜的捱夜, 各個都為著同樣的目標進發. 我在其時首次感受到what is team work, what is team spirit! 那時我們團隊精神特別高, 士氣特別旺盛, 而我對NABA 及莊的歸屬感都大幅度提升. 當時我們那團火無論怎樣也撲不滅!!

  記得那時有一晚, 我們全莊去了Ricky房要睇女莊員買suit的資料. 其間Melody 介紹了一首英文歌給我聽. 於是我立即回家download 來聽, 還轉到我的Mp3機中. 自此的個多月, 我每晚和其他莊員完成莊務, 於寒冷的晚上獨自回家的途中都會怒聽這首歌. 當我在Ocamp 之時再次聽這首歌, 就發現它勾起了我很多很多上莊初期的感覺, 那種天氣寒冷的感覺, 那種既疲倦又高興的感覺, 那種歸屬感提升的感覺, 那種全team人一齊努力的感覺, 各樣種種的心情都浮現出來, 的確令人懷念. 我希望在十多年後, 再次聽番這首歌時, 可以同樣浮現出同樣的感覺, 和上莊初期一模一樣的感覺, 因為這些的確是我一生中重要的事, 我不想忘記它……這首歌就是Caron Nightingale 的 Promises Don't Come Easy.

  要講我地個莊, 點少得我的莊員. 讓我一一列出他們的名字. Eric, Gavin, Ricky, Gary, Melody, Poyi, Fiona, Zora, 婷婷, 娟娟, 郭峰, Elisa. 如果要每人一句形容他們…let me try.

Eric: 有領導才能
Gavin: 為人和善
Ricky: 讀書很有潛質
Gary: 很有個人魅力
Melody: 很重視家庭
Poyi: Model格的可人兒
Fiona: 最理想的賢內助
Zora: 外表冷漠, 深藏不露
婷婷: 傻得可愛的千金
娟娟: 緬甸化的中國女孩
郭峰: 原本性格開朗, 後來是另類思想模式
Elisa: 鬼才畫功, 不應從商

  這些就是我的莊員. 我很慶幸我有選擇上莊, 可以認識到這一班莊員朋友. 我很享受這一段大家一齊渡過的日子. 倘若我當日選擇自我摺埋, 埋頭苦讀, 我可以肯定我有學業上的成績, 但是我只會變成一個沒朋無友的人. 這樣人生就沒意義了. 我己視這班莊員為我的人生的朋友, 我希望我們以後能夠繼續維持下去, 即使十年, 廿年後, 在街上亦可以認出而非視彼此為陌路人!

  要結束了. 整整一年的正式莊期接近尾聲. 時間過得真快, 我還不想完結, 快樂不知時日過. 意味著在NABA的日子會過得很快, 我一定要珍惜every marginal time! 雖然我莊員身份快要放下, 但是NABA guys的身份卻不會就此放下, 我還會支持下莊, 下下莊, 甚至下下下莊! NABA oush !!

Jeff變髮過程!!


 

  年的時間真的很快就過,我還記得上年我上莊時的情景,當時的我,在O camp完了後對NABA這四個字充滿著熱誠,看到自己的組爸媽對自己如果照顧有加,心堶扈u係好感動,一心就以上NABA莊來回報大家的照顧,當然,好幸運地我能夠成功上到喇!!

  係呢一年堶情A我學到好多野,得到好多野,不過話分兩頭,有得有時總會有失的,但係我都覺得一切都係值得0既!!我係呢度過0左一個好開心0既Year 1生活,雖然好忙,忙到有時連食飯0既時間都冇,訓就更加唔駛講喇,但係咁比起0的開心0既回憶來講,實在係小巫見大巫喇。從一個商學生0既口吻來講,我覺得我係投資得利,回報可觀呀!

  NABA俾我0既感覺真係好似一個大家庭,每日來回中大,總會遇到熟識0既面孔0既人同你打招呼,可能有人覺得呢0的係HI-BYE FRIENDS,唔值得高興。我只會話呢0的人係唔知實情0既人,佢地唔明白朋友唔需要每次見面都寒暄問暖,只要當遇到特別事情的時候,你就會發現大家係有幾好,關係係幾咁親。我記得有一次我唔舒服,我真係可以感受到大家0既關懷,很多人都會主動的去問候我(我指的係真摯的問候),果一刻,你真係會感受到溫暖呀!!

  上莊,係一件好開心0既事,由其係上NABA莊,雖然好多人都會覺得上呢個莊會好忙,好辛苦,又未必有時間讀書,但係我真係唔想讀完3年之後,除0左帶走一0的知識,一張畢業証書咁就算,我知道我第時出到社會工作,根本就唔會有太多0既機會好似上莊0既生活咁,即興咩就成班莊員走去食宵,高興咩就義無反顧咁整table stand、做banner做到通頂,喜歡咩就做到走哂成日0既堂只為莊務,雖然聽落真係會覺得有點兒過份,但係……我絕對相信呢0的都會係一0的好美好0既回憶,第時講返,一定會會心微笑,令人津津樂道。過去一年可以話係我對NABA義無反顧0既一年,無論有咩事,我好多時都會以NABA行先,但咁反而令我更愛NABA,更愛這個可愛的大家庭。

  好快我就落莊,但咁唔代表咩野,我一樣會繼續支持NABA 0既一切活動,大家都係NABA GUYS嘛!!下莊們呀,你地要努力呀!!要令NABA繼續成一個散發引力的地方,令人人都樂於在此。

 

Gary變髮過程!!

 

 

  經唔覺,原來自己已經上左NABA莊成一年喇﹗睇住班下莊而家好落力咁進行宣傳期同埋戰戰競競咁準備諮詢大會,令我不禁諗番起自己都曾經咁樣經歷過。一年,原來真係可以好快,尤其係快樂、充實、有意義既一年。

  未入大學之前,已經立定決心要上NABA呢個莊。我諗有咁既諗法都係由於NABA呢個大家庭俾倒我一種親切感、歸屬感、活力同埋吸引力,而咁錫我既組爸組媽當然都係唔少得啦﹗三次傾莊之後,有驚無險終於上左莊,跟住就開始過同NABA好close既日子喇﹗

  o係NABA,我擔任宣傳一職,係我自己選擇ga。當時,我本住對design有少少興趣,再加上我立志要學識Photoshop,所以就毅然要做promotion喇。記得,一開始,第一件要做既就係諮詢既海報,對於當時連圖層都唔知係乜黎既我,真係做到好吃力呀﹗已經唔記得個design執左幾多次,亦都唔記得揭左幾多次參考書,可能比起其他so係頹左少少,但我已經盡晒力喇﹗之後,出多左poster同banner,就愈來愈掌握到點用,而家已經可以好快咁做到自己想做既野喇﹗其實,作為宣傳唔算太辛苦,相反,整完出黎既poster、banner、so紙同埋camp tee俾倒我好大既成就感,推使我下次做好d,再加埋班莊員既參與,好似Elisa既貨同埋Ricky既技術支援,做野就更加事半功倍喇。如果一定要我講一樣最辛苦既野,我諗係初時d banner要去到間公司度整貨,係工業區黎ga,又遠又難行,塊banner仲好重添呀﹗

  PIC function,我hold既有萬聖電影夜。其實我好怕呢d關於恐怖既野ga,自我懂事,都未試過完完整整咁睇過一齣恐怖片,睇電視既話,每到恐怖既位,我就會轉去第二台再轉番黎,去戲院睇就梗係未試過啦﹗我自問非常細膽,不過我都唔記得點解當初決定由我hold呢個function lu。呢個function既特別之處,係好多野食都係由莊員自己親手整,開映前成班莊員落力咁整野食,了不起呀﹗

  要我諗莊務最繁重同埋最深刻難忘既,我諗一定係宣傳期同ocamp喇。宣傳期既時候,我地樣樣都親力親為,連banner都係自己整,table stand就更加唔使講啦,於是就咁樣通左幾晚頂lu。o個時,我地仲要準備諮詢,到處叫slogan,疲累之餘,把聲都"擦"晒呀﹗諗番起,將莊員之間既關係混熟,睇怕都係由o個個時候開始。至於迎新營,係我地個莊最大型既function,再加上身兼籌委,成個暑假都忙到不停呀﹗到ocamp 真係開始,我就更加晚晚都唔使訓喇,因為好多時候,籌委既會都係深夜先開,第二朝又要一早起身,所以o個幾日脾氣都特別暴躁呢﹗Ocamp雖然辛苦,但我得到既同我學到既有好多呢﹗我學識點樣圓滑咁同人溝通去為書院爭取福利,學識點樣好有效咁分配時間去爭取每一分每一秒,更加學識o係一d重要既時候,要決斷d自己做決定,當然學識點樣唔怕辛苦啦﹗o個段辛苦既時期,真係好感激有班莊員無限量同埋龐大既支持呀﹗ocamp完左,好似完成左份使命咁,睇住d freshman玩得咁開心,自己出過既力真係冇白費呀,好欣慰好感動呢﹗

  NABA莊係團結既莊,每次莊聚都玩得好開心ga,我地間唔中就會BBQ、唱通宵K、食宵同埋打邊爐,我地仲會去camp呀﹗睇番d相,每一次都俾到我無窮歡樂既回憶。其他既例如"膠"會啦、angel&devil,呢d搞作都俾倒我好得意既感受。我既莊員係最好ga,我亦都好珍惜佢地呢。有冇唔開心既事﹖試過莊員之間有d誤會,但當知道大家都有大家既無奈既時候,咩唔開心都冇晒喇﹗相反,我地仲好體諒、好諒解大家呢﹗另一樣唔開心既可能就係犧牲左d同屋企人相處既時間,因為要兼顧學業、莊務同家人係幾難ga。屋企人未必明白你既莊務有幾多、個莊對你有幾重要,唯有一得閒就多d陪佢地啦,呢d或者係上莊要付出既少少付價。

  一年轉眼過去,好快就落莊喇,新莊都好快接手,好唔捨得添。不過,NABA精神係唔會消失ga,就算係落左莊,都依然咁愛NABA,對於呢個大家庭既歸屬感係唔會減退ga﹗o係呢度,祝願新莊黎緊呢一年都可以好似我咁有一段咁美好、咁充實、畢生難忘既回憶啦﹗

 


  左莊成年…就快落莊啦…其實有d開心..但又有d唔捨得…開心既係…我終於有多d時間做其他野, 上左NABA依個莊…其實都Occupied左自己幾多時間……有時都會反問自己…點解會上NABA…到而家落莊…我又覺得自已冇揀錯…如果唔係…我YEAR1既生活唔會咁多姿多采

  其實初初都唔係太清楚NABA係咩黎…上左莊要做d咩…係模查查既情況下就上左莊, 仲做埋marketing依個post啦. 其實我一直覺得我既性格一d都唔岩做marketing架…因為我唔係一d好主動既人, 仲幾怕醜…好多時都驚依樣,驚果樣,咁但係我又專登揀marketing黎做…原因係我想改變我依個性格。

  其實o camp果時..真係好辛苦,不過mark到sponsor…果種滿足感真係好好,我諗依個係我做marketing既最大得益啦。我諗返起O CAMP時…個個莊員都做到顛…大家為左O CAMP花左好多時間…大家為左O CAMP…一齊開心過…大叫過…辛苦過…喊過…

  依一年,我覺得自己成熟左少少啦…同埋同自己有返少少自信心 係中學時,我係咩活動都未攪過ka,我果時成日都覺得中學果d學生會好叻..可以攪咁多活動。我冇諗過自己都可以, 可以我一直都唔係好相信自己有能力去攪好一個活動啦。但係…係依一年, 自己有幾個PIC functions…雖然唔係真係攪得好好, 但係起碼俾我知道…其實自己都有咁既能力呀。

  上莊到而家, 其實都有d野令到自己幾唔開心ka, 雖然13個莊員一齊做左野成年,但係唔係同個個都好closed…不過好幾次一大班人莊聚,真係玩得好開心ka, 最開心果次,我會覺得係去石澳沙灘果次…俾我既感覺好好…通宵雖然真係好辛苦…但係我覺得好值得。我其實都會擔心, 大家落左莊之後..關係會唔會愈來愈疏…希望阿FUNG會攪多D莊聚…同時都希望自己有時間出席到啦~~

  雖然身為一個NABA莊員…但係我覺得比係其他莊員…我冇佢地咁熱愛NABA架…有時都覺得有d唔岩啦..不過係o camp, 我又感覺到自己好熱愛naba 架, 同時我都好緊張下莊..好想佢地每一個function都做得好好。當然都希望佢做得開心啦…亦都好期待佢地攪既O CAMP…雖然我而家既身份有d怪…不過我都會覺得自己仍然係100% NABA人呀~

 

 

  果當日唔係唔知點解入左second choice BBA……如果當日唔係同中學同學一齊係無問過人o既情況之下報左新亞書院兼入埋……如果當日唔係入左NABA ocamp o既第四組……如果當日唔係非NABA莊不上……如果…如果唔係咁好彩,我諗,今日我應該無機會係度打呢篇野!哈哈!

  上左莊一年,你問我咩最難忘真係答唔到,因為根本無咩係唔難忘!睇住莊員之間愈來愈熟、睇住會員好積極咁參加我地舉辦o既活動、睇住有自己o既仔女同下莊、睇住自己一日一日咁成長,呢d野又有咩可能會忘記呢?

  做左一年出版,係度好想多謝每一位幫過我o既莊員同朋友。我記得自己傾莊o既時候已經揀定左要做出版,亦都同自己講過「我一定要出晒三期會訊唔可以爛尾!」最終都無食言,出足三期。哈哈!不過我自知能力有限,可能唔能夠帶比大家一個好靚好多動畫或者好pro o既會訊,不過每一期會訊入面每一個字、每一幅相同每一幅圖都係我好耐心咁打、好俾心機咁加工同好努力咁搵番黎。雖然一個人對住電腦整成日的而且確係好悶,不過只要當大家睇完唔會覺得睇左好似無睇又或者好頹,咁我就已經好滿足喇!

  雖然我係NABA o既莊期只得2004呢一年,但我深信NABA o既精神係不滅架!我好記得ocamp Day 1 o既之前一晚,我訓係床度,完全訓唔著。雖然明知第二日要成六點幾起身,但一想到聽日就見到NABA o既year 1,唔知點解就好緊張同興奮,明明好支力但都訓唔著。我係度諗,唔知舊年o既時候,我地o既上莊同組爸媽係唔係都係訓唔著呢?唔知一年之後,我地o既下莊又會唔會為NABA o既新一代而失眠呢?我感受到咁多屆以黎,我地每一個NABA guy,尤其係莊員,都不斷咁將NABA呢一種團結、溫暖、正義、融洽同充滿活力o既團體精神一代又一代咁流傳落去。過左04年,責任落左去新一屆o既莊員手中,雖然自己已經係過氣出版,但我相信唔單止我,我地所有莊員甚至我地o既上莊同上上莊都仲熱愛NABA,NABA o既精神亦都無消失到。我地呢一屆之後有我地o既下莊,之後有下下莊、下下下莊、下下下下莊……我相信只要中大一日有4個college,一日有商學院,NABA o既精神一定會流傳落去!呢個就係NABA o既魔力。

  可能有一日老左,我會忘記ocamp隻舞點跳,忘記會訊o既網址,忘記係大學學過o既所有野,忘記所有o既Professor同blockmate,忘記自己o既GPA,忘記NA Can o既精美小菜同鄧經理,忘記一切一切……但有一樣野我一定唔會唔記得。NABA所有o既人同事係我係大學生涯入面,永遠都係最重要亦都係最值得懷念o既。

  呢樣野我一定唔會忘記。