九月 要返學啦
...
嘩 ! 暑假咁就過去啦 ! 真係好快呀 ! 咁快就開學啦 , 真係好唔習慣呀 ! 我唔可以好似放假時咁唻鴗中點幾鍾啦 ! 要朝朝七點幾起身 , 簡直係折磨 ! 好慘呀 !!! 仲攪到我成日都好鬼死眼 , 我諗我真係仲未適應要返學既日子呀 !
真係唔好講笑 , 最辛苦最難度過既就一定係 phy. 堂 , 阿 sir 係度講埋d out syl 野 , 又全部都唔明白 wor ! 我想睡覺 , 阿 sir 又係度行來行去 ! 當 free lesson 又唔得 , 真係完全浪費時間呀 !!! 除左 phy. 堂 , 其他堂都無咩問題 , ok 悶啦 , 不過我諗我真係太耐無返學啦 , 一堂 40 分鐘 , 對於我來說都非常長久啦 !!
雖然係剛開學不久 , 但係都已經有好多功課同測驗啦 . 我諗我都真係要收心養性啦 ... 不過真係好難哦 ! 因為佢代表我唔可以睇咁多小說啦 ( 小說既引誘係何其大呀 !? 唔睇 !? 好難gei!!) , 又唔可以成日上網啦 ( 我唔上網點 update個 homepages 呀 !? 點覆留言呀 !? 個網站已經少人泥 ga 啦 , 如果我唔上網 , 無人泥我個網咪要執笠 !? 咁我好難做喎 !!! ) ... ...
除左返學之外 , 我仲要補兩科習呀 , 就係 phy. 同 eng. 啦 . Phy. 都補左好耐 ga 啦 !無法啦 , 學枚阿 sir 唔適合教我嘛 !英文補左一個月 , P. Chan 都真係教得唔差 ga ! 希望我 AL Eng 可以有 D 啦 ! 如果唔係就入 U 無望啦 ... 我想讀咩科 !? 大家估下 啦~~~~^^
(今次月記好似有 d 無聊 , 唉 , 無法啦 ! 要返學 , 唔習慣 , 唔開心呀 >.< !!!)