BBQ時可試
BBQ，一定要試 !!!
[燒朱古力香蕉]
將蕉皮撕開少少，然後塞幾粒純朱古力入去蕉皮與蕉肉之間的位置， 將蕉皮蓋上，用錫紙包好，再放在火推旁燴十五分鐘。
點好食法？
朱古力和蕉肉被燒成半熔狀態，兩種味道加起來，真係冇諗過咁好食！
注意：
純朱古力粒要整成細細粒，因為太大粒會好難熔。另外，將放朱古力一面 擺向火，效果就會更加好。
[燒牛油冬菇]
用大大隻的鮮冬菇，塗上大量牛油，用錫紙包好放在火推旁燴十五分鐘。 點好食法？
如果你一向都喜歡食鮮冬菇，這種食法就真係一流！
牛油的香味與鮮冬菇的鮮味簡直是絕配。
如果你喜歡蒜茸味，加上蒜茸一起燴味道亦好好。
注意： 冬菇都幾易燒焦，所以要加倍留意火候。
[燒芝士茄子]
將茄子切成一舊舊，然後舖上適合大小的片裝芝士，將茄子燒成金黃色， 就可以挖茄子肉出來食。 點好食法？
茄子肉好軟、好滑、好鮮味，加上芝士的香味，嘩！好味！
注意： 芝士未熔之前，好容易會離茄子而去，所以燒的時候要睇實佢！
[燒薯皮]
事前要將薯仔出水，再切片（話明燒薯皮，當然每片都要保留薯皮啦！）
燒之前塗上大量牛油。
點好食法？
一個字，「香」！如果你喜歡甜味，塗上蜜糖燒一樣咁正！
注意：
將薯仔出水時要適可而止，因為出水時間太長，薯肉就會太軟，燒的時候 薯皮就好容易斷。
1)燒燈籠椒，好甜架！
2)燒矮瓜之後挖ｄ肉出黎撈麻油食。
3)焗矮瓜: 矮瓜切塊，加入日式燒醬(Teriyaki sauce)用鍚紙包住焗， or 淨煨開封後放入腐乳。
4)香蕉唔好去皮，剪開一條痕窒D朱古力(預先將純朱古力整成細細粒)落去 香蕉面，用錫紙包好，燔15-20分鐘。完成後，朱古力就會溶左係個蕉面， 味道極佳。
但小心未用朱古力前,佢已經溶哂.
5)墨魚、大蝦、多春魚, 包你話正!!
6)吊片 : 齋燒，要加入大量蜜糖(否則好苦)，仲可以加辣椒豉油。
7)要用錫紙包著來燒的金菇、粟米、薯仔、小白菜，加d牛油和蒜蓉落去， 可加美極調味。
8)花蟹去左個鰓就可以燒架啦！用錫紙包住慶，會原汁原味D。
9)燒生的白鱔，買條大的，去骨，砌大舊，之後用酒和胡椒調味再燒。 用日式饅魚汁調味，好味嫁，有點像日式店買的。
10)洋蔥先出一出水，先至拎去燒，又或者用錫紙包住焗。因為唔係個個都 受到洋蔥味，可以用d 濃d嘅汁伴食(如日本燒汁)，我就中意用cornsyrup (或蜜糖都得)溝燒烤醬黎食，好正架！
11)焗什菇 : 用你中意食嘅菇放埋一齊，加d蒜茸同油，用錫紙包住焗。
12)焗三寶 : 用青、紅及黃椒，加沙爹醬，用錫紙包全焗。
13)燒大冬菇 : 買一d手掌咁大既portabella mushroom(惠康及百佳有售)， 燒完伴日式燒汁食。
14)燒蕃茄:買一ｄ大肉茄，燒到佢皮開肉裂就最正！食時小心中間，ｄ汁會很熱。
15)燒粟米
16)燒薯仔: 先出水，再連皮燒，我中意用新薯，d皮好好食，的的式式又 容易燒，連蜜糖食可以做甜品。
17)釀蕃茄 :切開一半去左個芯，釀入己調味嘅免治牛同洋蔥粒，再夾番埋， 用錫紙包住燒，廿分鐘後有得食。
18)蘆筍魚夾 : 買龍利柳最正，外面用煙肉包住，以防燒焦，蘆筍放入兩塊 魚中間，加入薑絲黑椒等等，再用錫紙包住燒，十分鐘攪掂。
19)燒番茄 : 切開一半，叉住佢。先燒茄肉，小心茄肉BIT出，之後反轉燒底部，燒既時候在面層加蒜蓉，等到微微乾身，就算郁左少少都可以。出乎意料的好好好味！
20)芝士火鍋(無聊之作) :用鍚紙做個鍋型，再用燒烤叉篤實，加上芝士後燒待溶，點包食，味道一般但得意。
21)錫紙 + 鮮大蝦 + 辣椒
22)奢侈D試下貴妃蚌，放D牛油同蒜蓉，非常鮮甜！
23)大眼雞
24)燒扇貝，放在網上燒，好快有得食！
25)Crab legs with salt and butter
26)燒"庵春"~~幾好味... 仲好平，又唔駛點醃
27)雞皮烘方飽 :將雞皮撻響飽面度燒，之後唔要雞皮，淨食麵包。
28)煙肉蝦串 :即係用煙肉卷住鮮蝦（去殼）再串成一串，燒至煙肉開始香 脆，就唔會太肥膩，而入面既蝦因為唔係直接受火，所以肉汁可以保留唔乾，食落面頭就脆卜卜 ，但內裡就鮮味無窮，好正架！
[ BBQ FAQ ]
1. 燔蕃著時，點樣避免蕃薯皮與鍚紙貼在一起呢？
先塗一層橄欖油在蕃薯表面，就可以避免蕃薯皮與鍚紙貼在一起啦！
2. 燒粟米，點先冇咁容易燒焦？
連粟米葉一齊燒，就可以保存粟米的水份，亦會冇咁易燒焦。
3. 有人話燒烤燒得多會致癌，有冇辦法減少致癌物質？
研究指醃製過的肉類，可減九成產生致癌物的機會，信不信由你啦！
4. 用錫紙燒焗食物時，有甚麼地方要留意？
避免加入檸檬汁或醋等酸性物質，因為酸性遇熱會與鍚紙產生致癌化合物，大家要小心小心。
