2005 年5 月5 日 11：28pm
呢排好忙..又多test..又多功課..仲有好多課外活動....
整到我個人好無精神...好無時間空間既感覺....
最慘既係..有兩科我都好有心機溫書架..
但成績都唔係我預期咁樣..比預期既差.....
不過算數...兩份卷都係錯mc....我一向都做mc做得唔好~~~
可以叫做無mc運啦......你話我比籍口自已相係咁話了..唉.......
唔知係咪cool左呢~~好少同朋友聯絡~~.
.睇來我e家開始由數唔既既朋友...變到可以數得晒既朋友了~
朋友對我黎講係好重要....但係我真係好少主動去搵d朋友~
所以好多既舊同學都無搵番我咁......
但可能真係自已功課番學忙學野忙....所以忽略左好多人際關系....
.umum..唔得..我要識多d朋友先得~~
等我考完試..我要識多d朋友或者聯略番d舊同學.....
好..講到e度先~~再見~!!
2005 年4 月27 日 11：47pm
今天在地鐵乘車回家的途中...
看見別人看著一本叫"費曼先生"的名人自傅...
這使我我突然想起費曼這個出色的物理學家....
我很喜歡他的為人品格的....他給我的感覺....很親切....
更重要的是.....他追求的....是他內心熱愛的東西...
他不喜歡的....從沒有人能夠成功加於他的身上....
不論是名利也好.....地位也好......
費曼說過: 每個人生命中最重要東西都不會相同 ....
重要的是...我們需要了解自己......對自己誠實.....
要熱愛自己所做的事情....更要忠於自己真正的夢想....
有時候....我們更需要冒點險.......
我希望....自己能夠學習費曼...追求令我心動的夢想.....
時刻都能夠保持自己赤子之心...去尋找自己所熱愛的....
每一樣的東西....即使將來死後上天堂也好....下地獄也好....
我對自己的生命..都不會有後悔.....
2005 年4 月22 日 02：18am
諗起將來出路既問題...其實我重複又重複咁諗過很多很多篇....
連壞事都想過.....我想過...如果我真係好唔好彩真係無野做...
我會做一個好出色既黑人物...做大賊....哈..但係我都只係想下....
因為做壞事.害人...我會過唔到自已果關的...
其實我都已經確立左自已既方向....我會好努力的~~
我唔會比其它的事影響到我.....
因為我真係好希望係我35歲前有一番事業..
比到幸福我dad mun佢地安享晚年~~
所以陳智樂...你一定要比心機....就當係為左做一個孝順既仔...
唔好流費自已既青春.....唔好玩..唔好頹...要努力...要學習.....
唔需要樣樣都精....但最少樣樣都要識.....
少不忍則亂大謀...你要堅持同努力呀陳智樂.......
只有咁樣..你先可以達到自已既理想..
2005 年4 月14 日 12：25am
今日mid-term management~~噢~天..點解要咁對我呢...
我用左我最叻背野個腦..背左一日野架喇.......
背到一個定都無留的...
但係點知份卷出d short question..真係又short..又問得少~~~
而mc又係咁問d乜乜level....我掛住溫d深既野~~佢就出d淺既野~~~
不過都只怪我自已溫得唔全面啦~~~hehe~!!算啦都係....
跟住放學就乘船...去涼下海風...過到尖咀...就行到去佐敦....
我係咁係白加士街...吳松街....上海街果頭...係咁搵茶餐廳......
點知發覺果d唔係吃米線..就係d什麼有主題既餐廳咁....
最後我行左3個字..比我搵到間叫"喜臨門"既茶餐廳.........
嘩~~~~~~~~~~~~~~~佢背奶茶好好飲呀~~~~好特別..好滑口...........
但又唔似落左好多雞蛋殼wo.....真係好好飲......
好有舊式既西蘭紅茶既風味~~~~~
吃完之後...我去左永安行陣......跟住就回家了喇.......
2005 年4 月10 日 01：22pm
唔經唔覺..又半年了..我真係唔知道.....幾時又話咁快一年....
有時我會發覺....自已好似日日都浪費緊d時間咁....
如果唔用d野去填補時間既空間...感覺總是會變得怪怪......
不過我近排...訓覺得好嚴重下...我好鐘意訓係張床到......
唔知係咪關系到夜訓呢/?有時3點訓..有時4時訓.......
所以唔洗番學..或者唔洗番咁早果時...我都訓到10點幾11點....
媽媽都因為我e排咁既態度以罵我....話我懶...
開始連家務都少做...但其實...我唔係唔想做的...
而係因為功課..仲有mid-term.....
佢今早先係咁罵當我未訓醒果時....之後我同佢講..
佢又話我無比咁多籍口自已....
佢番左工喇e家..全家都無人..所以e家唯有做家務..執野...吸塵抹地...
咁樣啦...我唔想佢又番來唔開心....好寫住咁多先...
2005 年4 月 05日 03：08am
又係我寫日記既時間了...星期一我訓到10:30先起身...
跟住就番學上堂...上完堂之後就乘船去紅磡....
去幫媽咪買花旗參....之後就上左道堂...
師父同白皮豬都係到....佢地無耐就走左了...
而我就係館果度..就打下舞獅鼓啦..仲有舞下獅頭練下咁..
仲有望落街周圍係咁望...最後仲有玩下電腦咁.....
到左6:45分..我又乘巴士去九龍城....
因為呢..我約左我兩個兄弟吃飯....呀joe仲有傑仔.....
我地去吃潮洲野....新南記啦.........3個人吃左8碟野....300幾左右找數啦......
我地係到傾下自已既近況啦...仲有joe做野番學果d野.....
都聽左唔少出黎做野果d人既衰野....上左寶貴既一課....
仲有好開心呀.....呀joe話我知呀凌佢都可以一次pass到個車牌呀......
唔知係咪我介紹既學車師父勁呢??哈哈.......如果有朋友想學車...
走黎問我丫唔該....我介紹我既師父佢識啦...
番到home..睇大長今...之後....又睇創世紀...
睇睇下去bath...bath完就呼左個mask...到e家就打完日記喇....
好講住咁多先...聽日要去拜山去.....
2005 年4 月03 日 12：37am
今日出完道堂後學野...又係我drive車既時間了.....
我好鐘意drive 車上完橋再落橋果種既感覺..e種速度感..飛快感.......
因為佢好滿足到我既心靈.....今日好快都...但drive得都好定..
所以我dad無阻止我.......只係一個幾字...就由九龍城...番到九龍灣了....
感覺都不錯呀......好寫住咁多先....做功課先~~~
2005 年3 月31 日 02：59pm
well...辛苦左幾日既番學..今日總算可以休息下了.....
上星期好開心..因為收到成績了.....d成績都非常之不錯..
我都覺得係好好好滿意了...我要繼續比心機學多d野.....hehe~~....
上個幾星期....真係好多活動.....整到我就死咁樣啦.....
最慘既就係個復活假都唔係假黎既....往時五六日都唔洗番學...
所以只係放多一日咁大把...d assignment又多...又有mid term...
什麼都有...好似想搞點左我去咁樣啦.....
e排我真係吃左好多野呀....之前果星期...
7日都無係homne吃過飯...日日都大魚大肉大酒咁樣....
係e個星期變番正常了.....不過之前果個星期吃左咁多野...都無重過....
我諗係體力透支得多啦可能因為....hehe...所以都好開心無重到啦......
今晚又要番學了...我諗e家係時候take番個break...
訓番個午覺先...take a nap了~~再見....
2005 年3 月27 日 11：47pm
今日訓到12點幾..懶到丫我..哈哈..因為先幾日太累了...
訓醒之後..就走去家姐公司印d notes出來溫書~~~整整下d野都2點了~
之後就同家姐去一間吃齋既素菜店吃lunch....
吃完回到家都3點了~之後我一開電腦無耐...
icq就有一個新既net fd add左我....講左陣就去溫書..
同執埋d野去.....之後就去yahoo玩再陣towers...無耐就吃飯了~
連續6日無係home吃過飯了..今晚可以係home吃飯..真係好開心....
e家一路睇緊卡通仲有講下icq..之後一陣溫書...
就去訓了....好又講住咁多先....寫完日記了
忙左幾日既觀音誕活動...其實都仲未結束....
因為星期一先係正日其實..所以又要係紅磡搞野....
之前星期五係我地間三聖寶林紅青道堂的活動.....
而今個星期一係紅磡街市搞的......又係要舞獅果d......
不過星期一果個我唔去了..因為真係要溫書...
無時間.....星期二又有test了~~~~~~
而且我e幾日..又訓得好少.....好累好累....應酬得又多.....
日日都要出街吃飯..去飲咁樣.....就係今日星期六..我都吃左三餐晚飯了....
今晚既晚上.......我drive車回家呀.....由柒鹹道經機場隧道回家.....
只是用左5-6分鐘......唔經唔覺都超速左..人地路標係寫70km...
但我真係唔覺咁樣..行到90幾km.....我dad話我先慢慢咁減番速........
如果唔係比人抄牌又要罰錢了...
回到家後..去左玩towers..玩完towers..去bath..
之後就發呆左一陣都幾耐時間...e家去訓了~~..再見~
2005 年3 月17 日 02：59pm
尋日發左個好怪既夢..個夢好怪...我自已已經好耐無養過龜...
但個夢就無啦啦好見到龜....
我見到自已home有兩隻青綠色既龜..
果兩隻係新養的....諗住拎埋舊養果隻一齊玩...
當我放左舊果隻同新果兩隻係埋一齊果時...我行開左整d野.....
不幸既時就咁發生....當我行番去睇d龜....
我唔知道咁樣一腳踩再落去隻舊龜果度...
隻舊龜就咁樣比我好似踩爛蝸牛咁裂左....
有一半爛晒..仲有一半個頭同手果部份垂死爭扎..
好似隻就可既蟑螂咁....真係諗起e個夢都幾好恐怖+殘忍下.....
就係咁..訓訓下就醒左......個腦裡面都仲係好多龜....
整到我要成個鐘先訓得番.....真係唔知e個夢係帶有d乜野意思.....
.我百思不得其解....到唔知做什麼..
今晚又要番學呀...不過好累...又要出油麻地...
但都係要番架lu...e個訓個覺...預備夜晚四個鐘有心機上堂...
2005 年3 月16 日 07：25pm
今日放學後...打比dad問佢係邊...
佢叫我出紅磡搵佢..then我就乘船去尖東喇...
好舒服呀今日d海風...架船又快..而且又無人搭...
得左果7,8個人...坐係我隔離既有兩個俄羅斯鬼妹仔.
.一個美國呀叔..仲有一個船員...
因為我鐘意上層露天果d位....
當ｄ海風迎面吹過來既時候..
真係有一種說不出的快樂..說不出的感覺.....
去到尖東....行去紅磡...見到呀dad...
幫完dad做完d野之後..就同dad回家了....
2005 年3 月12 日 02：50am
Your Brain is 40.00% Female, 60.00% Male
You have a total boy brain
Logical and detailed, you tend to look at the facts
And while your emotions do sway you sometimes...
You never like to get feelings too involved
What Gender Is Your Brain?
2005 年3 月11 日 11：47pm
今晚同朋友佢地吃飯....已經好耐無見喇d舊同學...
有kk..有肥聰...仲有肥哩...黃邦..龜佢地.....
吃完無耐..佢地落機鋪...我又係到企係到...
因為我唔係好識打機的....唔想浪費金錢........
.之後kk打完機..我就同kk佢走了...因為佢地話落bar..
所以我地唔去...我同kk去左seven..
每人吃番24粒燒賣+一支汽水...喪食...
吃到我差唔多死咁...之後就番home去了~~~
就係咁樣..就過左一晚了....
.雖然我今日非常咁呆...唔知點解....
可能d病病未好得番晒~~不過今日都算是開心的一天....
2005 年3 月08 日 11：47pm
今日算係好輕鬆既一day~..唔知點解..
心情非常輕鬆...可能係今日乘過四轉船既關係啦...
又有風..又有海...我係一個愛好自然既人...
所以令到我放鬆晒自已既心情....不過話時話...
我覺得今年既我....生活節奏比上年真係急速左好多...
可能事關自已用左好多方法去迫自已學多d野...所以好忙......
上年既時候....我可以一個人自由自在去邊到做遊客都得..
四圍行..四圍吃...今年就唔可以了.....
就算任何時候..好多時心情都係難以放鬆...
我都唔想比壓力自已...但無壓力...就無推動力嗎.....
2005 年3 月07 日 11：21pm
今日放學後..同歐陽吃下午茶..
.then行左陣佐敦油麻地...我地去睇左陣書..then之後乘MTR..番到德福...
諗住去馬莎買蛋糕吃......買完之後...
突然比我發覺有對鞋鞋我好like...雖然都叫有少少貴對我來說..
但最後我都買下了....好開心呀...
初初我以為係牛皮來...原來係羊仔皮來....
仲好輕便tim..間唔中...有時獎勵下自已..都係一件想心樂事既事來....
做完一份功課岩岩..聽日番早..我諗係時候睡了...
2005 年3 月06 日 02：22am
今晚同胡鬚仔叔..大哥雄叔...成師叔...
去左九龍城祥叔間咖哩屋吃野.....佢地同我講左好多野...
我都學左好多野....佢地批評我..要我做人唔"好咁心急.....
唔好咁急進....什麼都要打好基礎...唔好成日想跳級....
唔好三分鐘熱度學野....唔好人地係師父教你野時係咁問野...
唔好唔好好多野..............
"我會記得你地講既野了....改好晒我d壞習慣去...
因為e d係我比人d印象來`~~佢地對我既評語........
今日吃飯飲左3支喜力呀我諗都有..
所以..都有d酒氣...我等多陣就去訓...
等d酒未散左先!~~好寫住咁多了....
2005 年2 月27 日 02：18am
今日上左館...我dad同師父上左去幫賢叔睇風水~..
今日佢地先落番黎...所以我一上館就見到佢地.....
之後歐陽都來到...我地又係到練野+研究玄學...
原先賢叔叫我同歐陽跟埋佢地今晚去飲..但我拒絕了...
因為唔想吃咁多肥膩野....去飲e樣野...我由細飲到大...都驚了...
跟住佢地走左..得我同歐陽係館...
之後教多佢幾下周家虎豹拳套路..then我地研究多陣玄學....
之後再睇多陣電視啦..10:00就離開了....
再之後我地就去左上海369果度吃野.......吃完就乘bus回家.....
回到家都11點幾了.....夜晚好凍丫!~~我又著得少衫...
得左兩件+頸巾一條.....又落著絲絲既細雨....
好彩無凍病姐...因為我要留番好既身體...下week去捐血.......
好..又寫住咁多先..聽日要溫書去.....~
2005 年2 月16 日 03：29pm
今早吃完飯後,...我就去左家姐公司果度拜年....
因為有幾個叔叔...姨姨尋日比左我利是..
.叫家姐比我...所以我要上去拜年咁樣喇...
.講左幾句恭喜說話...就落去睇下家姐係到做呀四.....
上面果d叔叔呀伯都唔洗做野咁...
見到家姐做d工序又悶又辛苦咁樣...日日都係咁樣做...
果時我既感覺都幾無奈下....如果比我做既話~~我真係無咁既耐性....
去完家姐公司果度之後..then回家了....
又係百無了賴咁樣....好悶....好想快d番學咁....
最少叫做有番d野做下...唔洗成日都無所事事....
出街又唔願出...因為無乜野好行咁樣....
仲有無理由自已一個出去行...因為d朋友唔係應付緊AL..就係開始番學.
.或者放完假就有test...再唔係就不在港咁樣...
又或者係佢地出面有其它新圈子....開始唔理d舊朋友咁樣...........
但到有d乜野問題..就打電話來煩你......
一係就係佢有問題....一係就話自已個朋友電腦有d乜野問題...
問你點樣解決....再唔係就叫你介紹邊到買野又平又好.......
總之就係好日都唔搵你.....搵親你都係有要求咁樣.....e家對d人其實都開始心淡了.....
.....又是休閒的一天....欣賞音樂...品茶..看電腦雜誌.....
重看一本得好看小說.挪威的森林...仲有同媽咪傾下計咁.....
聽日就有節目了...同dad去屯門三聖廟舞獅拜神仲有拜祭下師公......
好...又寫住咁多先...再見...
2005 年2 月27 日 02：18am
很頹的一天....什麼也沒幹過似的....又是repair電腦..
仲要好不幸的不小心整到自已部電腦中毒....
.變左我今日對住d電腦無十個鐘都有八小時....
係等待電腦裝野既時間...我同時地咁拎家姐果d 製衣物料sample果d書係咁睇..
仲有睇番d中國報關和稅制果d野.....我真係唔係好明都係...
什麼增值稅發票..都唔知點樣計果d稅咁樣....
乜都要加番17%..markup番個tax上去...仲要睇番果d production process....
好似比中國政府話要幾多都得咁......睇來做merchandisor真係好難做`~唔係咁易.......
e家無左quota...d外國人就係咁評人d廠...用埋d什麼SA8000做評級...
什麼association liability....睇來我得閒都要學埋e樣野了~~
不過都幾悶下的e樣野....無無聊咁樣.........
唔知點解..近排既我成日都呆呆地咁樣...
好動愛說笑愛抖人開心的我很像消失了似的.....
生活變得平淡...清靜.....遊閒.....可能係個term break 同個新年放得太長...
有成個月假...咁我就休左成個月息喇.....
不過都唔係無做野既..家務..抹地吸塵煮飯....
實唔少得啦..因為唔想媽咪腳痛呢.......但放左e個咁既假...我重左了...
可能訓得多左...又吃得多左.........因為訓覺對我黎講係好重要既事....
訓覺好舒服呢..唔洗用腦...哈哈....仲有...吃野都係我好鐘意既事來.......
我鐘意樣樣都試吃....品嘗到好味既東西..我會好滿足的....哈哈.....
不過其實唔止e樣的.....但都係唔講住lu...e家都就3點了~~~
好眼訓呀........Zzz....ZZz.....訓..再見!~~
2005 年2 月15 日 12：07am
今日12:00就同呀joe出去~~~同佢睇下d pocket pc...
佢睇中左部Asus 730w的~~不過未有貨~~4600幾....
但最後佢用諗諗下想買番部dell就算..係eng version來的~!!不過function都唔差的!...
咁我同佢就行左旺角好多電腦電器地方啦...
仲有睇音響果d~!!睇headphone~~之後就睇完晒d野喇..
就去左間垃圾酒樓飲茶.....服務差..又難吃...
真係講起都火架...比飛人就比左3張同number既飛...
叫果時就唔係呀招呼果兩個人都唔理我
不過最後我火起來鬧佢!~!~都有番位即刻.......
之後去到叫野吃~!!d野食遲遲都唔黎..追單都追左兩次........
講起e家龍寶海鮮酒家...以後都唔洗指意我去過!~~野食難吃..又凍咁樣.....
吃完野...我就落去深水步買modem....電線....microphone...差電.....等等果d~~~
講起e d野~~!!今日原來我用左成500幾蚊了........
出一出街/..又破費了.....不過d野係有用的!!~~
但我發現左..香港d野..真係貴左...可能係d自由行來港...
整到d商家企硬個價..乜都貴左最少15-30%咁樣1~~.
好..又寫住咁多先,...bathing去了!~!~~
2005 年2 月13 日 11：26pm
今日同家人下午去左吃素菜....不錯的喔...幾好吃......
唔肥唔多油....之後比我絡同一本書結緣...
佢叫做"集福消災之道"...佢原文原來叫"太上感應篇"..
係一本教人之道既書黎..我回到家無聊..
上網search到有電子書
http://www.budaedu.org.hk/peace0.htm
有興趣既可以去睇下啦..其實好有意思的..是人生的哲學黎....
我們做人不要輕視身邊的一齊..因為我地真係有好多野都係唔識...
只係有d野只係自已認為自已識..但其實就乜都唔識的....
到做果時就什麼也不曉得...我記得我以前睇過一句野..好有意思的..""
一時勸人以口.....百世勸人以書"......好多野唔係只可以用口傳下來.....
書本的智慧是前人寫下來...記下來...希望以佢地既人生經驗..
去教化我們....讓我地學懂知識......而唔需要轉好大個圈去學識......
今日睇左書...研究過d garment物料~~之後眼訓就訓了
~~~4點50分....訓到6點唔知幾多~~~
then就媽媽叫我唔好訓~~吃飯...
吃完飯就入房聽音樂....係到發下呆咁樣.....
好快21號就要番學了~~
到時又有新既subject要讀 business strategy....e-commerce....
organisations and business management..仲有business communication!!
~~唔知難唔難呢.......hehe!!!~
玩埋個新年又要比心機了.....好....寫住咁多先.....
2005 年2 月11 日 12：30am
講番起尋日都幾開心...呀dad夜晚一番來....我就好多利是了....
唔洗自已去拜年..就有幾十封利是...
好似收陀地咁....真係好....
不過都係說笑的呢....利是都係拎個意頭啦....
我無同人地拜年就有利是收...其實唔係咁好意思咁..
仲有唔知點解我覺得佢地派得好似無乜意義咁...
哈哈..唔知好嬲定好笑呢咁樣......
聽日我d家人就來我家拜年了......
今年媽咪唔番工...唔洗我一個人黎撐場了...
都幾開心.......不過開心既背後..代價都幾大.....
每次既拜年過後....我home都會好似比蝗蟲黎過咁.......
又要我執執執..做家務......
2005 年2 月07 日 04：40pm
尋日開心的呢.....吃左兩餐團年飯.....
第一餐去姑姐度團年....無乜點樣吃野...
但飲左d好美味既紅酒.......之後就出去道館..
吃團年+同師父慶祝生日....都無乜吃野....飲左d一般既紅酒.....
之後dad就車蟹仔叔佢地一家3個回家....
then我dad傻傻下問我drive唔drive車?..我就話番dad..
."喂..我飲左酒wo".....我dad就話.."係wo...."....之後我咪話囉"
咪就係...你乜酒都無飲..叫個飲左酒既人drive車...haha..."
之後就回家了lu....then整自已部電腦!!!~!~執下房.....then3點半就訓覺lu....
2005 年02 月05 日 01：29am
今日無乜野做...之後又去人家睇睇電腦...
then去買番d料...點知...我唔小心買錯野..買左張E-pci...唔係AGP.....
所以回到家...又再出番去高登搵番Eddie哥換番張卡...
搞到約左我班brother吃野點知遲到..真係唔好意思呀.......
佢地係九龍灣地鐵站等左我成半個鐘了.....真係講多次對唔住呀要...
因為我真係要係今日搞點晒d野去~~聽日去就唔好了....
.話晒因為都買錯左成1000蚊野...我都係第一次咁烏龍的...hehe~~~
回到家仲要比我dad鬧,,話我做野大意,,,咁都可以買錯野....唉..
我都知我自已差架lu...不過都因我大意姐...
以後唔會咁....近來經常地撞板...唉
跟住夜晚..我地就去吃韓燒了同我d好brother...
有kk啦..呀聰啦....joe哥仔啦...max哥仔啦...德哥仔啦...仲有我肥仔呀陳啦....
.都好開心呀..我地都好耐無一齊吃野了.....
成班男人走埋一齊都係講下大家d近況..仲有d趣事....
而且當然會講少少衰野啦..hehe~~
吃完野..佢地去打機..我一局都無話過...
因為我一來唔識玩..二來唔like去機鋪打機...
三來我孤寒(hehe..說笑的).....之後無耐..行多一陣...我就行番home了~~~
就係咁..又一日....都差不多訓了.....再見...
2005 年02 月03 日 02：21am
19歲既生日..真係難忘的...點解呢??因為我走左去係咁鬧一個壞蛋..
係咁鬧鬧鬧....鬧衰個不盡不實..只做衰事不作好事的區議員姓潘既pk......
數臭佢.....當佢係業主會一出聲....我就係咁係佢後面爆晒佢d惡行比其它業主聽.....
佢聽見我係咁講佢d衰野..之後又怒望住我...我見佢個又講唔到野..
又解釋唔到..又厚顏無恥既樣...不知幾心涼呀.....
我諗今日係上天賜比我既好特別既生日色禮物來的..哈哈...
我要感謝主...因為實在太特別了....估唔到係生日乜野慶祝都無...
而走去同dad去開業主會罵戰一番......今次地鐵公司同區議員既黑商作業案...
看來愈玩愈好玩了.....hehe....我地比再咁多次機會佢...佢
再唔回水番比我地....大班會幫我地同我地玩到去法庭的....
仲有....今日下午賢叔上左道館還神....
then我問緊師父風水..之後講開風水....
then佢問我幾上黎佢果度(大陸)幫佢睇睇風水同我師父..
仲有去佢果度玩下....hehe....好訓了...寫完日記~~
2005 年02 月05 日 01：29am
病倒了...平時身體都好強壯的..今次可能e幾日係到研究風水..
係到睇書唔願訓....夜晚又同梁崇德同梁景光傾電話...
如果無野做就係咁諗將來既野....所以每晚無3:30過後都未訓....
不過.,..其實e種係一種享受來的.....
一邊睇書..一邊聽住自已鐘意既音樂...一邊品嘗住一種先苦後甘..
清香回甘既苦丁茶...咁就最想心樂事....我係好喜歡輕鬆既心情既感覺....
唔需要比外間既事物同人影響....做自已喜歡做既野....即使係如何的簡單...
只要打擾唔到其它人.....而你既行為又煩擾唔到佢....
我覺得其實做乜野都係無問題..最緊要自已開心....
星期六學野時....師父教散打...比佢打到傷左手腳...
瘀左好幾個地方...e家都仲痛緊...不過又岩的...
未比人咁打過...真係唔識出果招整番人.....
所謂唔撞過板唔醒目我諗就係咁既意思了....
好...講到e度先...我要溫merchandising同SA8000了....
一門好實用既學問來的...hehe..加油teddy~..我要比心機...
2005 年01 月28 日 03：31am
試..終於都考晒...心頭既壓力..終於可以放低一陣....
接住e幾個星期既假...我都唔可以懶落去的~~
因為我要為自已鋪好條路....好好咁溫習下其它我學既野.....keep住落去啦...hehe..~!!
今日成日都係home..無出過去到下午都...
係夜晚出去油麻地番學...就咁樣又過左一日lu.......
時間真係過得好快.....咁快又一年喇.....
過多幾日..我又19歲了...
其實我真係唔係好捨得自已18歲既身份.....
因為我既18歲得左好多野.....我學識左我想知既野...
我考到我一生人第一個車牌....我得到dad mun既痛錫....
我見到我身邊既朋友既積極...我望見佢地既成長....
我學懂左好多做人處世既方法.....我對於人既內在了解深了.......
所有野都係我成長階段中學懂的~~如果我一日都無長大過...
根本就乜野都唔識唔知....所以...我好感謝時間既流逝..
係佢令到我長大..令到我知道人生既險惡...
令到我對自已既目標更加下決心....
講到咁多野..其實我真係要多謝上天的.....
佢比左好多機會我....比左對我好既朋友....
當我功課唔識時...係佢地幫我..教我...支持我...鼓勵我.....
當我有問題解決不來..佢地總會永遠對我不離不棄....
所以我真係好感動的~~~我真係真心咁想說一句...."多謝你地呀...."...
我係唔會忘本的....因為我知道今日你仲既因...
就係聽日既果....因果係有cycle的~~
我諗所謂受人因果千年記就係咁解了.......but anyway啦..
我會好好咁做自已既本份了.....唔要dad mun朋友的擔心......
2005 年01 月22 日 02：23pm
近排..經常地失眠..訓得唔好....訓訓下又醒..
.醒醒下原來係發緊惡夢....
好似今日咁..個夢都好恐怖下....個夢既內容係咁既......
"有人係我home出面跳樓死左....唔知點解佢對腳係我屋入面...
條屍掛左係我d植物上面..壓爛晒佢地..當時我好嬲...
我走埋去再推條屍再落街..係咁罵佢點解要整爛晒我d盆栽....
之後無啦啦有人(禁)門鐘...原來佢地係d家屬..話要黎收番條屍..
之後我就係咁話佢地有無搞錯.....收屍都要黎我home收~~then佢地就打我了.
.我忍受唔到佢地...知後我就同佢地打交...點知...
我打到佢地斷晒d手腳骨.....突然間..我又見到個窗出面有d野飄飄飄...
走去睇下.......嘩........原來係果條屍果個女鬼...佢話要報仇.....
之後佢整住我條頸.........整整下..我就札醒左了~~
可能e排壓力大,,,我又受唔到好多壓力..所以係咁發惡夢......
不過d夢..真係過份離奇呢....好...溫書去了又要...再見~!!
2005 年01 月10 日 02：23pm
呢排發生左好多試..又比人屈我同輝上網抄assignment..
話唔係我地唔係自已做...勁衰d人....我地有分析的..
又有identify番d野~~唔係自已做係邊個做...
佢仲好野要打電話你審我咁...係我上堂緊唔清醒既時間
搵埋晒d backgound野就話我地抄果d/....變態的....
好彩呀sir知道我地平時勤力..又好發問...所以就唔信d奸人講野~~
就考試llu 19號開始..所以我e兩個幾星期應該都無乜機會打日記了..
2月再見啦~~..see u喇日記..`~我要做個乖孩子..hehe~..溫豬去..
2005 年01 月03 日 09：04pm
其實我e家已經好努力咁向自已的理想進發....
e家既我...不斷地搜集我想做既行業既資料...
不斷地尋找這些科目去夜晚讀書學習...更不斷地結識有關項業的人...
成日去問人野.."點解呀??"..麻煩到好多人...
不過都好多謝d人..個個都唔覺得我煩..仲好落意解答我問題..
真係好多謝呀......我想知多d..識多d..咁將來入行做野都無咁辛苦....
我諗我讀完個high dip即使有得再繼續升學..我都唔會了...
因為我知我dad老..mun工作壓力又大...家姐將來都會有自已一頭家...
所以我會出來做野...唔比我dad mun出黎挨...
e家我要好好咁裝備好自已....準備將來既挑戰....比到我家人幸福快樂...
