KATAM CILOTEH

rang lapau nan basamo,...
ibaraik jalan, ado pangka ado ujuangnyo
ado awa ado akhia nyo
mako kini kito lah tibo diujuang jalan...
lah tibo masonyo mohon maaf jo bakarilahan...
basuluah matoari bagalanggang mato nan banyak,
ambo susun jari nan sapuluah,
badatang sambah kakito urang lapauko kasadonyo,
indak kadisabuik namo indak kadiimbau gala,
baputiah hati mintak rila jo maaf,
kok ado nan tasingguang kanaiak, tadorong ka turun
maklumlah awak urang mudo matah
sakali lai, mohon rila nan jo maaf
walaupun dicurito bakuliliang nagari bundo ko,
sabananyo masih banyak nagari atau tampek pariwisata
nan alun sempat kito otakan lai
disampiang danau nan rancak-rancak di ranah bundo
ado babarapo pantai rancak di pasisia selatan,
kuburan duo di pasaman, ngalau jo batang tabik di pikumbuah
dan lain-lain
namun dibaliak itu, ado eloknyo
kito sudahi dulu curito bakuliliang nagari bundo
di daerah dingin sajuak, diambuih angin pulo
manambah syahdu suasana puncak lawang
kok ado jarum nan patah, usah disimpan dalam peti
dibuang sajo kapamatang
kok ado kato nan salah, usah disimpan dalam hati
elok dibuang kabulakang
alhamdulillahi rabbil alamin
parmisi...

Tan Galamaindo

Tutuik Jendela ko