Adolah Nun Alam nan barasa dari Sungai Tarab, nan mamiliah tingga dan bartapa di bukik dakek Pagaruyuang kini. Kudaian dijadikan urang manjadi rajo dan banamo karajaannyo Kerajaan Bukik Batu Patah di Tanjuang Bungo. 

Baliau digantikan kamanakannyo Rum Pitualo manjadi rajo. Kamanakan nan lain, nan banamo Sari Mambang, dirajokan di Sumaniak, kudian dipanggia Makhudum Aluang Bunian Koto Piliang. Surang lai kamanakan, Indojani, dirajokan urang pulo di Saruaso, cikal bakal Indomo Payuang Panji atau Anak Kunci Koto Piliang. 

Ado tigo istana di Pagaruyuang:

1. Istana Ateh Ujuang, di Balai Janggo, tampek basumayam Rajo Adat
2. Istana Balai Rabaa, di Gudam, tampek basumayam Rajo Alam
3. Istana Ekor Rumpuik, di Kampuang Tangah, tampek basumayam Rajo Ibadat

akan tetapi,

• Rajo Alam tingga di Pagaruyuang
• Rajo Adat tingga di Buo
• Rajo Ibadat tingga di Sumpur Kudus

Sidang kerajaan Pagaruyuang maliputi sabutan-sabutan nan di bawah ko:

1. Rajo nan Tigo Selo
2. Tuan Gadang Di Batipuah, Harimau Campo Koto Piliang
3. Basa Ampek Balai
4. Langgam nan Tujuah

Babarapo catatan:

• Rajo nan Tigo Selo: pado mulonyo hanyo Rajo nan Duo Selo, Rajo Alam dan Rajo Adat. Setelah agamo Islam kuat masuak ka Minangkabau barulah diangkek Rajo Ibadat.
• Tuan Gadang di Batipuah: pado mulonyo bardiri sandiri; kamudian manjadi bagian dari Basa Ampek Balai, kamudian tapisah lagi, tapi tetap ado sampai zaman Pagaruyuang.
• Basa Ampek Balai nan awal: 
  1. Tuan Gadang di Batipuah, Harimau Campo Koto Piliang
  2. Dt. Bandaro Putiah di Sungai Tarab, Pamuncak Alam Koto Piliang
  3. Machudum di Sumaniak, Aluang Bunian Koto Piliang
  4. Indomo di Saruaso, Payuang Panji Koto Piliang
• Basa Ampek Balai kamudian di Pagaruyuang, sasudah kuatnyo agamo Islam dan diraso paralu adonyo nan mamimpin di bidang agamo:
  1. Dt. Bandaro Putiah di Sungai Tarab, Pamuncak Alam Koto Piliang
  2. Machudum di Sumaniak, Aluang Bunian Koto Piliang
  3. Indomo di Saruaso, Payuang Panji Koto Piliang
  4. Tuan Kadi di Padang Gantiang, Suluah Bendang Koto Piliang
• Laggam nan Tujuah: nan partamu kaadaan sabalun Pagaruyaung:
  1. Harimau Campo Koto Piliang
  2. Aluang Bunian Koto Piliang
  3. Pasak Kungkuang Koto Piliang
  4. Medan Perdamaian Koto Piliang
  5. Gajah Tongga Koto Piliang
  6. Cumati Koto Piliang
  7. Camin Taruih Koto Piliang

  Nagari-nagari Laggam nan ka Tigo sampai ka Tujuah bisa diliek pado bagian nan bacurito tantang Sungai Tarab

   

• Langgam nan Tujuah pado maso Pagaruyuang:
  1. Harimau Campo Koto Piliang
  2. Basa Ampek Balai: tardiri dari Pamuncak Alam, Aluang Bunian, Payuang Panji, dan Suluah Bendang Koto Piliang
  3. Pasak Kungkuang Koto Piliang
  4. Medan Perdamaian Koto Piliang
  5. Gajah Tongga Koto Piliang
  6. Cumati Koto Piliang
  7. Camin Taruih Koto Piliang

   

• Dt. Bandaro Kayo di Pariangan, disabuk Tampuak Tangkai Koto Piliang, tatap dipandang sabagai bagian dari kaluarga besar Rajo-rajo Pagaruyuang, damikian pulo Datuak-datuak nan mangambangkan pamukiman ka Luhak Agam dan Luhak Limopuluah Koto. Lihat bagian Lareh.
• Pagaruyuang kental nuansa Koto Piliangnyo.

Lihat silsilah sebagian anggota Langgam nan tujuah di minang/tambo3.xls