Hi, i'm chales, 好高興可以實行到自已定落係既計劃, 我真正擁有自已的家啦,

需然唔係咩大屋, 總算係自已擁有. 之後仲會有更多更漫長既人生計劃實行, 依家藉此

website, 去紀錄我既人生進度啦.

2007/07/04 12:06:47 下午

今日上深圳買燈飾&窗簾, 0930 於皇崗過關, 過關後再上的士去泥崗北路與八卦路交界的《又一居燈飾城》, 燈飾城共有4層商店, 都是主要賣吊燈為主, 我由4樓再始行番落1樓, 多數賣的都是水晶吊燈款, 大約行左3個鐘, 有睇岩幾款, 不過因為唔可以襯哂全屋, 最後都無買, 然後再搭的士去田貝四路, 整條街都賣燈飾&窗簾, 款式齊備, 最好行既係《家合居》商場, 地鋪買高格調的燈飾, 而樓上共有3層 , 一樓多是地板、水龍頭、潔具等. 二至三樓燈飾為主. 係呢度我就買到全屋共8套燈飾, 合共人仔$1200有找, 呢度d 鋪頭唔駛點講價, 不要比標價嚇怕, 佢地會自動減比你的, 佢開價後再同佢講佰多元價就差不多. 三樓有幾檔窗簾, 我在其中一檔問過價, 價錢合理但不可講價, 走了一圈後還是幫襯佢, 我全屋窗簾共4幅(主人房加紗簾)比哂佢做, 因為我用比較靚的布料(紗、麻)大約人仔$1400蚊, 當中包括有路軌、捲軸等週邊物件. 期間從燈飾sales口中得知, 於泥崗路附近有傢私城《金海馬傢私城》決定去走一趟, 我就拉著我的戰利品上的士向《金海馬》進發. 到達後~ 嘩！正呀~ 好多適合的傢私, 款式時尚, 媲美《宜家傢私》款式, 因為好多野睇, 忘了有幾多層, 大約4~5層, 價格合理, 比香港便宜於約20%, 我睇中7呎長沙發, 人仔$3400, 4呎玻璃餐檯連4張餐凳, 人仔$1800, 6呎強化玻璃電視檯, 人仔$1200. 不過佢地唔包運費, 但可由他們負責找車代客托運送到上門, 運費每件幾佰蚊吧~ 不太清楚. 我下星期會再上去取窗簾時會購買上述傢私. 然後我再過鄰近的《金海馬辦公室城》看看, 故名思意是賣辦公室傢私, 但不乏少量玻璃餐檯. 走馬看花地走了一圈, 再上的士朝皇崗口岸回程, 結束歷時11個小時的北上購物旅程. 回程後坐小巴44B1 直達景新臺, 紅橋站落車, 由於行李太大件, 上車時好狼狽, 建議比多一個人錢, 當係佔佢空間擺貨. 放低後再到《吉之島》時代電器買冷氣, 與豐澤比較, 每部平幾佰蚊. 我買了兩部冷氣, 分別1匹 & 2匹, 都是惠而普, 我仲屈多個8吋抽氣扇連安裝, 價錢係$6830.

今日約左0930收樓, 準時到達, 入大閘時, 我表明收樓都要在更亭登記, 然後去2座大堂睇2段片邊睇邊等收樓, 檯上有飲品糖果供應, 睇完坐lift 上3樓會所做手續, 係閱讀室等上一輪業主出黎, 等左陣就行樓梯落gym room, 途經兒童樂園, 靚女CS姐姐講解業主手冊內容及注意事項後簽收鎖匙, 當然有入伙禮物遮&毛巾, 臨近父親節, 我仲有餅餅送比我呢~ ,鎖匙在手當然心急上去開門, 離開時忘記帶走飲品, 靚女CS姐姐跑出黎拎比我, 噢~ 又靚女態度又親切, 好開心. 上番閱讀室有職員帶領上樓點收設備, 星盆, 煤氣爐, call機等等...職員離開後有第二位職員(唔知咩部門)上黎抄水電錶. 交收手續正式完成 . 開始驗樓, 不過驗了無耐公司就急call我回朝. 無奈地急急番公司. 放工食完飯, 買左野上去拜四角然後再驗收, 拜四角儀式後開始翻驗, 大致上同早上驗既無咩改變, 我將門框要拾的地方貼上Memo紙, 驗好樓之後再度呎, 準備明天北上買野的呎吋與數量, 再映埋相比大家睇. 今日既進度大致完成.

今日終於上律師樓簽大契啦, 可以話差唔多搞完手續上既野, 可以鬆番口氣~多得自已不斷電話轟炸銀行&律師樓, 由簽confirm letter 到收到Janet (律師樓事務律師) call 我簽契, 只需4個工作天. 快！今日約左0900, fanny 0730 就叫左我起身, 拾齊文件出發 !! 係呢度住左2年, 第一次係樓下巴士站坐967, 上車就即刻拎部PSP打「無雙」. 頂！原本坐車打機好反光, 跟本打唔到機. 無法啦~咪睇下roadshow囉~ 呆下呆下就到站了, 車程剛好一個鐘, 0900 上到律師樓, 就有個哥仔帶我入房搞手續, 原來Janet請左病假. 循例講解下大契內容, 大筆一揮, 交低6萬幾支票, 禮成！哥仔仲好好, 搵個紙袋將我 d 信件入得靚靚. 搞哂野緊係要返工啦, 上次傻仔左由遮打花園行到去永吉街先搵到巴士站, 今日醒啦, 上網搵定巴士站頭, 原本匯豐總行有站頭, 今次唔駛行到隻狗咁了. 上車立刻打電話比 fanny 報喜, 層樓正正式式屬於我地啦. 然後就打電話去管理公司約收樓. 需然話買左樓好開心, 但又唔係話好興奮, 可能自已樣樣都計劃好哂, 所有野依照計劃進行, 所以就無哂果種心情吧. 跟著坐坐下就訓著左. 到站後, 繼續拖著精神繃緊既軀殼上班去.

琴晚係毅進電腦進階課程第二堂, 從 Miss 口中得知, 有一份計分功課係寫個人網頁. 其實我一直都想做一個似樣 d 既個人網頁 or blog. 不過平日要番足5日夜校, 就算有卡窿時間都要搞下新屋 d 野. 真係無咩時間寫. (懶就懶啦~ 依家咪又寫到！)好 !! 既然都要交功課, 順便就依家起手做啦~今日需然係紅假(佛誕), 但我呢 d 低等員工緊係要番工啦...好彩公司有好多客今日都休息, 番到公司上半日比盡油做哂 d 野, 食完飯開始寫網頁. 唔唔~ setup 個 frontpage 2003先... chick 下個 icon, 睇下先, 好彩有 d 電腦底子, 都好快上到手, Microsoft 果然偉大, 將一個software 設計到咁易用！我要慢慢再研究下點用先, 自學不求人 !! 哈哈~