Site hosted by Angelfire.com: Build your free website today!

A S  O R I X E S: E U I T A  R U G B Y  C L U B
······························································································································
As orixes do Euita Rugby Club remóntanse a 1986 ano no que foi formado por un grupo de estudiantes do Campus de Lugo, entre os que se atopaban os irmáns Antonio e Pablo Pedregal, máis coñecidos como 'Os Irmáns Moriarty', os cales viñeran a estudiar á por aquel entón "Escuela Universitaria de Ingenieros Técnicos Agrícolas " (EUITA). 

Antonio Pedregal e Pablo Pedregal foron respectivamente presidente e tesoureiro do Euita RC dende a súa fundación ata o ano 1994 ano no que finalizaron os seus estudios en Lugo. 

Os comezos non foron doados, xa que se precisaban instalacións material e sobre todo xogadores, pero con máis gañas que medios o proxecto foise afianzando, e no ano 1988 o Euita Rugby Club afiliouse á Federación Galega de Rugby e comenzou a súa participación nas competicións organizadas por dita federación.

Nestes nada sinxelos comezos o Euita incluso chegou a disputar os seus partidos como local na vila de As-Pontes ante a falta dun campo axeitado. Despois foron varios polos que pasou o Euita RC: Estrada de Oviedo, Nadela, As Gándaras e finalmente dende o ano 1999 o Euita RC xoga os seus partidos no Estadio G. Pérez Rivera.

O longo destes 18 anos de historia o Euita RC competíu baixo diferentes denominacións: Euita RC, Campus Lugo Rugby e CDU Lugo. Na tempada 2003-4 o clube inicia un novo proxecto baixo o un novo nome pero co espíritu de sempre:  Muralla Rugby Club.

 

P O L O S  C A M P O S  D E  G A L I C I A . . .
······························································································································
A andaina do Euita RC na Liga Galega sufriu altibaixos pero a teima dos membros do Euita ó longo dos anos deu os seus froitos e así nos anos '90 o Euita RC acadou certa estabilidade tanto como clube como a nivel deportivo nun equipo marcado polo contínuo cambio de xogadores debido a condición de estudiantes da maioría deles, feito que por outro lado constitúe unha parte sumamente importante do espíritu do clube que se honra de ter tido xogadores de tódolos recunchos do mundo nas súas filas e de ter un dos mellores ambientes do rugby galego no seu seo.

Esta evolución supuxo que na temporada 98-99 o Campus Lugo Euita RC realizará a súa máis brillante campaña que o levou ó triunfo final na Liga Galega de Rugby baixo a dirección de Víctor González e Trostky, disputando os play-offs de ascenso a Liga  Nacional fronte a Belenos RC de Avilés e caendo derrotado tras unha igualdada eliminatoria a partido doble. 

Esa temporada tamén marcou un punto de inflexión na traxectoria do clube xa que supuxo a marcha de importantes xogadores con moitos anos no Euita nas súas costas.

Tamén nesa temporada o Euita RC creou o Torneo do San Cidre, un torneo que tén como obxectivo iniciar á comunidade universitaria no rugby e así poder achegar novos xogadores ó equipo. O torneo, xa case unha tradición, celébrase cada ano durante as festas do San Cidre da Escola Politécnica Superior. Así pois na temporada seguinte iniciouse unha nova etapa cun plantel de xogadores moi renovado e co aporte de novos membro acadados co Torneo do San Cidre. Dende esa temporada ata a 2001-2002 o equipo estivo entrenado por José M. González 'Chis' que logrou manter o equipo entre os primeiros postos da Primeira División da Liga Galega de Rugby.

Coa chegada da temporada 2002-3 chegaron moitos trocos o Euita RC, o máis importante deles o acordo coa USC para pasar a ser a sección de rugby do Clube Deportivo da Universidade de Santiago de Compostela.  

Nesta nova etapa tamén chegou o clube Antonio Vázquez, novo entrenador do equipo senior masculino con experiencia como xogador na División de Honor con Oviedo RC e formado no Xabarín RC. 

 

M U R A L L A   R C   L U G O
······························································································································

A tempada 2002-3 supón unha crise no Euita RC co descenso por primeira vez na súa historia á Segunda Division galega e a retirada das axudas da USC ó clube.

Sen o respaldo económico da USC a temporada 2003-4 supón un novo reto para o Euita que con vistas a acadar un maior apoio institucional e calado na sociedade lucense e tamén movidos pola  necesidade de atopar un sponsor para afronta-los numerosos gastos que supón o funcionamento dun clube de rugby, decidese que os equipos do Euita pasen a competir baixo a denominación de Muralla RC. 

Este proxecto parte cunha xestión máis seria e a ilusíon de converter o Muralla RC de novo nun dos equipos punteiros de Galicia.

Estos problemas de financiación do equipo supoñen a retirada das competicións oficiais dos equipos Feminino e Xuvenil Masculino durante a tempada 2003-4 con vistas a súa volta as competicións da FGR na vindeira tempada.


O  E Q U I P O  F E M I N I N O 
······························································································································
O equipo feminino creouse no ano 2000 por iniciativa de varias rapazas afeccionadas ó rugby e seguidoras do Euita que estaban interesadas na creación do equipo. Comezaron os seus entrenamentos asesoradas por J. Antonio Landeira e Vili Roca federándose por primeira vez na tempada 2000-2001 e participando nas competicións da Liga Galega Feminina e Copa Xunta e en numerosos torneos de Seven. Nas dúas primeiras tempadas do equipo feminino estiveron entrenadas por Nico Guerra e Vili Roca, pasando a ser os entrenadores dende a tempada 2002-2003 Vili Roca (entrenador), Rafael Barrasa (entrenador da dianteira) e Javier Díaz (entrenador da liña). A tempada 2003-4 supón unha tempada de transición, coa ausencia do equipo feminino en competición oficial pero non así o cese das súas actividades. Nesta tempada 2003-4 estará dirixido de novo por Vili Roca. 

 

O  E Q U I P O  X U V E N I L 
······························································································································
Feito importante na tempada 2001-2002 éo tamén a constitución do equipo xuvenil: o viveiro onde os futuros xogadores do Euita se iniciarán neste xogo e que suporá un salto de calidade para a confección do plantel do primeiro equipo. Nesa tempada comezaron os seus entrenamentos os rapaces do equipo xuvenil do Euita RC baixo a dirección de J. Antonio Landeira e Óscar Poy, para na tempada 2002-2003 iniciar a súa participación na Liga Galega Xuvenil dirixidos de novo por J. Antonio Landeira e coa incorporación de Antonio González. Nesa primeira tempada o equipo xuvenil fai un papel máis que honroso na Liga Galega e na Copa Galicia con varios xogadores convocados coa selección de Galicia.

 

A  T R A D I C I Ó N  N O  E U I T A  R C /  M U R A L L A  R C
······························································································································
O Muralla RC Lugo  nútrese, por tradición, fundamentalmente de universitarios de tódolos centros do campus lucense ainda que é un clube aberto a calquera interesado neste deporte sexa cal sexa a súa condición. 

Honrámonos de ter os mellores Terceiros Tempos de toda Galicia convertindo un sábado de partido en Lugo en toda unha festa compartida co equipo rival. Dende o ano 1986 os himnos e cánticos dos terceiros tempos fóronse transmitindo tempada tras tempada, as historias e tradicións foron pasándose ano tras ano polo para calqueira que volte ó seu clube é sempre agradable atopar que se segue a conservar o ambiente e o espíritu co que se fundou no oitentaeseis. Xogar no Muralla supón estar vencellado a este clube de por vida pois son moitas as amizades e bos momentos que se viven ó longo do periodo como xogador. 

Tamén nos honramos dos nosos Tours nos que aparte de enfrontarnos a equipos doutros paises temos a oportunidade de coñecer outras xentes e outras culturas. A lista dos Tours do Euita inclúe Gales, Irlanda, a Bretaña francesa, Córcega, Italia, Portugal e clubes como a UTAD, LLangollen RFC, SC Le Rheu, REC Rennes,...

 

 



©  2003 Muralla RC Lugo   /   Deseñada + Mantida por Vili Roca               

      w w w . M u r a l l a R u g b y . c o m