Wild Thistles - Jacobite Rebellion

Will Ye No Come Back Again?

( Trad )

Bonnie Charlie's noo awa,'

Safely o'er friendly main,

Mony a heart would break in twa,

Should he ne'er come back again -

( Chorus )

Will ye no' come back again?

Will ye no' come back again?

Better lo'ed ye cannot be,

Will ye no' come back again?

Ye trusted in your Hieland men,

They trusted you, dear Charlie!

They kent ye hiding in the glen,

Death and exile braving -

( Chorus )

The English bribes were all in vain,

Though puir and puirer we maun be;

Siller cannae buy the heart,

That aye beats warm for thine and thee-

( Chorus )

We watch'd thee in the gloamin' hour,

We watched thee in the mornin' grey;

Tho' thirty thousand pounds they'd gie,

Aye, there's nane that wad betray -

( Chorus )

Sweet the laverock's note and lang,

Liltin' wildly up the glen;

But aye tae me he sings a sang,

Will ye no' come back again?

( Chorus )

puir = poor, siller = silver, kent = knew

Links

Jacobite Rebellion
Wild Thistles