"Auld Lang Syne"
Robert Burns
Should auld acquaintance be forgot,
And never brought to mind?
Should auld acquaintance be forgot,
And days of lang syne?
For auld lang syne, my dear,
for auld lang syne;
We'll tak' a cup o' kindness yet,
for auld lang syne.
And surely ye'll be your pint-stowp!
And surely I'll be mine!
And we'll tak' a cup o' kindness yet,
for auld lang syne.
For auld lang syne, my dear,
for auld lang syne;
We'll tak' a cup o' kindness yet,
for auld lang syne.
We twa hae run aboot the braes
And pu'd the gowans fine;
But we've wander'd mony a weary foot
Sin' auld lang syne.
For auld lang syne, my dear,
for auld lang syne;
We'll tak' a cup o' kindness yet,
for auld lang syne.
We twa hae paidl'd i' the burn
Frae mornin' sun till dine;
But seas between us braid hae roar'd
Sin' auld lang syne.
For auld lang syne, my dear,
for auld lang syne;
We'll tak' a cup o' kindness yet,
for auld lang syne.
And there's a haun', my trusty fiere!
And gie's a haun' o' thine!
And we'll tak' a richt guid willie-waught,
For auld lang syne.
For auld lang syne, my dear,
for auld lang syne;
We'll tak' a cup o' kindness yet,
for auld lang syne.
This page uses "Karavan" font.
Our Main Site
// -->
