دموع على بوابة الوطن

يبو الفقره يقاسم والمساكين

يبو بيوت الكصب والزور والطين يبو الثوره الشريفه الهدت عروش ومحت من الارض ظلم السلاطين يبو البسمه التدفي جروح الايام ويمن جان بوجودك عدنا شمسين شمس الله بسمانه وبالارض صار شمس وجهك يقاسم ياضوه العين عراقك ياشهم بعدك سجن صار تحت حكم البعث واهلك مساجين يقاسم وابتلينه بزمرة اشرار يكصون بلحمنه واحنه عدلين الوطن كله ماسي وقهر ودموع توشح بالسواد ولبس حزنين قصص صارت علينه تبجي الجبال كثيرات المصايب وابدي منين؟ من تهجيرنه بلا اهل لامال؟ لو من الذبح بيد الشياطين؟ لو من الحروب وهدم البيوت؟ وحرق كل المزارع والبساتين؟ شعب بالداخل يحكمونه اشرار وشعب بالخارج يعاني الامرين تيتمنه بغيابك والحلم ضاع ولكينه ارواحنه بلياك ميتن عطشنه ولا مطر ينزل عل الكاع ولاماي البقه بارض الفراتين تعب سفانه وماعدنه شراع وغرق مركب هدفنه ونام عل الطين من شعبك تبرت امة الضاد وعليه صبوا حقدهم اخوة الدين تكابر والالم ذابحها بغداد وبعدها لجيتك منتظره يازين وحق الغرقوا بماي المحيطات وحق راسك يقاسم والقسم دين وحق قصة حلبحه وكل طفل مات وحق بيت الصدر واهله الميامين نموت وما نيع الوطن هيهات ولو سيف العماله يكصنه نصين