Site hosted by Angelfire.com: Build your free website today!
~深晴月記~

八月 玩之月

 今個月最開心最好玩就梗係去海洋公園啦 ! 雖然真係好貴 , 但係我覺得真係值得 lor , 唔好講少 , 我都儲左好耐錢先去得到咋~~~!!^^ 不過更令我開心既就梗係有人肯陪我去啦 , 如果唔係都無咁開心啦~~~~

 我地玩左過山車 , 海盜船 , 太空摩天輪 , 跳樓機 , 越礦飛車 , 超動感影院 , 摩天巨輪 , 滑浪飛船, 飛天鞦韆 , 覽車 ... ... 又睇左海洋館 , 鯊魚館 , 海洋劇場 ... ... 真係好充實 ga~~~

 我諗我都算幾大膽 ga , 起碼種種機動遊戲都敢玩 , 而且玩完都無咩後遺症 , 哈哈 ~~^^" 最好玩就梗係新出既跳樓機 同 越礦飛車 啦 , 基本上我都可以話係為左佢地去先去海洋公園 . 越礦飛車唔似過山車要壓到實曬 , 個離心力真係好正ga ! 至於跳樓機 , 唔洗講 , 梗係好最好玩啦 ! 開始大家都好驚 , 四十層樓哦 , 真係唔矮 ga ! 尤其是佢係最頂會停約十秒 , 真係擺明要嚇死你 ! 當然 , 經過大家"互相鼓勵" , "威迫利誘" , 我地全部人都去 "跳樓" 呀~~~哈哈哈~~! 真係好好玩 , 原來唔係咁驚咋 ! 最恐怖都係在最頂停低 , 心理壓力真係好大 , 但當佢落"樓 "時真係唔係好驚 , 只係覺得好大風啦 , 離心力當然都有啦 , 不過真係唔怕 , 好好玩 ga~~~^^

 我地只有五個人去 , 都玩得咁開心 , 我相信如果多d人去 , 一定仲好玩呀 ! 不過點都好啦 , 我真係好多謝candy , 阿井 , 風平浪靜 , 小井 陪我去 , 如果唔係我話要去 , 我諗你地都唔會想去 ga啦 ... 要你地陪我 , 又用左咁多你地辛苦儲來的錢 , 真係唔好意思啦 ... ^^" 不過點都好啦 , 多謝你地 !!! 我真係玩得好開心呀 !!!