سجن ابو غريب

استمع الى القصيده

<bgsound src="m.wav" loop=infinite>

الى ارواح شهداء العراق

**** مات الفرج بينه واحنه ما ميتين بخيوط السما المكطوعه متعلكين خلصنه العمر نحلم بعيد الناس نتوسد دمعنه ونصحه غركانين نصحه وي الجرح ياكل بقايا الروح ونساير وجعنه واحنه مذبوحين كلنه وي الزمن هلبت يكوم الطاح ويلاكي بسمته دموع المعزين هلبت تستحي وتنثني عيون الموت ونكسر خاطره ويرحمنه عزرايين لكن ماصحت دنيا الغدر فد يوم ذبتنه بعصفها ورحنه بالرجلين كنت من انكسر ويخون بيه الحيل وتيه الدروب وماتشوف العين اتنومس بسمكم وارفس الكلفات لاقصر خطوتي ولا ارخي ايدين كنتولي ظهر ما كسرته النكبات لاطاح بحمل ولامال من حملين فجاءه تغربت واسكنت منفى الضيم وانتم بالعراق بقيتو مسجونين ليله وي الدمه ومكالب الحسرات وليله وي القهر كضيت عشر سنين حضرت الفرح عبالي تطلعون ما ادري بقبر مهجور مدفونين عدموكم سوم بساحات الاعدامات لو كلمن لوحده يا علاء الدين؟ ياعبد المجيد شكلت وانت تشوف كدامك بدمه تغط عز الدين؟ ياسجن ابو غريب وما طاحت لساع لاسورك تهدم لاصرت نصين؟ الاف من اهلنا الدخلوا القافات محد وجداهم لا عرفهم وين ياارض العراق شلون عندك روح يتذبح شعبنه وانتي ماتحكين؟ ماهمك تموت جيال فوق جيال وعظام وجماجم منه تنترسين؟ عمار الوائلي