أنــــا آســـــــف

أنا آسف .. أنا أدرى .. أنا ماملك .. أنا ماقدر

سوى انــى اكون اليــــا نفاك البحر شطآنك

أنا حتى الصبر لو فاض فيه الصبر أرد اصبر

وانت شلون مالت بك عزومك والصير خانك

ما بين المعضله والهم .. وغض الشوف والخنجر

رضيت انى أكونك ... أو أكون بصمت أوطاونك

يمر الوقت وانا اطعن بالخطايا وأثرها تكبر

زبنت من التعب كل المنايا بس على  شانك

تمنيت الهلاك ان كان ورا ذا طيبتي تثمر

وأموت مسامحك لا الوقت ..بصير فى يوم ديانك

خطمت الريح لاجل ارضي غرورك.. وأشتريك اكثر

شرينك ما حسبت حساب ... احساني ونكرانك

لك الله ما زهمت الا رضاك .. ولا وصلت لبــــر

حملتك والخطا انى حملتك بأجزل أحزانك

قصر حبل الحنان اللى يحوفك و الصبر أقصر

تعب قلبي ولابه قلب يواجه ريح عصيانك

نعم كنت الشجاع اللى هلكته بين كــــر وفـــــر

عقب ما كنت ذاك اللى يشق صدور فرسانك

سلامى وان كثر لاجلك كلامي فالسكوت استر

أروح وخافقي أبيض فلا خانك ولا صانك

وباكر لا حداك الوقت ترد أيــــام وتتذكر

تذكرني مثل أى طير حط وفارق أغصانك

أنا آسف ..نعم وبلا خجل أسف أنا ما قدر

ولاحتى أكون اليا نفـــــاك البحر شطـــــآنك