ສັດຈະທັມ
ທັມມະຊາດໄດ້ແຕ່ງຕັ້ງ ໃຫ້ເຮົາເກີດເປັນລາວ
ຫລາຍຊ່ວງນານຜ່ານປີ ຮຸ່ງເຮືອງເສີມສ້າງ
ວັທນະທັມພຽງພ້ອມ ປະເພນີສອດຄ້ອງ
ຊົນເຜົ່າລາວພີ່ນ້ອງ ສມານແທ້ຮັກກັນ
ຈົນວ່າຮອດບ່ອນບັ້ນ ຊະຕາຂາດເມືອງດັບ
ກັມທີ່ເຄີຍມີມາ ຊາຕກາລເຄີຍສ້າງ
ຈຶ່ງໄດ້ປະລັຍຖີ້ມ ຫລຸບສົມສາຍແຮ່
ຂ້ວາມທະເລແມ່ນໍ້າ ປະທັງຊີບຖິ່ນເຂົາ
ຍາມເມື່ອໄກພາກບ້ານ ພັດຖິ່ນມານດາ
ໃຈຫາກຍັງອາໄລຮັກ ເຊື່ອມໃຍວົງເຊື້ອ
ໃຈປະສານໃຈໄວ້ ສັດຈະທັມສານຕໍ່
ມືປະສານມືຫມັ້ນ ມູນເຊື້ອອະນຸວົງ
ສັດຈະທັມຖນອມເຕົ້າ ປະເສີດທ່ຽງຈິຕສິລປ
ເວທີໄຂວາຈາ…ໃຈ ຄຸນນະທັມໂຮມຕັ້ງ
ທັງຄວາມຈິງມີພ້ອມ ປະສົມການເຄີຍຜ່ານ
ໃຫ້ລູກຫລານພີ່ນ້ອງ ຮັກສາໄວ້ສືບຕໍ່ໄປ…
ດອກຈໍາປາ
