Site hosted by Angelfire.com: Build your free website today!
~隨心所記~

回想之一---海洋公園之旅

 2002年1月最開心既一日就係成大班同學去左Ocean Park啦~^^~因為有同學去領獎~所以我地可以以超抵價 ($60@) 入去Ocean Park玩足整日啦!我地計埋一個老師同她老公有成打人以上ga~總共霸佔左三架纜車呀!!^^真係好開心~
 首先~我地去左睇安安同佳佳啦~我係第一次見到真熊貓ga~:p因為之前都無去睇^^"原來d熊貓真係好似我咁ga!就係十分十分懶!!!佢地無咩動作,就算有都係好慢好慢~又肥又可愛~好得意~不過好采我無佢地咁肥gei~:p
 之後我地就睇左陣頒獎啦~有劉德華同陳冠希做嘉賓呀!^^!佢地都好靚仔ga~哈哈^^"不過都有好多佢地d歌迷係度大叫~我地又叫埋一份~不過有時叫"劉福榮"~好好玩~:p跟住佢地都有同我地揮手呀~都好近下ga^^
 跟住我地坐纜車~分左三架~我係坐中間o個架ga~我地隔住纜車都係度傾計同講笑~連頭尾兩架都係咁呀~令到喉嚨都沙曬^^"不過大家都好開心~
 到左另一邊就梗係玩機動啦~我地咩都有玩~因為唔洗點排隊~所以都玩左好多次呀~好似跳樓機都玩左五,六次~面山面海都試過啦~跟住佢跌落泥我地仲放手唔扶tim呀!^^!仲有越礦飛車都玩左好多次~車頭同車尾都坐過呀~原來車頭係好玩d tim 呀^^有次我地試過幾卡車都係我地d人~係度互相揮手~好好玩丫^^"仲有好多好多都講唔完啦~不過真係所有機動都玩過啦~^^~
 最後我地又再坐纜車過去~又玩左超動感影院~咩"魋魅列車"呀~都幾好睇~再跟住就去左行恐龍徑~d恐龍好得意ga~不過有個小朋友驚到喊呀~我地都有過去哄佢~佢仲拖住再我地其中一個tim~仲比佢媽媽話佢好色,見到女仔就唔怕~好好笑^^"
 依一日我真係玩得好開心ga~玩得好放同好盡情~仲好夠本tim~真係好好~都影左好多靚相ga~不過唔係我度呀~.~希望有機會可以post上網比大家睇啦~^^~

回想之二---自修室是我家

 學校考完mock之後~就唔洗返學啦~^^~好似我這樣一個咁懶既人,在家又如果溫到書呢!?所以我會去自修室~就係咁樣~自修室就成為左我第二個家啦!!!當然~我都唔係自己一個去~仲有d朋友~佢地就成為我既室友啦~:p
 不過我都知道ga啦...對比起HKCEE時...我已經更懶啦...有d朋友佢地真係好努力,自修室未開門就去~直至自修室關門大吉~我呢!?就中午先去...多數夜晚7點幾就走...我真係好差呀...而家諗返...真係好waste呀... ...不過算啦~都過左去啦^^"
 不過我都真係唔係幾明白ga~點解d人真係咁勤力!?平時自修室開門前半個鐘d人就會開始排隊ga啦~真係做壞曬d規矩啦!!!咁早做乜喎!!!@.@前兩年都唔係咁既!!到左假期仲跨張呀~開門前一個鐘就開始排啦!!由5樓排到10樓再轉返落泥呀!!~.~梗係啦~唔單止中三四五六七來~連小學生呀,中一二都有丫!!咪變左咁多人lor~^^"比著我唔洗考~我都唔會去啦!去襯熱鬧咩!?仲要個個星期都係咁!都唔明仲乜唔去第二度玩下~同我爭位坐~哼~^^"~
 唉...不過點講都好,自修室都有好多我既回憶~包括中五時啦,中七時啦~每次去圖書館經過都會有一陣喜悅流入我既心~因為真係有好多快樂既經歷~亦認識左好多好朋友~^^而家連樓梯都有我既回憶啦!我好記得我坐係條樓梯等過好多次~有時一班fd係度一路玩一路講笑一路等~時間都過得好快~就連我生日o個日都有去自修室呀!仲係樓梯等左好耐tim呀!^^!
 自修室,真係一個我唔會忘記既地方~除左開心~當然仲有辛苦啦~係入面對住書本強記,做past paper,同惡夢無分別丫!!不過回想,都係開心多些~自修室...真係令人百感交集啦^^"

回想之三---又到一年一度我既生日啦~~4月7號呀!!^^

 呵呵~~生日真係每個年輕女仔每年最開心既一日啦^^當然我都唔例外啦~嘻嘻~
 不過有d遺憾既就係4月9號就考第一科啦!!!所以大部份人都係努力衝刺,都唔會點玩ga啦~仲有大部份人都好緊張~都唔會點敢放鬆下~我呢~當然都會為考試緊張啦~不過都有為我自己既生日緊張喎~:p~因為我怕無人同我慶生,大家都掛住溫書..~.~而我亦唔係好敢打電話邀請朋友去陪我食餐飯~因為怕佢地難做嘛~^^":
 當然~好開心咁都有人陪我食飯呀~就算無來都有打電話比我講生日快樂ga~~呵呵^+++^我地總共有9個人呀~我啦,小湖,cookie,星星,小茹仙,小井,風平浪靜,太空翼,阿井~我地去左尖沙咀一間叫做"巴西燒烤"既餐廳食巴西燒烤自助餐呀~:p~不過我都無出過去搵野食~因為大家都好照顧我呀^^"同埋有時d waiter會自己行過來問我地要唔要同要幾多ga~間餐廳真係好多肉類食~好厲害~:p
 不過我最開心都係有人彈結他唱生日歌比我聽呀~係間餐廳d"巴西"人呀~唱得好好聽哦~真係感動死我啦!!!^^跟住仲有生日蛋糕~好靚ga~都好好味哦=n.n=仲有星星帶左錄影機~錄左好多好笑野~其中有佢地扮我見到隻好得意狗仔既"低B"樣..~.~"真係比佢地笑死呀~:p~我真係好開心好開心呀~係考試既前夕,大家都肯為小女子我抽時間陪我慶祝...我真係好感動呀!!!^3^
 仲有一樣想講~^^~就係我收到好多得意,有創意,實用,前所未見既生日禮物呀!!^^!!有細細寄過來既"運程蛋中貓"啦,小湖既"毛毛球老鼠"啦~Cookie既"最新款風筒"啦~風平浪靜既"賤兔筒"啦~小井既"一 set CK鼠"啦~星星既"一 set THE DOG"啦~仲有仲有........我真係好開心哦~^^~為左報答大家,我許既生日願望同大家有關ga~想知係咩!?!?唔得!!!講左出來就唔靈驗ga啦!!!^+++^

回想之四---終於都考完啦~q^^p

 呀呀呀!!!終於都結束啦~~~差唔多預備左兩年既HKAL終於都結束啦!!!雖然唔係話考得好好~^^~不過終於都過左去啦~~真係唔開心就假啦!!!^+++^
 唉~不過今年都算係無天時地利人和呀~都幾慘~><~首先考中文個center凍到咩咁!我就好似係雪櫃裡面呀!我已經著左好多衫ga啦~但係真係我個位特別凍lor!!坐我前面個女仔都係咁講~佢仲叫人開細d冷氣~點知個考官話係中央冷氣喎!唔較得喎!真係凍死人呀!!我見到我前面個女仔d頭髮不斷被風到郁~我知我一定都係lor!!!我考listening時仲誇張呀!我份倦差d比佢吹走呀!d風仲不斷幫我轉頁tim呀!!!真係煩死人!係咁既地理環境~唉~真係慘...~.~
 跟住考chem時~間學校無冷氣~點知到近中午時~竟然曬到咩咁呀!!咁岩我又坐最後一個位,d陽光不斷曬我背脊~好辛苦~好似係個蒸籠度咁呀!!我叫佢地關窗簾,點知竟然壞左喎!!!真係cheap到爆呀..><有好多人都舉手跟住要換位呀,因為實在太辛苦啦!!但係我都無呀..因為我唔夠時間做呀...好慘...唯有一邊流汗一邊做,但都好難習中精神呀../ . \
 至於我話無人和...因為我同d HKCEE 30分既人同一個center呀!!!唉...不過都算啦~~^^"我都係講下ga gei~~我都知道最緊要都係靠自己ga啦~無得話怪人地同賴場地...所以算啦~~^^"
 點都好!!考完試真係好開心呀!!成個人都輕鬆曬!!^^至於結果.....擔心來都係無用ga啦~都改變唔到啦~所以忘記佢啦~嘩哈哈^+++^