GHAZALS OF REKHTA PATAULVI
EK MUNAFIQ SE PYAAR KAR BAITHE.
SARHAD-E-AQAL PAAR KAR BAITHE.
APNE ASLAAF EK MUNAFIQ PAR
KIS QADAR AITBAAR KAR BAITHE.
UNCHE MAHALON KO DEKHKAR MUFLIS
KHUD KO KYON ASHQBAAR KAR BAITHE.
RAUSHNI KE NAQEEB SE KAH DO
ZULMATON SE NAA HAAR KAR BAITHE.
DAAMAN-E-SABR CHHUT GAYA HUMSE
KHUD KO BEIKHTIYAAR KAR BAITHE.
GHAIR KO PURBAHAAR DEKH KE HUM
AARZOO-E-BAHAAR KAR BAITHE.
*************************
*************************
KOI AHLE NAZAR NA MILEGA.
AB KOI DEEDAWAR NA MILEGA.
BAGH-E-AAZAADI NAZARE KHIZAAN HAI
JAAN BHI DEKAR SAMAR NA MILEGA.
KHOON KI BARISH HAI NAFRAT KI AANDHI
HUM PARINDON KO GHAR NA MILEGA.
DAUR-E-BATIL HAI HAQ GAR KAHOGE
PHIR YE KAANDHE PE SAR NA MILEGA.
AMN KE GEET GAYE HAIN AB TAK
ZULM SE AB MAFAR NA MILEGA.
AYE KHUDA BHEJ AYYUBI KOI
KYA HUMEIN RAAHBAR NA MILEGA
RAUSHNI KE SAFEERO NABI SA
DAHAR MEIN SHAMAAGAR NA MILEGA.
********************************
********************************
Nafratein Aam Sahi Pyaar Badhakar Dekho
Is Andhere Mein Koi Shama Jalakar Dekho.
Is Bhatakti Hue Dunia Ko Milegi Manzil
Meri Aawaz Mein Aawaz Milakar Dekho.
Khawab-e-Aazaadi Ko Tabeer Bhi Mil Jayegi
Mera Farman-e-Muhabbat To Sunakar Dekho.
Aye Ghareebon Ke Makaanon Ko Jalaane Waalo
Sheesh Mahalon Ko Hawa Mein Udakar Dekho.
Sakht Beraham Hain Zardaar Aye Bikne Waalo
Bezameeri Ka Zara Parda Hatakar Dekho.
Rekhta Hindu Musalmaan Hain Bhai-Bhai
Phir Wo Hi Bhula Hua Naaraa Lagakar Dekho.
**************************************
**************************************
Khokar wafa mein umr,hueen hain nadamatein
Bekaar jayein jaise kisi ki ibadatein
Ab jhoote log dete hain sachchon ko tohmatein
Daur-e-jadeed waah ! teri ye inayatein.
Paas-e-adab,lihaaz,khuloos-0-wafa na dhoondh
Ab nasl-e-nau ko yaad kahan hai riwayatein.
Mazloom-e-benawa ko hai insaaf ki talaash
Zardaar ne khareed leen saari adalatein.
Apnon ki badsulooki se baddil hoon is qadar
Maine diare ghair mein dhoondhi muhabbatein.
Ifreet-e-Zulm a hai sareaam nanga naach
Munsif Kahan Hain Aaj, Kahan Hain Adalatein.
Ghaddaar Hoshiaar Hai Daaman Hain Sabke Paak
Main Baawafa Hoon Mujhse Hain Sabko Shikayatein.
Aye Saada Lauh Rekhta Kuchh Hosh Hai Tumhe
Chaay Ki Piyaalion Mein Gayeen Sab Karamatein.
*****************************************
*****************************************
Mere Qusoor Wahan Baat Baat Par Nikle.
Wo Kaisi Bazm Thi Ghaddar Motabar Nikle.
Ghuroor-O-Naaz Se Zulfein Sanwaarne Waale
Too Kya Karega Agar Kham Naa Taasahar Nikle.
Padi Naa Taab Unhein Hall-e- Dil Sunane ki
Hazaron Baar Yahi Ghar Se Sochkar Nikle.
Khuli Jo Aankh To Ye Inqilaab Dekha Hai
Ke Ghair Log Hi Apno Se Khoobtar Nikle.
Sanwar Rahi Theen Wo Zulfein Mahak Rahi Thi Faza
Hum Unke Gham Mein Bhatakne Idhar Udhar Nikle.
Wo Bewafa Hai To Phir Mujhko Sangdil Kar De
Koi Dua To Khuda Apni kaargar Nikle.
Janabe Rekhta Jo Doosron Pe Hanste Hain
Ye Dekha Hai Ke Wo Hi Khud Se Bekhabar Nikle.