"MAAF SABALUN NO"
Siriah
taragak bagumuik ati
Rindu nak basuo jo pasangan
Carano tabuang ka rimbo rayo
Antah ka pulang antah indak
Ibo ati kama kamangadu
Saluang jo rabab indak rang danga
Ratok pasisia rang bao galak
Sampai ati bana ka ranah bundo
Sanak di balerong mayo-ko
kasadonyo,
indak disabuik namo indak diimbau gala,
disusun jari nan sapuluah, ditakuakan kapalo nan satu,
ambo badatang sambah katangah-tangah kito,
tapi sungguahpun baitu,
nan diujuang kanai juo, nan dipangka apo lai,
nan dikanan jo dikida tabao rendong.
Pokoknyo sambah kapado kito sagalonyo.
Kok mamak batanyo ka bakeh ambo,
"Manga co itu bana Sutan",
mako jawek ambo adolah
"Mungkin koq beko ado
salah kato ambo"
Pado kesempatan iko juo
ambo mintak rela jo maaf
kalau ado nan salah sabuik,
salah kakok,
salah langkah,
dan kakhilafan lainnyo,
maklumlah awak manusio,
mukhaluak nan basifat
khilaf.
Tuhan sajo nan samparono
Rila jo maaf palangkoknyo
Sakian sambah pambukak kato
Disusun jari nan sapuluah
Wass...