الخواطر
استمع الى .. الخواطر
مكسوره الخواطر والهموم اثكال والضيم اشكثر
للروح يتودد
ومحصور العمر ومقفله الابواب وجفوفك نسيني وما نخيت احد
وانته شما اجالك تفرح ابلواي وبطولك عليه بعيد
تتبعد ماخذها الغشم روحي التسولف بيك ماتسمع نصيحه وتكعد وتردد
لو طيفك يمرها اتحني الجفنين ويزيد الغرام وبيها يتجدد
ومايرضه العمر يشرد واهجن بيه لانه من الولاده ابحبك امحدد
عذبني الكلب مايقبل ايجافيك بحبال وحديد ابحبك مشدد
ياهيل وسعد دوهني وكتي وياك وجروح التحبك نار ماتبرد
وحيرني دلالك ياورك ريحان رسيني اعل بر ارجوك يمعود
عوزني الوكت حظ يكعد ويالناس والفظ البخت علناس ماوجد
مر بيه وعبرني وما حسبلي احساب مو ناسي واعذره لكن اتكصد
ومن رد بالحزن ما كصر المرسال من عده حزن فوك الحزن زود
ركيت وبعد ما بيه اخذ ثار والصوت القديم ابروحي هم هود
والفني القهر وتوالفت وياه وكلبي اعله الجروح المزمنه اتعود
وماضلت بعد بس كلمت المرحوم ومكالب المذنب يوم يتمدد
عمار الوائلي
