~奇人怪物特輯~

大家有冇發現一位名叫「方潤」的"物体"在公主的GuestBook上面留了很多的Message呢？就因為他這些說話，令公主想起了很多往事，使公主不得不介紹一下他的來歷。

為甚麼會認識他呢？就是因為在2年前，公主升上Form2的時候......

那年公主還是個小公主(真的!)，細細粒、長頭髮，唔講都唔知係中學生。因為在Form1的時候公主還未知道學校是有Library的，在Form2當然就趕緊加入Library這個大家庭，成為左星期三下午既Librarian啦！

當年的Head Librarian(Miss以外最高級既位--團長！)就係呢位方潤先生啦！當初有小小唔係幾鍾意佢ka，因為佢話我地星期三組係「鬼馬禽獸哈哈Show」(話我地嘈喎)。咁我地既咪話番佢係「柱之"傷"國」law (邊個叫佢平時企係Library個Counter度，同放係港大既國"傷"之柱一樣)。

其後除左偶爾會有人問佢係咪我阿哥之外(有人問係咪阿爸既...)，基本上都冇乜特別事發生。有時見到有人問佢D書放係邊，佢可以不假思索咁講出本書既所在位置，令公主好驚訝。好記得佢話：「做左咁多年Librarian，係咁ka la。過多幾年，你都係咁呀。」當時公主年幼無知，仲當佢痴線，宜家發現自己原來都係痴線既。

那年暑假，公主回校參加圖書館的Training Course。公主記得方富潤係負責測試Librarian打字的程度，因為公主曾經學過幾堂倉頡，以為自己好叻啦，於是當方先生叫公主打某書既一句時，公主就死都唔肯，誓要打「方富潤係傻瓜」。佢就話：「好呀，你打到咪打law」

於是公主就開始打啦。「方富」兩字都難唔到公主，但係個「潤」字就死啦。公主一直都以為「潤」字入面係「玉」字，但其實係「王」字。各位識打倉頡or速成既朋友，都知道如果我用打「玉」的方法去打「王」，係唔得既。當公主勁打「水日弓戈」、「水日弓一戈」......都唔得。

後來公主終於知道係「王」唔係「玉」，咁就打到個「潤」字啦。跟住仲死，公主根本就唔係好識寫個「傻」字！迫於無奈，唯有照佢意思，打左另一句啦！

或者可能係呢次口出狂言既關係，公主升上From3之後就成了星期三既組長。那年方潤升上Form7，冇做Head Librarian之後，偶然都會見到佢出沒在Library。

Form3那年的復活節放假前夕，佢唔知係咪返Library巡視，話：「都唔知宜家D Librarian點上書既，英文書架都有中文書既。」跟住佢仲叫我地睇下，鬥快尋書tim。公主眼明手快，真係見到一本躲藏在英文書架既中文書。我好記得方富潤話會請我食復活蛋ka，不過都宜家佢都未兌現佢既承諾。所以，宜家邊個有方富潤先生既消息(由其係讀中大既)，請各位盡快通知公主，厚籌呀！

宜家公主見到方先生，多數係佢得閒番學校探Miss，幫Miss做野。Miss話佢係資深Librarian喎，有乜野可以問佢。

某日有人話比公主聽，係方潤自己既網頁裡面有公主個名。原來佢用公主個名作詩，激死！

公主

2000年4月21日