參 觀 人 數
--本站LOGO--
--LINK EXCHANGE--
●2001年8月1日● 今年生日過得好開心呀,因為今年係同佢一齊渡過,雖然得我地兩個人,但係已經好開心,同你一齊既感覺真係好好^^,原來今日係正式同你一齊100日,哈哈~ 各位網友,網主亦發覺xoom將我0的file全部delete哂,呢牌忙於玩金庸,哈哈,不過我會好快upload番哂上去,希望大家會繼續支持丫。 ●2001年7月16日● 嗯……以前既酒精人生,仲以為已經告一段落……點知而家,我又再次控制唔倒自己喇,又再次踏上呢條頹廢既路,突然覺得前路茫茫,我失去左理智,我覺得比以前更加嚴重…… 點解前面只有一條路比我行,又要我重稻覆切,真係好辛苦……我要麻醉自己,乜都唔去諗 我知道呢個將會係我一生日之中,最唔開心既生日,生日對我黎講已經冇意義 ●2001年7月14日● 仲有唔夠十日就生日喇,生日願望都冇乜特別,上年既願望都算達成左,而我今年既願望都會同上年一樣。 不過實唔實現倒都係一個問題,我相信只要有恆心,就一定會實現既,就算今年實現唔倒,下一年繼續……直至達成為止。 我突然間發覺根本冇人明白我,一係俾人話我冇用,一係話我廢,我相信,我有我自己一套既方法,我要有我自己既Lifestyle。 有時我只係想分享下我0的喜悅俾大家聽,但係……Uhhh rite,自己就係最好既知音,唔需要再同其他人講。 暑假我會練好捽碟,踩板,游水……同埋同d friend去學Bass同埋graffiti,當然唔小得更新下呢個網啦。各位到時繼續多多支持呀 ●2001年6月25日● 呀...好耐冇黎睇個網添,不過黎黎去去又係咁,仲未update完,話時話都教左一個月水喇,教水都幾好玩丫。 嗯..個耳洞都穿左成個月喇,而家先好番,可能之前因為成日帶住個耳環游水,攪到未好番哂又發炎,不過而家好番哂喇,太好喇~~ 不過好想d頭髮快d長番小小,skin head始終好似唔係咁岩我。 ●2001年6月12日● 嘩...成個幾月冇update個網喇。其實唔係既,網主正在秘密改版中,到時應該會有新野俾大家睇架喇,大家多多支持喔! 網主終於買左板喇 ( GIRL $990 ),好開心呀,不過好似冇人係慈雲山玩啦,一個人有時幾悶呀...Let's Hip-Hop everybody!! 一切來得太慢,但去也卻匆匆............ ●2001年4月5日● 近日發覺有很多網站不單只抄襲本網的設計,還將本網的圖案及檔案一一拿去,樣式更是一模一樣!希望有品的人唔好再咁做吧!不然我會採取適當的行動。 ●2001年3月23日● 尋日又同班兄弟出去歡天酒地,雖然好多人放哂飛機,但係都好開心。 ●2001年3月9日● 今日竟然鼓起了人生最大的勇氣,感覺真好呀……唉,不過而家仲欠人地周身債,千幾蚊呀,唔知點算好,賭波又次次都輸,真係慘喇。哈哈,好享受同班兄弟歡天酒地既日子。 ●2001年3月7日● 今日第一次上阿大郭Sir堂,覺得佢幾攪笑,講野一舊舊咁,一日到黑表揚自己間學校,不過一定要讀好System Analysis & Design。十兄弟,第日要一齊出去澳洲讀書呀!跟住上細郭0個堂,初頭無乜野,佢有佢講,我有我地玩,但臨落堂佢無端端0係度發顛,周圍亂咁吠,收皮啦去。 ●2001年3月3日● 唉,好慘呀,唉唉……乜都無喇。今日分班喇,我地十兄弟,仍然有八個同一班,阿羅記玩失蹤,史提夫又勁得滯,升左上去,我地1F班又可以一齊上堂攪事喇。近排個fast counter成日down,好無奈。 ●2001年3月1日● 今日終於派學期試成績表喇,好開心科科都合格,唔使哂錢re-take,不過都有0的失望,就係account同business english囉唔倒高分。上堂唔聽書,番屋企又唔做功課,考試又唔溫書,成績竟然咁好,都算係咁啦,哈哈,不過Term 2要同0的friend各散東西喇,有0的愁添,今晚我地十兄弟再去歡天酒地,玩過痛快啦。 ●2001年2月17日● 一連九日既學期考試終於完結喇,放假放到2月28號,有排玩喇,不過依排冇乜錢呀,好慘呀。當然我會抽多0的時間update下個網頁啦,我一定會更加勞力搜尋更多更好玩既flash遊戲俾大家既,希望大家繼續支持啦。 ●2001年2月7日● 突然間又心血來潮,又重整個網頁,雖然我的舊網頁花了不小心機,但無奈Pchome down左,而整網頁始終係我既興趣,雖然技術始終有限,但終於忍唔住整0左呢個新網頁喇,新網頁加入了我的新興趣-踩板,突然愛上了板仔Look,都係多得我的新朋友教我著衫,有機會實買塊板黎踩。 請隨便瀏覽啦。歡迎大家與本站交換連結,請E-mail通知我。 BEST VIEW WITH INTERNET EXPLORER 5.0 OR ABOVE 800*600
BEST VIEW WITH INTERNET EXPLORER 5.0 OR ABOVE 800*600
--請參觀我的贊助商--
<Last Update>
本網簡介 | 版權聲明 | 死連結通知書 | 友情連結 | 聯絡我們 Copyright 2000-2001 [ 埃分撈 ] All Rights Reserved
Copyright 2000-2001 [ 埃分撈 ] All Rights Reserved
1/8/2001