23-01-2003

السلام عليكم
تخيلوا بنات 2003 يخطبون الاولاد ...
يعني تتفاجأ في يوم وانت قاعد تقرا كتاب رومانسي وأنواع الأحلام الورديه
(يااي) و سرحان في فارسة أحلامك على السيسي الأبيض.. إلا وأمك داخلة عليك ولسة يادوب جاية من الشغل و تقولك: يا ابنى عايزة أكلمك في موضوع. .
ترد انت بكل خوف : خير مامي؟ ....
تقول أمك: جارتنا أم خالد عايزة تخطبك لبنتها. وانت ماشاء الله كبرت و احلويت وكل البنات عايزاك. ها ايه رأيك؟ ....
ثم تنزل انت راسك في الارض و تلعب بصبعك في شعرك (او شنبك)و ترد و انت

مكسوف و خدودك حمرة و تقول: ....
الرأي رأيك والشورة شورتك ..
تقول أمك: أنا بصراحة مش شايفة في البنت حاجة تعيبها.

بسم الله شاء الله عليها محترمة و وظيفتها كويسة ومرتبها ممتاز ومن عيلة محترمة و من البيت للشغل و من الشغل للبيت ..
ولا عندها سوالف السفر واللخبطة ولا بتشرب ولا بتدخن و لا بتروح نوادى البنات. يعني بنت ما عليهاش
تقول انت : بس يا مامى هي ما شافتنيش قبل كدا. أنا دايما مغطى دماغى ووشى تقول امك: هي شافتك و انت نازل من باص المدرسة. بس ..و سألت عنك و قالو لها دا ولد موهوب تاجر سوق و كوفي شوب و ما يطلعش الا مع ابوه. (والله فشيلة بس هكمل)
وبعدين تيجى هي و امها يوم الخميس علشان يشوفوك..
تسال انت: طيب يا مامى بابى ايه رايه؟
تقول امك: ابوك مايعرفش خليه حايس في المطبخ الله يعينه..
تقول انت :اللي تشوفيه. .وتطلع أمك من الأوضة.
وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (يا عمري)
و تقول : اه اخيرا حسَت و خطبتني. ( لا لا لا والله ما يحصل بس بكمل)

و قبل يوم الخميس تروح انت لكوافيير رجالي و تكون عامل حجز و تقعد وتصبغ شعرك (هاي لايت) و تزين حواجبك و تشيل شعر ايدك و رجلك بحلاوة و تطلع زى فلقة القمر
وتيجي البيت و تلبس الفستان اللي فصلته عند الخياط( عبده شولق) لملابس العرسان و الحفلات واللي فيه فتحة من عند الرجل و فتحه في الضهر وسيور وذاك المكياج وذاك العطر اللي يشق الريح و تنزل للصالة ويقولك ابوك : يالله دخل العصير على خطيبتك شايف امك هتتدبحنا بتسأل عنك .
تقول انت بكل خجل: لا لا لا لا يا بابى انا مكسوف
ابوك يقولك وهو بيحط ايده على كتفك ويضحك يا ولد روح لعروستك إهئ إهئ
تقول انت: يا بابا دايما تحرجني انت لا لا لا لا
و تاخذ صينية العصير و تدخل الصالون اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم.
ترد هي بعد ما وقفت و عليكم السلام ( و هي بتبحلق فيك و في كل قطعة فيك) و تقولها تفضلي....
تقول هي:ايه الأحلى العصير الأحمر و لا الأصفر؟ عايزة تلطف الجو معاك .. بتتلزق.
تقول انت: كله حلو
تقول هي: أكيد كله حلو لأنك انت اللي عامله
ثم تحط الصينية بسرعة وايدك على بقك و تضحك و تروح داخل بسرعة
ياربييييييييييييييه
الا اخوانك يستنونك و يقولوا: ها شكلها ايه؟.
تقول انت: آه آه آه تهبل تهبل حلوة و دمها خفيف و ذوق اهههههااي
الا ابوك من المطبخ يزغرد
لللللللوووولللللوووووشششششششش مبروك يا بنى
الا بدخلة اختك العربجية من بره و حاطه عبايتها على كتفها و تقول : خير في ايه ؟؟!!
يقولها ابوك : وطى صوتك في واحدة خطبت أخوك ..
تقول اختك: وهي شافت اخويا فين علشان تخطبه هاه؟؟؟؟ و تديك قلم على وشك و تصرخ والله لألعن شكلها اللي جايه تخطب اخويا شباب آخر زمن
الا بدخلة امك و تدى أختك قلم و تطلع اختك بالعربية و تروح النادى ولا ملهى تخيلوا بقى
و تمر الأيام و انت تجهز بدلة الفرح و الكوشة و بيت الزوجية و خلال الفترة دى
تعدى زوجتك بالعربية تتمشون و تحاول انها تمسك ايدك و انت مكسوف ( ومن هنا وانت بتموت على مسك ايدها) وشوية تحاول تبوسك و انت تقول لا لا عيب حد يشوفنا( يعني لو مافيش حد يشوفنا يبقى عادي)
و يجي يوم الفرح و تقعد انت في الكوشة و كل الشباب حواليك يرقصوا ويغنوا على أنغام الدى جى و طبعا مافيش زبيدة او صيته وسارة
وشوية تشوف العروسة جايه
و تدخل العروسة مع امها و خواتها (اخواتها يميلوا قدام الشباب ) و تقعد
العروسة جنبك و ترفع الطرحة (طرحة البسام بصمة خمسة) و تقولك: الله زى فلقة القمر
ثم تلف وجهك وانت مكسوف
و يتم الزواج و بعد تسعة شهور الا انت تصرخ بالليل فيك الطلق
و يودوك المستشفى و تولد و تجيب توأم تطلع من المستشفى إلى بيت اهلك
وتاخدها مراتك فرصة وتروح تتفسح مع صاحباتها، وترجع البيت تربى أولادك وتطبخ الغدا لمراتك، وبعدين تتخانقوا وتنام دمعتك على شنبك" او كان ليك شنب"، وبعدين تزيد الخناقة وتلم هدومك وتاخد العيال وعلى بيت أمك, وبعدين أمك تصلح بينكم وتعود الحياة من جديد ....
منقول بعد الترجمة من الخليجية للمصرية
 

Mhmasf غير مسئول عن أي محتوى قد يسيء إلى قارئه؛ برجاء الرجوع إلى المرسل الأصلي للرسالة أو مراسلتي على البريد الالكتروني,  كما أن آراء القراء لا تعبر بالضرورة عن رأى الموقع