Samichlaus

Es dunkled scho im Tannewald
de Samichlaus de chund scho bald.

Er wot zu de MAPOW-Chinde ga
und tued bi allne öppis la.

Wenn er mängisch au schimpfe tued,
so händ mir nachher guete Muet.
Dass mir die Fehler nüme tüend mache
susch wärs denn würkli nüd zum lache.

Wänd dene hälfe won eusi Hilf chönd bruche;
dass nüd zlang nach eme Liecht müend sueche!
Eus gahts guet und mir händs schön.
Ich hoffe du ghörsch bi eus nie es Klön.
Wenn trotzdem für eus häsch Nüss und Guetzli us Anke, so tüend mir dir ganz herzlich danke.
(Max Wohlwend)

Es schneeit...
Es het scho afoh schneie,
ganz wyss wird jede Boum,
vom Himmu abe gheie,
Schneeflocke wie im Troum.

Dr Wind blost fescht und ysig,
verusse isch es chaut,
dr Samichlaus goht lyslig,
jetz düre Tannewaud.

Sys Glöggli lütet luschtig,
es bimmbelet im Wind,
sy Sack schmöckt fein und gluschtig,
dä bringt är hüt de MAPOW-Chind.

Samichlaus sisch sicher chaut,
dört im töife Tannewaud.
Ganz verfrore gsehsch jo us,
chumm zu üs is warme Hus.

Mir si jo so härzlech froh,
dass Du ou zu üs bisch cho.

Liebe Samichlaus

Ich bin zwar no en chline MAPOW-Stumpe,
aber wäge dem lahn ich mi gar nöd lumpe,
wenni party mache den gaht richtig öppis los
mini MAPOW-Mamis und Papis findet mich denn ganz famos,

öpemal tuen i au de Mamis und Papis hälfe,
bim koche oder bim Alkogol iechaufe,
das wächslet halt ständig, wie de Wind
aber schliessli bin i ja würkli no es chlises MAPOW-Chind

ich gib mer jetzt au es bizz meh Müeh,
wenigschtens met dr Suechi nachem Praktikum..
..am Bewerbige schribe, vom Abig spot bis am Morge früeh!!!!

S isch mer scho nöd grad wohl, wänn i dra dänke,
dass i mini Gedanke meh zur Uni und em Praktikum sött länke
ja mit de Uni isch das so ne Sach
s schlofe im Audimax isch nöd grad mis Lieblingsfach
ja s Praktikumsueche isch jetzt scho schüli schwär
wie schön wärs, wänn i scho be Nestle, Lindt oder Jungfraubahn wär

mängisch möcht i grad en Samichlaus si
ich göcht dänn au bi allne MAPOW-Chinde verbi
ich würd alli böse Chind zur Liebi bekehre und mit eme Praktikum beschere.

gäll Samichlaus, dänn müessti sicher nüt meh lehre