CODKA SOOMAALIDA CUSUB

https://www.angelfire.com/mo/codkasomalidacusub/index.html

[DHAMMAAN XUQUUQDA DAABACAADDU WAY DHOWRANTAHAY]

BOGGA 1AAD  

ARARTA WARGAYSKA

Hersi M. Labagarre

Nimanyahaw nin aan go'in, Oon iilka gelin oo. Goluhuu lahaa iyo, Gurigiisi hore iyo.Gogoshiisi hooyana, Gumac lagu asqeeyoo. Goballada adduunyada, Hadba kuu u guuraba. Naga gudub la leeyahay, Gacalkiinna waayee. Gallad ma u malayseen. Guran caanaheedii, Oo gaban yar loo lisay.Oo uu gambiyay oo, Gab ka soo istaagana. Gacalkiinna waayee, Gallad ma u malayseen. Geeskii Ifriiqiya, Oo gubata qaaddoo. Gabbalkii u dhacayoo, Reerihii ka guureen.Gacalkiinna waayee, Gallad ma u malayseen. Ragga kii gumoobaa, Go'aan malaha waligii. Loomana gargaaree, Inaad taa u gurataan. Gacalkiinna waayee, Gallad ma u malayseen. Calankii guddoonaa, Ee gelin horiyo waaberi. Goobiddiisa awgeed, Guuruhu na dilayana. Laba inaad u goysaan, gacalkiinna waayee. Gallad ma u malayseen. Gabdhaheennii wacnaa iyo, Gabannadii dalkeenana. Gamba ayaga oon sidan, Inay gaala aadaan. Oo dhaqan gaddoomaan, Gacalkiinna waayee. Gallad ma u malayseen. Halka dunidu gaartiyo, Sida loo gurmanayiyo. Gaddan aannu joogniyo, Garaadxumada teennaa. Siday noo gudraayaan, Annuna aanan garanayn.Waa gari gar dhaaftaye, Sidan aad ku goyseen, Gacalkiinna waayee. Gallad ma u malayseen. Ubadkii la gubay iyo, Galawgii ciyaayiyo Odayadii la gowracay, Hablihii gamboonaa. Gacaalkiinna waayee, Gallad ma u malayseen. Garmaqaate shaydaan, Eebbuhuba gooyee. Oo cadaabta geliyee, Ninki goob la joogsaday. Halka uu uguranayo, Gacalkiinna waayee, Gallad ma u malyseen. In ninba geed istaagoo, Adaa guma anaa goba. Gartu naga istaagtoo, Ninba geeska fiiqaa. Gafuurkana la taagaa, Garaad toosan maahee. Gacalkiinna waayee, Sidan aad ku goyseen, Gallad ma u malayseen. Toban gu' iyo dheeraad, Rag baan goofti teginoo. Dibaddaa gamboonoo, Aan soo gaddoomine. Ayadoon loo garaabayn, Inay goballadaa kale. Hadba meel u gooshaan, Gacalkiinna waayee. Gallad ma u malayseen.

WARARKA SOOMAALIDA

Shilin Soomaaligii oo cirka isku shareeray!
Waxaa wakaaladaha wararku sheegeen 14kii bishan july in shilinka soomaalida sicirkiisu kor u kacay talaadadii la soo dhaafay ka dib markii uu gaaray 7,500 halkii doolaar, shilinka sicirkiisu wixii intaa ka horreeyay wuxuu ahaa 8,400 halkii doollaar, kolka halkaa waxaa ka cad in shilinku soo hooyay faaiido dhan 900 oo shilin, hal doollaar oo kasta wuxuu qasaaray 900 oo shilin, in ka yar 48 casho gudohood. Waxaa warku sheegay, in kicitaankaas uu shilinku kacay ay ahayd tii ugu xoogga badnayd uguna dhaqsiyaha badneed ee qiimihiisu gaareen kolkii loo eego dhammaan lacagaha adag ee lagu adeegsado Soomaaliya, sida doollarka, Riyaalka Sacuudiga, Dirhamka iwm.

Dadka indhaindheeya dhaqaalaha, wax sabab ah oo caqli gal ah uma helin, kicitaanka qiimaha shilinka, waxayse mala awaaleen, in loo malaynayo in lacag badan oo doolaar ah dibadda uga soo burqatay dalka, waxayna taas u daleeshadeen, sugnaashaha sicirka badeecada dalka, taas ujeeddadeedu waa, in haddii xoogaysiga shilinku uu ahaan la ahaa mid dhab ah, waxaa hoos u dhici lahaa qiimaha badeecada ama sicirka badeecada, taas oo sida la wada ogyahay, doolaar ku timaada, kolse haddii uu qiimihii iyo sicirkii sugan yahay, taas waxaa loo fahmi karaa in doollaarku asigu is jebshay ee aanay arrintu ahayn shilin xoogaystay.

Waxaa warku intaa ku deray, in kicitaanka qiimaha shilinku billawday, kadib markii ay ka soo laabteen hoggaamiyayaasha jabhadaha ee kala ah Caydiid iyo Cali Mahdi iyo Ismaan Caato iyo Qanyare oo liibiya ka soo laabtay, waxaa warar aan la hubin sheegayaan in qaraabadii dadkaas ay doollaar badan ku harqiyeen suuqyada magaalada Muqdissho.
Wararku waxaa kale ee ay sheegayaan in arinta kicitaanka qiimaha shilinku lug ku leedahay, war jaraaid oo ay fidsheen, madaxda jabhadaha dagaalka, oo sheegaya in dowladda Liibiya ugu deeqday jabhadahaas lacag gaaraysa 250,000 oo doollaar si ay u uga abaabulaan maamul dowladeed magaalada muqdisho.

Hoggaamiyayaasha Dagaalka Soomaaliya oo heshiis saxiixay
Waxaa wararku sheegeen in hogaamiyayaasha kala ah Cali mahdi, Ina caydiid, Cismaan caato iyo Qanyare, ay heshiis ku saxiixeen martiqaad uu u fidshay safiirka Liibiya u qaabilsan Soomaaliya Al-Sayid Ma'tuq.
Afartaa nin waxay isu doorteen in ay noqdaan golaha sare ee maamulka magaalada Muqdishu ee lagu tala jiro abaabuliddiisa, laba ka mid ah, oo kala ah Cali Mahdi iyo Xuseen caydiid, waxay isku magacaabeen guddoomiyayaal, labada kale ee kala ah Cismaan caato iyo Maxamad Qanyarena waxay ku magacaabeen, guddoomiye ku xigeenno.
Waxaa kale ee ay saxiixaas ku go'aansheen in la fudo dekedda iyo eriboorka magaalada Muqdishu 18ka bisha tan lagu jiro, taas oo wararku sheegayaan in ay tahay, arrin sidii ay ku suurta geli lahayd ay adagtahay.
Dadka nimankaa ka soo horjeedaahi waxay qiyaaseen, in aan lacagtaa Liibiya ku deeqday waxba lagu dheefi doonin, ay nimankaa jabhadaha hoggaanshaahi ay u adeegsan doonaan sidii ay u wiiqi lahaayeen cadawgooda iyo dadka ayaga mucaarada ee ku jira jabhadahooda.

DOWLADDA LIIBIYA OO MARTIQAAD U FIDISAY QAAR KA TIRSAN KOOXAHA SOOMAALIDA
(SP) Dowladda Liibiya ayaa martiqaad u fiday qaar ka tirsan kooxaha Soomaalida hoggaamiyeyaashooda sida Maxamed Ibraahim Cigaal, Cali Mahdi, Xuseen Ceydiid iyo kuwo kale, iyadoo ku marti qaaday inay ka qeyb galaan munaasabadda Dhalasha (Mowliidka) Nabigeena (N.N.K.H) oo lagu qaban doona buurta Cagaaran ee dalka Liibiya.
Martiqaadkan oo uu qeybinayay ergey ka socday Madaxweyne Mucammar Al-Qaddaafi, hoggaamiyaha Liibiya, ayaa la sheegay in kooxihii lagu martiqaaday ay aqbaleen.
Weli lama shaacin in marti qaadkani leeyahay weji kale oo ah in kooxuhu ay ku shiri doonaan halkaas. Hase yeeshee Mactuuq Al-Subeydi, xoghayaha xafiiska Liibiya ee Soomaaliya, ayaa sheegay inaysan jirin wax diidaya in kooxuhu ku shiraan Liibiya, munaasabaddan kadib, haddii loo baahdo.

Madaxada Ururrada SNM, USF iyo SDA oo Dhaleeceeyay Cigaal iyo Itoobiya
(SP) Guddoomiyeyaasha Ururrada SNM, SDA iyo USF ayaa bartamihii bishii June qaraal ay si wadajir ah uga soo saareen Muqdisho ku eedeeyay Maxamed Ibraahim Cigaal , madaxweynaha Jamhuuriyadda la baxday Somaliland, in uu heshiis kula galay dowladda Itoobiya inay isticmaalaan dekedda Berbera , isagoo taasi uga beddeshay hub iyo saanad, waa sida ay hadalka u dhigeene.

Waxay qoraal kooda ku xussen in booqasho dhowaan uu Cigaal ku tagey dalka Itoobiya in la soo siiyay 3000 oo qori oo isugu jira AK47, BKM, rasaas oo ay xadgudub ku tahay qaraarkii qaramada Midoobay, Ururka Midowga Afrika iyo Jaamacadda Carabta ee hubka looga mamnuucayay Soomaaliya.

Waxay ku eedeeyeen Itoobiya inay farogelin ku hayso arrimaha Soomaaliya, oo ay hub isugu dhiibayso, isla markaana meelaha ay farogelisay ay ka mid hihiin gobollada Gedo, Bay iyo Bakool, haatanna ay ku talo jirto in ciidamo 500-1000 u dhaxeeya ay dhigto dekedda Berbera iyo inta u dhaxeysa magaalada Jigjiga, si ay u ilaaliyaan gawaarida alaabta u wadda ee ka imaneysa dekedda Berbera.

Waxay ugu baaqeen dowladda Itoobiya inay faraha kala baxdo arrimaha Soomaaliya oo ay dhexdhexaad ka noqoto. Hashiis ay Gaareen Ururrada al-itixaad iyo SNF

Heshiis Dhexmaray SNF iyo Al-Itixaad
(SP) Ururrada SNF iyo Al-Itixaad ayaa bartamihii bishii June heshiis nabadeed qalinka ku duugay, ka dib markii uu maalmahan shir nabadeed uga socday tuulada Ceelcadde oo ka tirsan gobolka Gedo, heshiiskaas oo soo afmeeraya colaad sannado socotay oo u dhaxaysay labadaasi dhinac.

Kooxuhu waxay ku heshiiyeen in la iska iloobo wixii dhacay, si nabad ahna loo wada noolaado, iyo in muddo kadib laysku soo laabto si loo dhameystiro heshiiska iyo nabadeynta dhinacyada. Waxaa shirka heshiiska lagu gaaray goddoominayay Ugaas Cumar Ugaas Xirsi oo isagu dhexdhexaadinayey gulufka u dhexeeyey labada dhinac. Dhinaca Al-Itixaad waxaa heshiiska u saxiixay Sheekh Maxamuud Macallin Nuur, halka dhinaca SNF uu u saxiixay Dr. Cali Nuur oo labadooduba ku xigeenno ka kala ah ururradooda.

Maleeshiyooyinka kala taageerayay labada dhinac ayaa ka qeyb galay xafladdii Saxiixa heshiiska, waxayna isku qaabileen weji farxad leh, iyadoo madaxdii heshiiska saxiixday oo aan fooneeyaha kula xiriirnay waxay inoo sheegeen in wixii haatan ka dambeeya ay dhamaatay coladdii ka taagneyd gobolka oo halis gelisay nolosha dadka.

DAGAALLO KA DHACAY B/WEYNE
(SP) Dagaallo ayaa dabayaaqadii bishii Juun ku dhexmaray labo beelood magaalada Beledweyne, kuwaas oo ka tirasan beelaha dega dhinaca gelbeed ee wabiga mara magaaladaasi.
Weriyaha S.P oo khadka isgaarsiinta gudaha kula xiriiray qaar ka tirsan dadka deegaanka ayaa soo sheegaya in tirada ku dhimatay dagaalladani ay gaareyso 25 qof, halka dhaawacana uu intaasi ka badan yahay.

Dagaalladan oo ka bilowday is ugaarsi iyo xoolo la kala dhacay, muddana ka socday meelo ka baxsan magaalada ayaa waxyeelladiisa ugu badan ay ka dhacday gudaha magaalada, iyadoo ay jireen kuwo kale oo ka dhacay meelo ka baxsan magaalada.
Haatan waxaa socda dadaal nabad looga aslaaxinayo beelihii diriray, kaasoo ay wadaan beelaha kale ee deegaanka wax ka deggan.

WAAN WAAN U SOCOTA KOOXAHA ISAGA SOO HORJEEDA BAAY & BAKOOL
(SP) Dabayaaqadii bishii Juun waxaa magaalada Muqdisho ka socday dadaal lagu nabadeynayay dhinacyada Digil iyo Mirifle iyo kooxda Xuseen Ceydiid oo sanooyinkanba isaga soo horjeeday gobollada Bay iyo Bakool oo ay Digil iyo Mirifle degaan u ah.
Ergeda ku jirta wada xaajoodka oo labada dhinac kala matalaya, Cabdulqaadir Maxamed Aadan (Zoppe) iyo Maxamed Faarax Jumcaale, ayaa waxay isla garteen inay war saxaafadeed soo saaraan ka hor intaanay u ambabixin gobolladaasi guddi isku dhaf ah oo ka kooban 12 qofood , kana socda labada dhinac.

Dhinaca kale bishii aan soo dhaafanay waxaa jiray iska horimaadyo u dhaxeeyay maleeshiyooyinka Xuseen Caydiid iyo kuwa R.R.A(Reeweyn Risitant Armay) , iyadoo Xuseen Caydiidna haatan uu ku sugan yahay deegaankaas.

SHIRKA GAROOWE OO MUDDADIISII DHAAFAY
(SP) shirkii ka socday xarunta gobolka Nugaal ee Garoowe ee lagu soo dhisayay maamulka gobolladaasi oo loogu magacdaray Puntland ayaa dhaafay muddadii loogu tala galay , iyadoo aan si weyn loo guda gelin ajandayaashii shirkaas loogu talo galay in lagu faaqido.
Qaar ka tirsan guddiga qabanqaabada oo u warramay saxaafadda ayaa sheegay in sobabaha ilaa iyo haatan uu la jiitamayo shirka inay tahay khilaaf dhinaca ergooyinka ah oo muddaba soo jiray iyadoo taasi darteed ay shirka kaga baxeen ergadii ka socotay gobolka Sanaag.

Dad ku dhowdhow shirka oo u warramay Somali Press ayaa sheegay in waxyaabaha lagu jeexjeexayo shirka ay ka mid yihiin cidda qabaneysa hoggaanka sare ee Maamulka la dhisayo, meesha noqonaysa caasimadda dowlad-goboleedka, sida loo qeybsanayo awoodda dowladda iyo qodobo kale oo aan la daah furin.

LABO NIN OO FARANSIIS AH OO LAGU AFDUUBTAY XEEBTA CALUULA
(SP) Labo nin oo dhalashadoodu tahay Faransiis ayaa 2-dii bishii Juun lagu afduubay xeebta Caluula, iyagoo sida lasoo weriyay watay doon ay halkaasi dalxiis ahaan ugu marayeen, waxaana soo afduubtay koox dabley ah oo watay mid ka mid ah doomaha dheereeya.
Maalmo kadib ayaa dableydii wax afduubatay ay la aadeen dadkii ay haysteen dhinaca deegaanka Qandala oo iyaduna ka tirsan Gobolka Waqooyi-bari.
Xiriiriyaha howlaha samafalka Qaramada Midoobay ee Soomaaliya, Mr. Dominik Langerbacher, ayaa qoraal fakis ah oo uu u diray guddoomiyaha ururka SSDF, Jen. Maxamed Abshir, kaga codsaday in la sii daayo la haystayaashaas faransiiska ah, isagoo sheegay in taasi sumcad-xumo u tahay maamulka Puntland ee lagu wado in gobolladaasi laga dhiso.

Jen. Maxamed Abshir oo ka hadlayay arrinta la haystayaashaas ayaa sheegay in nimanka wax afduubay ay weydiisteen in marka hore ay keenaan labada nin, taasoo uu sheegay haddii aanay sidaa yeelin inaan la bixin doonin shilin qura oo baad ah.Waxaad mooddaa in ragga wax afduubay ay codsadeen in lagac baad ah la siiyo.

MAXAA KA NOOL SODERE & SALBALLAAR
(SP) Waxaan jira warar muddooyinkan danbe laysla dhexmarayay Soomaaliya oo sheegayay in kooxihii ka kala tirsanaan jiray golaha NSC iyo dowladdii Xussen Ceydiid ay wadaan kulanno ay ku doonayaan inay dib ugu soo nooleeyaan isbahaysiyadoodii.
Qaar ka tirsan guddiga sare ee NSC ayaa bishi June kulano ku yeeshay magaalada Nairobi, iyagoo sida la sheegay ka wada hadlay sidii ay boorka isaga jafi lahaayeen.

Dhinaca kale, Xuseen Caydiid ayaa 15-kii June ka jeediyay idaacadda taageerta khudbad ku aadaneyd sannadguuradii seddexaad ee dowladii uu Ceydiid dhisay, taasoo Xuseen Ceydiid uu kaga warramay inay wax weyn soo qabteen muddadii ay dowladdiisu dhisneyd, wuxuuna sheegay in dowladdoodu sii jiri doonto. Sidoo kale waxaa jiray xilal wasiirnimo oo laga baahiyay isla idaacaddan, taasoo la joojiyay markii Xussen Ceydiid uu ka tanaasulay sheegashadii dowladnimo bartamihii bishii Maarso ee sanadkan.
Waxaa jirtay in qaar ka tirsan kooxahaas ay si hoose xiriirkoodii u dhisan yahay, hase yeeshee waxaa laga cabsi qabaa inay soo celiyaan magacyadii loogu yeeri jiray, taasoo qeyb ka aheyd hashiiskii Qaahira in laga tago magacyadaa.

KHILAAFKA URURKA USC/SSA: MID LA SOO AFMEERAY MISE…?
(SP) Imaam Maxamuud Imaam Cumar, imaamka beelaha Hiraab, ayaa 19kii bishii hore si rasmi ah uga soo saaray go'aanno lagu soo afjarayo khilaafkii u dhaxeeyay guddoomiyaha Ururka USC/SSA, Cali Mahdi Maxamed iyo qaar ka tirsan ku xigeenadiisa. Kulan weyn oo lagu qabtay Hotel Kaah oo ay ka qeybgaleen culumaa'uddiin, odayaal dhaqameed, aqoonyahanno iyo haween ayaa waxaa khudbad ka jeediyay Imaam Maxamuud oo ka hadlay howlihii dib u heshiisiinta ee ay wadeen, isagoo sheegay inay qaadatay muddo 40 maalmood ah gaarista qodobbada heshiiska. Go'aannada heshiiskaasi oo halkaasi laga akhriyay ayaa waxay kala ahaayeen sidan:
1. In muddaba xilka golaha dhexe ee ururku USC/SSA lagu kordhiyay muddo hal sano ah oo ka bilaabanaysa 19/6/98.
2. In guddoomiyaha ururka iyo ku xigeennadiisa ay wadajir u go'aamiyaan arrimaha ururka, iyo in la howl geliyo dhammaan xubnaha ururka.
3. In si degdeg ah loo howlgeliyo maxkamadihii Islaamiga ahaa si loo sugo ammaanka iyo xasiloonida.
Dhinaca kale Muuse Suudi Yalaxow oo 23-kii June war saxaafadeed soo saaray ayaa ku gacan seyray go'aannaddii Imaamka, isagoo sheegay inaan waxba lagala tashan kordhinta muddada ururka oo uu sheegay inay khilaafsan tahay dastuurka ururka.
Sidoo kale, Dr. Xuseen Xaaji Bood ayaa warqad ashtaka ah u gudbiyay wafdigii talyaaniga ee Muqdisho booqanayay isagoo uga digay inay Cali Mahdi u aqoonsadaan hogaamiye la xaajoon kara, taasina waxay muujineysaa inuusan weli khilaafkii dhamaanin.

ROOBAB KHASAARE KA GEYSTAY SOOMALIYA
(SP) Roobab bartamihii Juun ka da'ay meelo ka tirsan Soomaliya ayaa geystay khasaare mood iyo moolba leh. Magaalada Muqdisho oo ah meesha ugu ba'an waxaa ku geeriyooday dad kor u dhaafay 25 qof oo isugu jira kuwa ay ku soo dumeen dhismayaashii ay ku jireen, qaar ay harqiyeen xowliga biyaha iyo kuwo u adkeysan waayay roobabkaas oo si xiriir ah u da'aayay 13 saacadood.

Roobabkaan waxay kaloo Muqdisho u geysteen khasaarooyin kale sida iyagoo bannaanka u soo saaray qaar ka tirsan xabaalaha Muqdisho, iyagoo maalintaasi gebi ahaanba gooyay adeegyadii ganacsi iyo kuwii gaadiid ee gudaha Muqdisho iyo weliba meel laha ku dhow dhow.

Sidoo kale roobabkan waxay waxyeello ka gaysteen magaalooyinka Marka iyo Kismaayo, iyogoo baabi'iyay guryo badan oo ku yiilay magaalada Marka halka ay wax uga geysteen qaar ka tirsan xeryaha qoxootiga Kismaayo.

MARKABKII DALKA TAIWAAN OO LA SII DAAYAY
(SP) Markabkii laga lahaa dalka Taiwan ee 11kii Janaayo ee sanadkan lagu qabtay isagoo ka kalluumaysanayo xeebta Garacad ee gobolka Mudug ayaa dhamaadkii Juun la sii daayay ka dib markii shirkadii lahayd ay bixisay lacag dhan $ 320,000 (seddex boqol & labaatan kun oo Doolar)

Markabkan oo ay saarnaayeen 28 shaqaale ah 22 oo u dhashay Shiinaha iyo 6 reer Taiwan ah ayaa laga cafiyay lacagtii kale ee lagu ganaaxay bishii February ee tagtay. Tillaabadan oo loo arko inay yareyn karto maraakiibta sharcidarrada uga kalluumeysta xeebaha Soomaaliya.

WAFDI TALYAANI AH OO BOOQDAY MUQDISHO
(SP) Fawdi ka socday dalka Talyaaniga oo ka koobnaa 3 xubnood ayaa dabayaaqadii June booqday magaalada muqdisho, iyagoo intii ay joogeen ula kulmay si kala gooni ah kooxaha Muqdisho.
Waftigan oo uu hoggaaminayay jenaraal lagu magacaabo Jen. Luke ayaa la sheegay in ujeeddada socdaalkoodu ay aheyd sidii ay ugu kuurgali lahaayeen howlaha maalul u sameynta gobolka Banaadir iyo heshiiskii Qaahira , si ay warbixin ugu gudbiyaan dowladdooda.

HAWEENEY SOOMAALIYEED OO DAB QABADSIISAY CANUG 8 BILOOD JIRA OO AY DHASHAY
(SP) Haweeney magaceeda lagu sheegay Layla ayaa 18-kii bishii Juun dab qabadsiisay guri ay daganeyd oo ku yiillay xaaffada Howlwadaag ee Muqdisho, iyadoo halkaasi ay ku jirtay gabar yar oo ay dhashay oo seddeed bilood jir aheyd.
Dadka deegaanka ayaa sheegaya in falkaas uu ka dashay ka dib markii ay dagaallameen haweeneyda iyo mid kale oo lala qabay arrimo maseyr aawadood , ka dibna ninkii uu iyada cannaantay . Guriga oo ka koobnaa 6 qol ayaa dhammaantiiba wada gubtay , iyadoo haweeneydii lala qabay oo guriga dhinac ka daganeyd iyo carruurteediiba ay ka badbaadeen dabkaas, hase yeeshee waxaa halkaasi ku bas beelay gabadhii yareyd iyo dhammaan alaabtii guriga ku jirtay , iyadoo deriskuna oo soo gurmaday ay hakiyeen mashaqadii oo dabkii ay damiyeen.

BOGGA 3AAD:

BOGGA QUBANAHA

Yahuuddaa oo hubaysay Itobiya, si ay uga caawiso dagaalka ay kula jirto Eritereya
Wakaladda wararka ee loo yaqaan Qudus press, ayaa waxay shaaca ka qaadday in ay dowlladda yahuuddu, dadaal xoog leh ugu jirto, sidii ay hub uga gedi lahayd dowllada Itobiya ee dagaalka ba'an kula jirta dalkaasi Eritereya.
Waxaa kale ee warku sheegay, in sharikad la yiraahdo "Al-Bait" oo ka mid ah sharikadaha sameeya diyaaradaha ee shuraakadeeda inta badan leedahay dowladda Israa'iil, ay heshiis sir ah la yeelatay dowladda Itobiya, heshiiskaas waxaa qiimihiisu gaarayaa 30 malyuun oo doollaar, oo ay sharikaddaasi ugu cusboonaysiin doonto toban diyaaradood oo ka mid ah diyaaradaha dagaalka ee loo yaqaan Mig 21, ee ay leedahay dowladda itobiya.

Waxaa kale oo heshiiskaasi dhigayaa in ay sharikaddaasi soo rarto toban diyaaradood oo Mig 21 ah oo hadda lagu dayactirayo dalka Romaniya, oo ay gayso Itobiya iyo cusboonaysiinta tobanka kale ee la soo sheegay.
Waxaa kale ee wararku intaa ku dareen, in wasaaradda difaaca ee dalkaasi Israa'iil ogolaatay heshiiskaas, codsiguna markiisii hore ka yimid xagga dowladda itobiya, waxaana la leeyahay, Israa'iil waxay doonaysaa in ay Itoobiya ahaato dowlad xoog leh oo afrikaan ah, oo hor istaagta dalkaasi suudaan oo waqtiga la joogo ka talshaan wadaaddo asalraac ah.

Eritereya oo xaraashtay xoolihii Itoobiya u yiil dekedda Casab
Jabuuti, waxaa wakaaladda AFP sheegtay, in uu yiri Safiirka Itobiya u jooga jabuuti in Eritereya ay xaraashtay oo la wereegtay dhammaan wixii hanti dowladda Itoobiya u yiil dekedda Casab.
Wuxuu safiirku intaa ku deray in Eritereya la wereegtay in gaaraysa 80 tan oo ahayd cunto kaalmo ahayd oo Itoobiya lahayd oo ahayd qamadi iyo 25 tan oo ahayd badeeco kala duwan iyo afar kun oo baabuur, sidoo kale waxay Eritereya soo cayrisay dadkii reer Itoobiya ee deganaa dhulkooda iyo kuwii ka shaqaynayay. Wuxuu na safiirku dadkaas ku tilmaamay in ay xaaladdoodu ba'an tahay.

Muslimiinta joogta dalkaasi Jarmalka oo eedeeyay go'aan dowladdaas ka soo baxay oo ku saabsanaa, gabar macalimad ah oo shaqo loo diiday.
Golaha muslimiinta ku nool dalkaasi jarmalka ayaa waxay eedeeyeen go'aan dhawaan ka soo baxay maamulka gobal ka badan ee ka tirsan dalkaasi jarmalka, ee ku lug lahaa shaqaalaynta gabar macalimad ahayd oo muslim ahayd, oo loo diiday shaqadii.
Waxaa Ururkaasi muslimiintu leeyihiin ku eedeeyay go'aankaas dowladdu gaartay ee shaqada looggu diiday gabadhaas muslimadda ah, in uu yahay diin takoor dadka lagu kala soocayo.

Dowladda jarmalkuna waxay ku andacootay, in gabadhaas oo asalkeedu ahaa muslimiintii ka soo haajirtay afqanistan, oo laba sano wax ka baratay machad macalimiinta lagu tababaro, loogu diiday shaqada, xijaabka ay huwantahay awgiis, maxaa wacay, xijaabku waa dhar diimeed, macallinkuna waa astaan ardaydu ku dayanayso, waxaana loo baahan yahay in uu metelo dowladda iyo siyaasaddeeda iyo fikirkeeda, sidaa darteed, sida wasiirka waxbarashada ee Jarmalku sheegay, xijaabku waa dhar diimeed, lamana socon karyo, madhabta wadanoolaanshaha ee jarmalku aaminsanyahay.

Suudaan oo si rasmi ah Masar uga codsatay in loo soo celsho laba nin oo ku eedaysan qaraxyadii ka dhacay khartuum
Dowladda dalkaasi Suudaan ayaa si rasmi ah uga dalbatay dalka masar in loo soo celsho laba nin oo ku eedaysan qaraxyadii ka dhacay Kharduum bishii la soo dhaafay, sidaa waxaa sheegay wargayska al-jumhuuriya ee dowladdu leedahay.
Waxaa wargaysku intaa ku deray in Muctasim cabdi raxiim oo ah agaasimaha guud ee xisbiga al-mu'tamar al-watani ee ah xisbiga siyaasiga ah ee kaliya ee ka jira dalkaasi suudaan, uu caddeeyay talaadadii la soo dhaafay, in dowladdu si rasmi ah uga codsatay dalkaasi masar nimankii ka dambeeyay qaraxyadii ka dhacay magaalada Khartuum bishii la soo dhaafay, intii lagu jiray fantasyihii iyo dabbaaldeggii xisbiga dalka xakuma, nimankaas oo uu ka mid yahay Faaruuq Abu Ciisaa, oo ah guddoomiyihii hore ee ururka dadwayne u doodayaasha.

Waxaa kale ee agaasimuhu ku eedeeyay Jabhadda ka soo horjeedda taliska dalkaas Suudaan ee xarumaha ku leh dalkaasi masar, in ay ka dambayso qalalaasahaas.
Waxaa kale ee agaasimuhu sheegay in ay mudaharaadyo ka socdaan safaaradda masar ee ku taalla magaalada khartuum horteeda, oo aanay dadkaa mudaharaadayaahi ka tegi doonin safaaradda horteeda inta Masar ka soo dhiibayso nimankaa la doonayo.

Madaxwayne Cali Cabdalle Saalex oo ku eedeeyay Sacuudiga in ay dhul Yaman leedahay qabsadeen
Madaxwaynaha dalakaasi yaman Cali cabdalle saalex ayaa wuxuu sheegay in ciidamada badda ee dalkaasi Sacuudiga carabtu qabsadeen jasiirad ay leedahay Yaman, ka dib markii ay dileen saddex qof sagaal kalena dhaawaceen.
Sagaal kooxood oo ka mid ah ciidamada badda ee sacuudiga carabta ayaa waxay weerar ku soo qaadeen jasiiradda Duwayma ee ay leedahay dowaladdaasi Yaman, sida ay sheegtay wakaaladda wararka ee AFP, jasiiraddaas oo ku taalla xeebta badda cas ee kana tirsan dhulka yaman, sidaa waxaa shir jaraaid ka sheegay, madaxwaynaha dalkaasi yaman.
Masuul aan magaciisa la xusin oo jooga dalkaasi sacuudiga carabta ayaa asiguna caddeeyay in ciidamada sacuudigu qabtsadeen jasiiraddaas, iminkana gacanta ku hayaan.
Sidoo kale, waxaa wasiirka arrimaha gudaha ee dalkaasi sacuudiga Amiir Nayif sheegay in ay ciidamada dalkiisa iyo kuwa yaman xabbad is dhaafsadeen ka dib markii ay ciidamada Yaman billaabeen xabbadda.

 

BOGGA 4AAD:
BOGGA DOODDA IYO CILMI BAARISTA

Fowzi Herzi (viaconi)
Accugraph Corp
Toronto-Ont
CANADA

Political and Social-Economic Development
in Post Colonial Somalia

Modern Somalia: Political and Social Aspect
Politics: Military Rule and Revolution
The original impetus for the coup came from a group of young army officers impatient with the corruption, nepotism and inefficiency of Egal's government.
But it soon became clear that the new head of state and president of the Supreme Revolutionary Council (SRC), General Mohamed Siyad Barre, commander of the army, held the reins of power firmly in his hands.
General Siyad, who, liked his personal rival, the former police commander, General Mohamed Abshir (now placed in detention) had been a police inspector during the British Military Administration, and had also, trained in Italy where he had privately studied politics.
Assisted by a council of largely civilian, technocrat-style secretaries of state, the SRC, with its 25 members drawn from the army and police ranks embarked on an energetic policy of internal administrative reform. The aim, which was popular initially, was to clean out the Augean stables, and restore Somali with a concerted onslaught, under energetic leadership, on the real enemies of progress poverty, disease and ignorance.

A battery of new measures pursued reform and galvanized the nation's energies. Military personnel, who were installed as chairmen of local revolutionary councils modeled on that in Mofadishu, replaced civilian district and provincial governors.
Unemployed unban tribal dropouts were recruited for a whole series of public work projects. The death sentence was reintroduced, to replace blood compensation (diya) paid traditionally in inter-clan feuds. This was part of a wider strategy aimed at abolishing traditional clan divisions.

Somalia: Social Aspects
The most pervasive organizational principle of traditional Somali social organization is kinship , traced patrilineally in the male line. Genealogies tracing desent (tol) from common ancestors are the bases for the division of the population into clans and sub-clans. Despite the effect in the last few decades of the increasing monetarisation of the traditional economy, and official measures designed to eradicate clan loyalties, as well as other forces for change, these ties continue to provide the individuals primary identity within the Somali nation.
The kinship unit, with which individual's identify themselves, is always relative, and varies according to the situation in which allegiance is evoked. For example, the people of Darod descent so identify themselves in opposition to Isaq, Hawiye, Dir, Didil and Rahanweyn. Within Darod, the futher divisions of Ogaden, Mijerteyn, Marrehan, Dulbahante and other clans became relevant.
Each of these clans comprise hundreds of sub-divisions which, in turn, act on occasion as separate and opposed groups. These kinships ties are, in fact, traced backwards through the individual's father, his father's, the latter's father and so on until the founding ancestors, Darod, Isaq, ect are reached.

The members of generations counted apart, as Somalis put it, provide a ready of closeness or remoteness in people's relations with each other. The term "cousins" (or a younger man addressing an older man, "uncle") is applied to all those, other than brothers, who share recognized common desert. The words "cousin" or "uncle" are also applied as a polite term of address, when speaking to an unrelated stranger. The term "jaalle","friend" , or "comrade", introduced by the Siyad regime, sought to replace this traditional usage and its associated and potentially divisive kinship connotations.

Ties with the mother's brother's clan (e.g. those between President Siyad's Marrehan and the Ogaden) are also extremely important. They have a warm, friendly character, and may be used to supplement the axiomatic solidarity based on matrilineal kinship (tol). The mother's brother's group is known as "reer Abti" being the most general term for "groups" or "people".

The Somali are traditionally polygamous, with the men marrying, according to the Islam code, a maximum of four wives at any one time. The number of wives that a man has varies generally with age: seniority is associated with more wives. The actual incidence of polygyny varies widely: both among the pastoral nomads and the southern Digil and Rahanweyn, the majority of men will probably have had at least two wives at some point in their lives.
The rich and successful man will usually have four wives. As marriage is extremely unstable, with a high frequency of divorce, the number of marriages contracted in the course of the average man's life is actually often higher than these statements would indicate.

Traditionally, medical practice also included smallpox vaccination and the isolation of the patients with disease, which were known to be infectious.
In setting this somewhat patchy indigenous heritage in perspective, it should also be remembered, as the explorer Richard Burton recorded in 1885, hat Somalis know that mosquitoes carried malaria before this was discovered by Western science.
The success of more recent mass vaccination and inoculation schemes are, however, examples of an application of modern primary health care methodologies. Which add usefulness of traditional knowledge.

Another important aspect of tradition is that Somalis attach great importance to oratory and poetry. It is in these fields, rather in the plastic arts, which are little developed, that Somali culture's most impressive achievements are to be found.
This corresponds to the nomadic aspects of the culture of a people used to travelling light, with few materials encumbrances but a richly compensating gift of language. Somalis are born talkers.
Every elder is expected to be able to hold an audience for hours on end, with a speech richly laced by judicious proverbs and quotations from famous poems and sayings. Similarly, if he is to command respect, he should also be capable, not only of composing striking impromptu verse in the various traditional styles, but also of reciting the classic works of famous authors.
As, until the mass literacy campaigns of 1972 and 1974, this oral heritage was not preserved in writing, it implied prodigious powers of memory.

These skills indeed, among the most striking characteristics of the Somali nomad, whose formidable stores of knowledge makes some elders seem like walking encyclopaedias.
Although knowledge is primarily local, Somalis are also keenly interested in the world news, although they often and interpret it somewhat ethnocentrically .They are true radio enthusiasts, with an apparently insatiable appetite for broadcasts.

Somalis are appreciative of the efforts of foreigners to master their language, but their pleasure is tinged with deeply ingrained suspicions. Despite their strong sentiments of national self-esteem, they wish to guard the secrets of their culture, and only to share them on their own terms, as they choose.
As generosity, especially in receiving guests, is also highly valued and a source of pride, the stranger often encounters conflicting attitudes in his hosts. This guarded approach to the outside world, coupled with a politician's gift for seizing the advantage, makes the Somalis formidable adversaries.
These qualities among the nomads are combined with an aggressive self-confidence and, traditionally, open contempt for other people. This is closely bound up with the nomad's sense of independence and defiant scorn for those who seek to impose their dominion upon him. Displays of superior force earn only temporary resect as these most ungovernable bide their time. The reputation of each man being own sultan suggests that would be a leader may argue with them or cajole, but cannot securely command. Connecting with this is a certain lack of predictability in routine situations.

(To be continue next week.)

 

 

Qasim Xirsi Faarax
M.A. Qaanuunka iyo Shareecada
International Islamic University (Malaysia)

MAXAA NALOO CADAABAYAA?
Waxaan hadal iyo qoraal toona ku soo koobi karno maahan inta aan dambi galnay, inta aan danbiyo gacanteenna ku kasabanay, waxaan galabsanay waxaan la arag oo la maqal, dhabtii way ku yartahay soo maritaanka taariikhda Aadanaha mid lagu matali karo middii nagu dhacday iyo middii aan kasbanay labaduba.

Si kastaba ha ahaadeene akhristow taas Allaha na illowsiiyo ee aan ka aamusno waayo waa wax ku wada culus sheegga qaarkood waa waxaan lagu laaban karin, qaarkood aan la ogeyn ama la hubin karin, qaarkood la aqbali karin, qaarkood la raad raaci karin, qaarkood la fahmi karin, qaarkood lagu dhiirran karin sheeggooda.

Akhristow waxaan caadaysanay; been, xan, xaqdi, xaasidnimo, xin, ballan darro, iimaan darro, sed buursi, isku dul noolaansho, is addoonsiga, is yaska, isla saraynta, cibaado Eebe cid kale u weecinta, cibaado la'ida ama cibaado yarida, dhuuniraacnimada, dhillaysiga, dilka, dhaca, boobka, bililiqada, miisaan khafiifinta, caddaalad darrada, ceeb raadiska, iyo qurunka qabyaaladda.

Intii ay doonaanba ha la ekaadeene akhristow sow ma habboona in aan wax yar oo tusaale ah ka caddayno caadooyinkeennii fal-fal xumada ahaa? si aan dhab ugu caddayno waxa jiray, waaba intaas oo aan ka soo noqonnaaye ka dib markaan aqoonsanno waxay samo iyo xumo leeyihiin ficilladeenu.

CIBAADO QALLOOCINTA.
Inkastoo dadkeenu yahay dad aan marnaba ogolayn in xuntooda la sheego, oo loo maleeyo in ay aaminsan yihiin inay iyagu yihiin Shariifyo aynan marnaba xumaani ka dhici karin, sidaa darteed ay ceeb culus u arkaan in lagu sheego xumaanihii horay u dhacay oo ay ka dhigayaan marka xumahoodu caddaado in aysan iyagu wax lug ahba ku lahayn.

Waxaad arkaysaa in qofkeen marka uu akhrinayo ama ku tadaburayo oo uu dhab ahaan ugu fiirsanayo qaar ka mid ah Aayadaha cibra qaadashada ee Qur'aaniga ah uu ku salaynayo fikirkiisa iyo fiiradiisaba dadyowgii hore iyo kuwa ay Aayaddu markaas xusayso magacooda, isaga oo aan marnaba meesha soo dhiganayn naftiisa iyo cimilada uu ku nool yahay waqtigaas la joogo.

Taasina ay markaa gaarsiiso in uu isu arko mid isagu ka weyn kana dahiran xumaanahaas la sheegayo, haddana ogeysiis ahaan loogu soo gudbinayo isaga wixii dhacay.
Hadana saas oo ay tahay bal aan ku sheegno walxaha qaarkood kuwooda ugu caansan oo waxaaba ka mid ah; qodobka aan cinwaansanay ee ah in cibaadada Eebbe cid kale loo wareejiyo ama lala wadaajiyo si kas ah iyo si kama' ah intaba, isla goortaasna lagu doodo mu'minimo iyo mukhlisnimo.

Dhab ahaantii Soomaaliya weligeedba waxay ahayd xarunta shirkiga iyo Ilaahyada been abuurka ah, sida ay duniduba u badan tahay ilaa laga gaaray xad lagu faaniyo Dhulkii Ilaahyada, Dhulkii udugga ama bukhuurka iyo kuwa la mid ah oo loogu baxshay ku caan bixidda Sanamya yarowyada iyo waxyaalo ka mid ah qalabka loo adeegsado ku cibaadaysigooda, sida; Fooxa, Bukhuurka, iyo khilaawaynta.

Inkastoose ay taasi gaban gabo gashay oo ay Diinta Islaamku caad saartay, hadana weli waxaa caado ahayd in la isku qadariyo oo lagu tartamo sida loogu kala horeeyo leexinta cibaadada Eebbe loo leexinayo xag; qabuuro, awliyo beenaad, dad saalixiin ahaa, iyo qabiil hebel. si kastaba taasi ha ku timaaddee waxay ka dhacaysay waayadii dambe dadkeenna intiisa badan.

Si aan u sii faah-faahinno waxaa ila quman in aan tusaale u soo qabsado wixii ka jiray goobtaan ka war hayo ee aan ku soo koray Muqdisho ee cibaado marin habaabin ahaa; siiba keliya xeebta gaaban ee ku dhirirsan Degmada Marka ilaa Degmada Kaaraan.

(Waa Socotaa...)

F.G:

Waxaan ugu bishaaraynaynaa Aqristayaasha bogga doodda, in aan billaabi doonno fidinta daraaso cusub, kolka midda hadda socota dhamaato, daraasadaas oo cinwaankeedu yahay (MADAXWAYNE HA LAYGA DHIGO) Waxaa qoray Qaasim xersi Faarax, waa isla qoraagii aad hore u aqrisateen daraasadiisa hadda socota. Wuxuu qoraagu daraasadan mar labaad isku deyayaa in uu si qayaxan u soo ban dhigo waxyaabaha ka guuxaya maskaxda soomaalida iyo figradda ay ka haysato madaxwaynanimada.. Aqristayaasha boggan waxaan ka codsanaynaa in ay ina soo siiyaan wixii talo ah, inta aan daraasada cusubi billaaban. Wixii munaaqasho ah ama sixid ah albaabbadu waa u furanyihiin. Labagarre.

 

BOGGA 5AAD

DIINTA ISLAAMKA

SHIRKIGU WAA MAXAY?

Waxaa Qoray: Sheekh Maxamad bin Cabdil Wahhaab
Waxaa soomaaliyeeyay: Hersi M. Labagarre.

CASHARKA 9AAD

QOFKII GEED IYO DHAGAX IWM BARAKO KA DOONA

Eebbe kor ahaayee wuxuu yiri:
[Ka warrama (sanamyada) Laata iyo Cusa. Iyo Manaatadii saddexaad ee kale]An-Najam 19-20.

Waxaana Abii Waaqid Al-Layti laga soo weriyay in uu yiri:"Waxaan Xunayn ula duulnay Nabigii Ilaahay naxariisi korkiisa ha ahaatee, annaga oo mar aan sidaa u fogayn soo islaamnay, gaaladuna waxay lahaayeen geed ay agtiisa fariistaan oo ay seefahooda surtaan (ayaga oo ku barakaysanaya si ay dagaalka ugu guulaystaan) geedkaas oo loo yiqiin "Geedkii la megengeli jiray", kol-kaas baan sii marnay geedkii, markaas baan waxaan dhahnay: Nabigii Eebbow, geedkaas oo kale ah oo lagu barakaysto maad inoo yeeshid, gaaladuba geed bay leeyihiine?!.

Kolkaas baa nabigii Eebbe Naxariisi korkiisa ha ahaatee, yiri: Eebbow adaa wayn, tanoo kale hore bay u dhacday, Ilaahii Naftayda hayay baan ku dhaartaye, waxaad dhahdeen sidii Yahuuddu Nabi Muuse ku tiri:

[Nooyeel Ilaah siday iyaba ilaahyo u yeesheen wuxuuna ku yiri idinku waxaad tihiin qoon jaahiliina] Al-Acraaf 138. Waxaadna raaci doontaan raadkii umadihii idinka horreeyay"{Tarmadi}.

MAS'ALOOYINKA CASHARKA
Tan 1aad: Waa tafsiirka aayadda ku jirta Suuradda An-Najm.
Tan 2aad: In laga baranayo ujeeddada arrinta asaxaabta Nabiga la duushay ay Nabiga ka dalbeen.

Tan 3aad: Waxaa kale oo xaddiiska laga ogaanayaa in asaxaabtu aysan geed ay ku barakaystaan samaysan.
Tan 4aad: Waa in asaxaabtu dooneen in ay Ilaahay geedkaa barakadiisa ugu dhawaadaan, ayaga oo u malaynaya in Ilaah geedkaa jecelyahay.
Tan 5aad: In haddiiba ay arrintaasi asaxaabtii ka qarsoontay ay aad u dhici karto in ay dadka kalena ka qarsoonto.
Tan 6aad: In asaxaabta Nabigu ay dadka kale ka ajir iyo dambidhaaf badanyihiin.
Tan 7aad: Waa in Nabigu, asaxaabtu hafyadaas ay ku dhaceen uusan ugu cudurdaarin ee uu si adag ugu jawaabay asiga oo dhahay "Eebbow adiga ayaa wayn, umadihii hore ayaad raad raaci doontaan".

Tan 8aad: Waa arrinta wayn ee ujeeddada casharku ku socoto, taas oo ah, arrinta ay Nabiga ka codsadeen (ee ahayd in geed ay ku saacsadaan loo yeelo) ay la mid tahay, codsigii Yahuuddu ka codsadeen Nabi Muuse ee ahaa in Ilaah loo yeelo.

Tan 9aad: Waa in arrimaha jaadkaas ah (ee la soo sheegay) oo laga fogaadaahi ay dhammaystir u tahay ujeedda-da ashahaatinka, inkasta oo arrintaasi qotodheerideeda awgeed ay rag asaxaabta ka mid ah ka qarsoontay.
Tan 10aad: Waa in Nabigu kolkii uu asaxaabta arrinta geedka u faahfaahinayay uu dhaartay, maslaxo ku jirta awgeed buuna dhaarta u maray.

Tan 11aad: Waa in shirkigu, mid yar iyo mid wayn leeyahay.
Tan 12aad: In asaxaabta qaarkii dhawaan soo islaamay oo kali ah ay arrinta (geedku) ka qarsoontay, hadalkana waxaa laga garanayaa in aan qaarkii mar hore soo islaa-may aysan Nabiga dhihin geed inoo yeel, maxaa wacay, waxay ogaayeen in aanay taasi bannaanayn.

Tan 13aad: In ay bannaan tahay in la yiraahdo "Eebbow adigaa wayn" kolkii wax lala yaabo la arko.
Tan 14aad: Waa in ay habboontahay in laga hortago wixii xun ama xumaan keenaya inta ayasan dhicin.
Tan 15aad: Waa in aysan bannaanayn in umadihii hore ee gaalada ahaa lagu daydo oo raadkoodii la raaco.
Tan 16aad: Waa in Caro imaan karto marka qof wax la barayo ama wax loo sheegayo.

Tan 17aad: Waa in uu jiro xeer guud, kaas oo ah, in ummadihii hore lagu dayan doono oo raadkoodii la raaci doono.
Tan 18aad: Arrinta ku dayashada ummadihii hore, ee uu Nabigu sheegay in ummaddiisa qaar ka mid ah ay ummadi-hii hore raad raaci doonaan. Waxay ka mid tahay waxyaa-bihii Nabiga la tusay. Maxaa wacay arrintaasi sidii uu Nabigu u sheegay bay u dhacday.

Tan 19aad: Waa in waxyaabaha Ilaahay Yahuudda iyo Nasaarada quraankiisa uga sheegay ee xumaanta ah, ay habboontahay in aan ku waano qaadanno.

Tan 20aad: Waa in cibaadadu ku salaysantahay amar xag Eebbe ka yimid, kolka sidii Eebbe u faray baa loo gudanayaa ayada oo aan wax laga beddelin, sidaa darteed ayaa loogu deray waxyaabaha qofku marka uu dhinto qabriga lagu su'aalayo, oo ay ka mid yihiin, Ilaahiisa, Nabigiisa iyo Diintiisa.

Tan 21aad: Waa in dhaqanka kitaablaydu uu xunyahay sida dhaqanka gaalada.
Tan 22aad: Waa in qofkii mar dhaw soo islaamay ay dhici karto in wali dhaqankii gaalnimada waxyaabo ka haray ay laabtiisa ku jiraan.

(Waa Socotaa….)

F.G:

* Dhammaan aayadaha quraanka ah tarjamadooda afsoomaaliga ah waxaan ka soo qaadannay kitaabkii (Quraanka kariimka iyo tarjamada macnihiisa ee afka soomaaliga) ee uu qoray Maxamad maxamud cabdi, waxna kama aanan beddelin tarjamada meelo yaryar oo qaldan baan saxnay meelo uu wadaadku ka boodayna waan ku darnay.

** Haddii ay dhammaato tarjamada kitaabka Tawxiidka ee hadda socota, ee uu qoray Sh. Maxamad Bin Cabdil Wahhaab, oo ah shiikha Wahhaabiyada, Salafiyada iyo Itixaadka Iwm, waxaa ku xigi doona Tarjamadii Kitaabkii "Al-Ibanah Can Usuul Ad-Dayyaanah" ee uu qoray Sheekhii Ashcariyada. Sidaa darteed, dhammaan waxaan ka codsanaynaa aqristayaasha bogga Diinta Islaamka in ay ina soo siiyaan wixii talo iyo tusaale ah inta aanan buuggan hadda socda dhammaan.

BOGGA 6AAD:

BOGGA DEEGAANKA IYO KHAYRAADKA DABIICIGA AH

BY: Qasim Hersi Farah

CURRENT ENVIRONMENTAL DEGRADATION IN SOMALIA
WATER Drinking water comes mainly from natural lakes, streams, rivers and water falls. These are, however, mostly unhygienic. People and their cattle heads fetch from these water resources simultaneously. In fact, this community suffer from various environmental disastrous which are all harm and hazardous to human health. Both diffuse and domestic pollution of air, water and land devastated the territory. Degradation and depletion of all renewable and non-renewable natural resources such as rapid deforestation, soil erosion, fire and occupational hazards are the main sources of pollution therein.

Besides this, there is migration or repugnance refuge manner, that is moving from town to town, town to city, city town, and rural to rural without knowing precisely where are they going to and why to go. This ruthless movement and lack of settlement causes over population in some small areas, in some times, where they gather in every where that they hear there is possibility or better opportunity for life.

FOREST Forestry and vegetation in Somalia consists chiefly of coarse grass, and stunted thorn and acacia trees. Trees producing the aromatic resins frankincense and myrah are indigenous to the mountain slopes, as other kinds of timber are available mainly around the river areas. Every part of the land is famous of certain kinds of trees and grasses. For instance, in the south there are eucalyptus, euphoria, palm leaves, timber, and mahogany trees.

Severe deforestation was caused by illegal logging, mining, firewood, fire, and famine which affect unimaginably. Though most of these activities are done for life earning purpose - just to get daily bread, many runs under careless and negligence. Moreover, it may be destroyed for cruelty or playing. For life purpose, they use it for cooking, warming, housing, furniture, and many other purposes.
It is not surprising one not to find any instrument or tool for any use other than that made of wood. Selfish groups who hierarchically use the trees for profit making cut millions or, at least, thousands of trees of rainforest to export them to the Gulf regions particularly.

It is miscellaneous history to hear that in this century energy consumption of one country is entirely depend on woods. Almost 100% of Somalian energy used is firewood and charcoal not only for cooking merely, but for all life earnings and utilization. All biomes such as; palms, leaves, straw and dung are eagerly and greedily used in the country.
Notwithstanding, draughts and rain shortage, in some areas, where there is temporary security, or at least, are surrounded by tribal militiamen women and children spend over days and more time searching for charcoal. Donkeys, Camel males, and Carts are some times brought into help bringing the firewood.
As a result of this purpose and some other minor purposes strikes deforestation, climate change and human density. Only two decades ago, almost half of Somalian earth was covered by forest. However, today this forest is under threat by rapid deforestation caused by famine, war, illegal and ruthless logging and, agricultural practice which is st ill under the early stage of human lifestyle.

In many areas woodland cannot be degenerated due to the most of the biggest trees are already taken out that made the spread of tree cutting in the land scope a sign of the intensity of destruction. All in all, Somalian forest lays under inadvertent campaign of devastation. It is extremely used for cooking charcoal, firewood, local construction as sheltering and shrine, greediness export, and arming. Another repugnant and harsh problem that usually face the forest is to be burned by cruelty.

when tribal militiamen capture any area which is not belong to them they simply put a fire into the whole or least half of the area for some unnecessary purposes that based on enmity purposes like to avoid any possible hidden attack against themselves, to bogg-down the future economical life for the legal residents, to light in the dark times, to warm themselves, to shield themselves with it, to discover whatever inside the jungles and even just for playing and jokes.
Surprisingly, a Somali man hav e to hold a peace of stick or clap in his hand, in any circumstances. That is what they call "Bakorad or ul", and to prepare such kind of sticks they must cut many trees to select one.

BOGGA 7AAD:

BOGGA DHALLINYARADA

SHEEKADII KALIILA IYO DIMNA

Qaybtii: 8aad

Waxaa qoray: C/laahi ibn al-Muqafac
Waxaa soomaaliyeeyay: Hersi M. Labagarre

LIBAAXII IYO DIBIGII

Dimna: sida aad tiri dibigu xoog wuu leeyahay, hase ahaatee mudnaan buu ii qirsanyahay, aniguna waxaan awoodaa in aan legdo sidii bakaylihii libaaxii u legday.

Kaliila: oo taasi sidee bay u dhacday?.
Dimna: waaxaa la yiri libaax baa joogi jiray dhul biyo iyo caws badan leh, dhulkaasina dugaagga ku nool biyo iyo caws wuu ugu filnaa, hase ahaatee taasi waxba kuma tarin, maxaa yeelay libaax bay ka baqaayeen, markaas bay kulmeen, oo libaaxii u yimaadeen kuna yiraahdeen adigu midkeen waxaad haleelaysaa dhib iyo daal ka dib, waxaanna kuu garanay talo adigana dheefi kuugu jirto annagana dhibaato la'aani noogu jirto, haddii aad na nabadgeliso oo aadan na cabsiin maalin waliba neef baan kuusoo diraynaa goorta qadadaada, libaaxii taas wuu ogolaaday sidaa ayuuna dugaggii kula heshiiyay, ayaguna kuma ballan furin.

Kolkaas baa qoryootankii bakayle ku dhacay oo libaax buu qada u noqday, markaas buu dugaaggii ku yiri: haddii aad igu raacdaan wax aan wax idinka dhibayn, waxaan isku deyayaa in aan libaaxa idinka nasiyo.

Dugaaggii baa yiri oo waa maxay waxa aad noo xil saarayso?.
Bakaylihii: waxaad faraysaan midka libaaxa iigaynaya in uu iisu go intii aan xoogoo ka daahayo, markaas bay yiraahdeen taas waa nnu ku yeelnay, kolkaas baa bakayle baxay asiga oo lug jiidaya, intii goortii libaaxu qadayjiray laga dhaafay, kolkaas bay aalyar ugu tagtay kaligeed asiga oo gaajooday oo carooday, markaas buu xaggeeda usoo dhaqaaqay, oo ku yiri xaggee baad ka timid?.

Bakayle: adeeggii dugaaggu adiga kuu soo diray baan ahaay, bakayle ayaanna kuu siday, kolkaas baa libaax waddadaas iiga soo dhacay iga qaatay, oo yiri dhulkan iyo dugaagga ku nool aniga yaa u waayeel ah, waxaanna ku iri tani waa qadadii boqorka, oo dugaagga baa ii soo dhiibay, ee haka caraysiinin, kolkaas buu ku caayay oo ku cambaareeyay, markaas baan soo dhaqsaday si aan kuugu sheego.

Libaaxi: ina keen oo i tusi meesha uu libaaxaasi joogo, kolkaas baa bakaylihii u kexeeyay ceel biya badan oo wayeer ah leh, dabadeedna eegay oo ku yiri: meeshii waa tan, libaaxii baa eegay oo hooskiisii iyo kii bakaylaha biyihii ka dhex arkay, mana labalabayn ee wuu ku booday si uu u la dagaallamo, ceelkii ayaana leqay, bakaylihiina dugaaggii buu usoo noqday, oo wuu u sheegay wixii uu libaax ku sameeyay.

Kaliila: haddii aad awooddo in aad dibiga ku disho wax aan libaaxa wax u dhibin adigay ku jirtaa, maxaa yeelay dibigu aniga iyo adiga iyo ciidanka intiisa kale wuu dhibay, hadiise aadan taas si kale u awoodin in aad libaaxana disho mooyee, ha isku deyin maxaa yeelay dhagar bay aniga iyo adigaba nagutahay.

Marka ka dib Dimna libaaxii ayuu maalma door ah ka maqnaaday, kadib ayuu meel cidlo ah ugu yimid, markaas baa libaaxii ku yiri: maalmahan maxaad iiga maqnaatay kuma arkine?, kolleey wanaag uun baad ku maqneeday?.

(Waa socotaa...)

BOGGA 8AAD:

HIDDAHA, DHAQANKA, SUUGAANTA IYO AFKA SOOMAALIDA

[MACMACAANKA MURTIDA SOOMAALIYEED]

Waxaa Qoray: Hersi M. Labagarre

[Weelkani waaba guban lahaay haddii aanan ka gaarin!!]
Oraahdan ninkii yiri la garan maayo, waxaase la sheegay in nin loo keenay raashin aad u kulul, kolkaas buu markiiba ka leeftay, markii dadkii la yaabeen sida degdegta ah ee uu badarkii kululaa u cunay, si uu hadaba dadkaas u qanciyo buu wuxuu yiri: weelkani waaba guban lahaa haddii aanan ka gaarin.

BOGGA 9AAD:

IIDHEH IYO OGAYSIIS

Dhammaan dhallinyarada soomaaliyeed meel ay joogaanba waxaan ogaysiinaynaa in wargayska Codka Soomaalida Cusubi ku soo dhawaynayo gacmo iyo laab furan wixii talo ah ama qoraal ah ee ay doonayaan in ay ku fidshaan wargayskan, ha usoo direen: hersi@brunet.bn

******

Wargayskan bilaash (Free) baa lagu qaybshaa, cid aan soo codsanna looma diro. Hadaba, qofkii doonaya in loo soo diro email ha soo diro asiga oo leh: (ii soo dir codka soomaalida cusub) , ama ha saxiixo, buugga martida ee ku yaalla halkan: https://www.angelfire.com/mo/codkasomalidacusub/index.html qofkii aan doonayn in loo soo dirana, ha u soo qoro email hersi@brunet.bn asiga oo leh (ha ii soo dirin codka somalida cusub).

****

Waxaan wax ka beddelnay, bogagga wargayska sida aad aragtaan, taasna waxaa inoogu wacnayd in dhallinyarada qaarkood noo soo jeedsheen in aan wargayska qaybihiisa hore ku soo qorno wararka soomaalida iyo wixii kale ee akhbaar ah ee cusub.

Annaga oo ra'yigaas qiimaha leh tixgelinayna, ayaan waxaan ku soo qornay bogga labaad wararkii soomaalida, sidoo kale boggii isbarashada dhexda ayaan gelinnay, maxaayeelay aad baa aqristayaashu u xiiseeyeen, waxaa kale ee aan toddobaadkan isku daynay in aan wargayska soo gelinno masawirro, sidaa ayuuna ku socon doonaa haddii eebbe idmo.

Kolka waxaan dhammaan dhallinyarada maqaaladaha iyo warbixinnada iyo daraasooyinka soo qora ka codsanaynaa in ay maqaalkooda soo raacshaan wixii masawir ah ee ku lug leh, sida masawirka qoraaga, masawirka qofka isku soo qoraya bogga isbarashada iwm.

______________________________________________

"DAMMAAN MAQAALADAHA WARGAYSKAN KU SOO BAXA WAXAY
U TAAGANYIHIIN ARAGTIDA QORAAGA EE UMA TAAGNA
UJEEDDADA WARGAYSKA"

D H A M A A D