Jokes in Sambal Botolan...Anya Wamo?

Anya Wamo??

Hi Burdigoy Cabalic ya taga baytan ay inumaypa ha banwa ta tinibaw na ya pawpinghan na do. Naitag-on itaman sika ya main awod bisita ya amirikano habayti ya pawpinghan na. Hati ya amirikanoy' bisita la ay pinghan la et bungat ya mabuyot hana nin ampairi baydo ha isteyts (kano!) Bana ta mabuyot yayna baydo ay agnayna nin tanda` mag_Sambali. Bana bay ta labay ni Burdigoy ya ma-praktis ya inglis na ay nagprisinta yan mangalamo do ha pinghan nay' balikbayan (kano` kunyari) nin tumala` ha banwa. Ha katatala` la, nipalako hila ha palengke. Wanan habayti ya 'kano` ay:

"Hey cuz (cousin kano lawe bayto), what is this? Inturo na ya bayabah. Hay tubay itaman ni Burdigoy ay:

"Dis is guava" (medyo ya et nin angkatugan ta baka` alwan tama ya inglis na). "Oh! I thought it's a pea", wanan hati ya 'kano`. "Back in the States, we got peas this small", wanay' na et. "Adyo! nalintugan hana ba-in, peas bungat awod bayto kunla!", ha ihip-ihip ni Burdigoy. Hapaeg, namastang hanaman bayti ya bisita:

"Are those beans?" wana, in-turo` na bayto ya kalubahay` maputi. "Geez, are they too small?" "Too ismol et awod bayto", ha ihip ni Burdigoy, piro bilang angkasura yayna ha kaanginan nin habayti ya kalamo na. Ha kalilibot la, nipalako hila do ha ampag-tinda'n ongot. Wanay naman hati ya medyo main kaanginan ya pinghan na ay:

"Why are all the things too tiny here in Botolan?", "Like this chick pea here", wana do ha ongot, "It's too small!" Ampagtimpi hana talaga hi Burdigoy ha kasurahan na piro tine-eh na tana. "Oh! Dat's a coconut", wana tana.

Hapaeg, habang ampwako hila ha daan ay nakakit bayti ya 'kano` nin taka` damuwag. "That's disgusting!", wana. "Cow manure on the streets?" Ha kasurahan nan habayti ya Burdigoy ay tinumbay yan:

"Dat's not a cow manure, dat's a taka` manok torpe!" wana, sabay nan inalihan ya amirikanoy' pinghan na ta nahulo` yayna...

Rachel Mendoza
Capayawan, Botolan, Zambales
ZambalesForum (ZF2) moderator

Coming Soon

Top of Page

Home

Sistehan