استمع للقصيده
دموع على بوابة الوطن
اسطورة الحزن العراقي ودمعة الجنوب شلتاغه المحمداويه
شلتاغه..
.صريفه وسالف.. ومعضد عشك مبيوع
شلتاغه
قلب شايل حزن اجيال
من اول عمرها تلوع
شلتاغه
السما التمطر قهر ودموع
شلتاغه
جرح فشل الف تاريخ..ماطاب
بواجي اسبوع
صوت محمداوي بكل وكت مسموع
ما مكطوع
ما مكطوع
يصعد للسما وينزل قهر ودموع
(كاظم ياضوه عيوني وشمعت البيت)
(كاظم يا بعد امك عليه ابطيت؟؟)
شو ماجيت؟؟
وظل باب الصريف متاني
وانتي هناك
مشتعله عتب وهموم
المن بخريتي وحضريتي هدوم؟
كاظم للسجن طب وطلع معدوم
دم يابس عل التابوت
دم يصرخ عل التابوت
كاظم مات
والدوله تريد فلوس حبل الموت والجيلات
وانا باخر الدنيا بعدني اسمع نواعيج
واون وياج
واشوفج جايه من بعيد ..كل ريحة اهلنه وياج
واركض والحراثي تعاند اجدامي
واجي اتلكاج
احط راسي بشليلج وانبجي انا وياج
( تطلع شمس ونعاتب الله)
(هلبت كسرنا خاطر الله)
هلبت.....؟
ابو زيدون الوائلي
