《新篇香蕉成熟时》广州话
作者：真正的鸟人
记得我初吻，系发生系17岁果年。
果阵我好昂居，已经好多同学话我同果个女仔有路，我偏唔信。因为有一个男仔追紧佢，无论身材样貌歌喉好好我一大截既。个女仔点会拣我啊？？死心啦，虽然平时就几好倾下……
终于有日中午，同学系课室走出来话：你老婆叫你食饭啦！！！我老婆？？我有老婆咩？？入去一睇，里面只有一个女仔。其实又唔可以话我系咩正人君子，同佢好倾都因为佢有天使既面孔，魔鬼既身材，每次坐佢旁边总系嫌条裤点解咁窄既……
吃完饭后，倾倾下计，突然佢话眼训，跟住就伏咗系我身上……
哇！！我咁大个仔连女仔手都未拖过架，今日竟然有咁既“笋野”，个心即刻跳到就快跌出来。好衰唔衰，班
死仔仲要一个一个咁跟住入来睇，然后望住我笑笑然后出翻去。搞到我成个展品咁，不过几开心，边个话我沟唔到女架？？唔使沟添啊！！哼！！
后来佢醒咗，我好想去嘴佢，但又好惊，差唔多掂到又缩都缩唔切。突然，佢揽住我，嘴埋来。仲伸埋条利入来添！！！哇！！死咯！！仲咩佢会伸条利如来架？？我成个人呆晒，任由佢摆布。
以前我根本唔知嘴果阵系要伸条利入去架！！过咗好耐，上课铃响起。好多同学入来，我地先分开。跟住我口都震埋问佢：你可以做我女朋友吗？？佢面都红晒笑住点咗下头，就咁，我就无咗初吻，佢就成为咗我既初恋
……
后来，追佢果个男仔退咗学，个男仔系隔离班既，佢地班好多女仔“林”佢，自从果个男仔退咗学后，佢地班D女仔就好讨厌我地两个。
=================================================================================================
继续写继续写……
讲落咁多年来，每次拍拖都好顺利。次次总系出人意表，无草草既惊心动魄，亦无大家当住大部分人咁箭在玄上。
其实我份人就真系几坏既，第一次E个女朋友，我对佢产生好感，系因为佢着咗条短裙翻来。你知啦，男仔只眼
就梗资中意周围及架啦嘛。尤其校运会，最中意企系终点度欣赏女生表演“一波未平，一波又起”。跑大大汗淋漓仲搞到D衫半透明添，所以次次校运会我总系终点处既忠实观众。
我以前系读110既，即系非议门而家教果间。当时我就逢星期4、5、6无文化课，全日画画。好开心架，朝早翻去报个到，然后成班哇鬼爬墙出去，过中山医饮早茶。饮到10点几就去烈士陵园打机，打到11点半又爬墙翻学校签到。日日如是，到最后一日先用两个钟搞掂张画，好在我就次次都有90几分，嘻嘻……
讲翻条短裙啦，话说有一日。我就无所事事，画又画完，就四围去八。个个画室都入下，隔离班几好热闹，围住成棚人。我逼埋去，见到我隔离位条死佬将块胶刷放系条裤关键既位置，然后成班友仔叫一个胸部比较发达既女生跳两野来睇睇，睇下条友D反应可唔可以用条Q弹到旧胶刷飞起，结果唔得。
跟住我又过再隔离果班，一入去。比我地班个女仔捉住，细细声同我讲：喂，你睇下阿XXX着条裙靓唔靓？？讲真，时装对一个男仔本来吸引力并不大。我循例望过去，哇！！！不得了！！短裙！！好一双美腿！！有曲线果只，绝对唔系光管型或者圆锥型果只！！环球小姐果D都系咁上下。跟住望上少少，紧身杉？？死咯……佢就坐系我前面，平时都倾得两句，点解以前唔觉？？即时血脉沸腾，走埋去好想就来翻锅。不过，我有色心无色胆。只系只眼就好唔安分，趁佢无望住我就上下扫描……当时心里面捻，如果佢做咗我条女，咁就爽咯！！！绝对系优生优育既好材料啊！！
我决定同佢拉近下D关系先！！近水楼台，唔好筛吖嘛。
================================================================================================
咁安佢生日，佢突然问我送咩比佢。本来我想送花既，但就觉得咁样成个咸虾灿咁，都系唔好。送毛公仔啦，于是就去买咗只犸搂，抓住只蕉架，望落都几抵死。翻到学校静静鸡放入佢柜筒，后来佢知道后罗出来，同佢
隔离位，仲有我隔离离位笑到肚都赤埋：哈哈哈，点解你买只犸搂都拣只咁似你架？？
啊？？似我？？似咩？？该浍咯，望落个表情又真系几似哦，鬼鬼祟祟咁。
第二日，见佢食早餐。个样食到鬼死咁和味，几条闷友居然讲边档早餐正哦，真系打坏来既！！！于是就讲笑咁话：喂你听日开始帮我买早餐啊。佢竟然话好啊咁哦。
再过咗一日，我系画室报完到准备去饮茶，佢入来拍下我叫我过去食早餐。仲用佢只羹添。哇！！你都唔知我当时几HI啊！！份早餐佢系两份放埋一齐架，佢吃完就叫我过去。即系话，我可以接触到佢D口水尾。我面都红埋，爽啊！！睇来我有机会！！
唔单止咁，我就好识打蛇随棍上既。中午就请佢去中山医饭堂开饭，果度炸鸡比两文一只。一于来个一男带众女去撑台脚，成个韦小宝咁，几威啊。佢以前D号召力都几劲下，好多女仔都中意围住佢转。搞到我经常一个男仔同七个女仔一齐去吃饭啦、行街啦。真幸福……
果阵我地仲未开始拍拖，只系好好倾。经常食完饭就去佢课室倾计，讲落感觉有D似草草，当然就唔系话个样啦。
如是者，过咗两个星期。好多死党都话：沟佢啦！！你实掂架！！傻都睇得出佢林你啦！！！
但我又觉得，我咁样衰，又唔方高大威猛过人，点沟啊？？
D女生就认为：哈哈，沟唔沟到啊？？？
男生就话：车！！家阵我地健哥仔好差咩？？又唔系沟你！！你少忧啊！！
就系一个天朗汽清、风和日丽既中午，就发生咗开头既故事。从此，我就成为咗一个有身份既人啦。阿XXX个老公仔，嘻嘻……
=================================================================================================
KAKAKA……
当然真实啦，因为系真人真事来架嘛。
继续继续！！
讲落果阵真系好奇怪，我捻极都唔明点解佢会中意我。又或者我份D反应认真迟钝，计起来，佢已经帮我买咗成半个学期既早餐，免费个哦。我就硬系一录葛咁，无来醒目。自从带过佢去一次中山医食饭后，每日佢就会自动自觉帮我去罗饭翻来比我食。可能自己大爷惯咗啦，从来屋企都唔使我做家务，人地帮我做野就觉得好自然咁，但佢依然日复一日咁去照顾我……
其实佢系一个出咗名既恶婆，边个得罪亲佢就惨咯。试过我隔离位条肥仔无有识死去摸佢头发。结果比佢将肥仔D书赖手就FING到无雷公咁远。跟住我示范比肥仔睇，我直头勐佢条辩，讲真勐女仔条辩几好玩架，尤其系勐住最下几执轻轻一绰，成个弹起，感觉好有犯罪感架，次次我都勐完就鸡咁脚走人，不过试过比人追咗我几层楼。ED野经专门训练，家中小朋友切勿模仿。
但勐完之后，佢竟然对我笑咗笑，净系罗晒我D书，无FING走，跟住落课仲比翻我添。搞到隔离只肥仔大哎：哇！！！大细超啊！！唔公平啊！！你地一定有路！打死我都唔信你地无野既！！！
跟住我地当时既反应系：佢？？？超！！！你要都得啦！！！
后来我地终于拍咗拖，我当然系第一时间问佢点解会中意我啦。佢话：因为我好得意，无机心。从来无诚府，要知我又几坏，睇把口就知啦。其他人好难讲，口不对心既多。而且我上年电咗个发，佢觉得好型仔……成个麦当劳叔叔果个咁架！！
啊？？唔系挂？？好型？？我当时觉得样衰到无轮个哦，仲比人笑到我面都黄添。后来同班死党讲起，个个都话：啊？？咁都得？？早知我都整翻个咁既头啦！！！
拿ED就叫人有三衰六旺啦，运气要来挡都挡唔住既。咁肉酸，肉酸到我日日刷牙对住块镜叹汽既形象居然有人中意。
跟住佢问我几时开始中意佢既，我就话梗系一个星期到啦。见到你着短裙身材惹火，我米起痰咯……我好中意听女人心跳声，尤其系唔用任何辅助工具既情况下直接听心脏跳动发出既“咚咚”声。我听到佢越跳越快，讲咗声衰人就无野啦。
于是我问佢几时开始中意我啦，唔问由是可，一问佢竟然话就系我电咗个头翻来果日。等我计下先，一得个一
，六得个六、六六就三十六……哇！！死咯！！暗恋咗我成年有多？？咁点解唔早讲啊？？我唔会拒绝个哦！！我份人就好随和既，绝对唔会拒绝一个靓女既爱，尤其身材惹火既添。
佢好细声咁话：边有女仔咁唔知丑架？？ED野梗系男仔做架嘛。你唔觉我对你同对其他人完全唔同既咩？？
你话啊你话啊！！女人就系咁既！浪费咗成年既时间！！早讲米好咯！！等我唔使咁寡吖嘛，见D同学拍拖几羡慕啊！！所以话女仔中意人就应该讲出来！！！
=================================================================================================
开头果阵我有样野好唔明，就系佢成日都话晚上唔得闲，又特别多钱使。我有D怀疑佢都唔知系做咩既。后来先知到，原来佢老豆系画家，中国水彩画4大权威之一。佢老妈子系出版社签书号既，所以好多人为咗讨好佢地，经常以炒更既名义比钱佢地。试过一次离谱到将一本《看图识字》引坏咗既白点补翻色，其实先得果十来点系要填既，咁就比咗8000。
我问佢果时话：有D同学话你……系，系晚黑去……
佢揽住我系耳边话：根本唔需要做ED，亦无人可以逼到我去做，除非系用你既生命来威胁我……我愿意。
平时总系有D无聊既人问埋晒D无聊既问题：如果你老妈同老婆跌咗落水，你会救边个先。我同佢讲时，佢话：放心啦，你唔使落来，我会去救你阿妈。后来我先知道原来佢以前系游泳队既，E个问题对我来讲真系奇怪，要我E个唔识游水既人去救果两个游水劲到痹既人，真系笑话。原来佢既魔鬼身材系咁练出来既，睇来各位女仔要学下啦，光减肥唔锻炼身材点都好唔到去边架。
从此之后，我就终日过住好多同学羡慕既日子。但其实我好心UP……晚晚佢都会同我出去食饭，有时甚至中午。记得果阵仲未有绿茵阁，我地去得最多系东川商场楼下果间西餐厅，一个星期起码去两次。同佢去街凡系我话中意既野佢都即刻买比我，觉得自己好似个比佢照顾紧既细路。同时又觉得自己好无用，边有人拍拖男仔唔使出钱架？？
后来听D朋友讲起话咩沟女可以唔使自己钱仲使翻转头，咁就犀利啦。我只有一笑置之，使女人钱？？我17岁就已经使啦，你都唔知个心几难受，觉得自己成个废柴咁，都唔明有咩咁值得骄傲。
================================================================================================
开头果阵，我觉得一切来得太容易啦，到底我中意佢几多呢？？佢又中意我几多呢？？直到有一次，我放学比人抢咗部单车，条友话叫我第二日去烈士陵园罗钱赎翻。结果我起码拖咗3/40人过去埋伏。随时准备发动攻击。点知，比人老点。
后来翻到课室，见到佢系度喊。我终于明白原来佢真系好紧张我，见到我一翻来，马上就扑埋来揽实我话：你无事吖嘛？？
读书时既日子最开心就系E段，我发现竟然有人对我仲好过我自己既。后来，因为我无咗部单车，佢将部车比我踩，自己行路翻屋企。觉得当时自己真系懵到只A咁。直到同学话：好心你就松埋人翻屋企啦！！咁我先醒起，系哦！！应该个哦。每日，我地总系中意兜远少少路，等大家相对既时间可以多D，有次行到教场西。即系而家中华广场既侧门果度，突然个天落起雨来。佢马上罗件雨篓出来帮我遮住，但佢竟然大半边身系外面淋住雨。我简直无法相信，佢可以咁做。唔通一个女仔爱一个男仔真系可以爱得咁彻底？？我马上帮佢遮住，但佢继续帮我挡住，话：唔紧要啦，我都淋开咯，最紧要唔好淋亲你……
我捻纵使最坚强既男人面对此情此景，都会感动到落泪，无错。我喊咗，但笑住喊，我生平第一次知道开心到流眼泪既感觉。系我人生历程里面，可能我会遇到好多难忘既事，但好肯定，我永远都会记得佢讲既E段话，将伴随我直至老去……
=================================================================================================
唔知点解，我同其他人好唔同。我D同学拍拖就好怕话比屋企人知。但我婆婆同老妈子就成日问我几时带个女朋友翻来睇睇。
我有个阿妹，佢成日带好多同学翻来玩，有几个都几靓女下架。有个仲成个梁咏祺咁添。当然十年前仲未有人知GIGI系乜水，佢地成日都MI我块面，话觉得我好Q，仲叫我老公仔添。讲真我自问个样就认真麻麻，但D女仔都话相处落觉得好过引，好过对住得个样果D木头。
始终丑妇终须见家瓮，况且佢唔系丑妇。我拣咗个黄道吉日将佢带咗翻屋企，一入门，阿妹D同学口都抹到大埋：哇！！好正啊！！！阿妹笑佢地话：KAKAKA……你地无机会啦~~~
最开心系我婆婆，老人家就总系咁，抱完孙就恨抱塞。见到我个女朋友友咁正，开心到口都合唔埋。讲落佢真心几识大体，怪唔之得咁多女仔中意痴住佢啦。过咗几日，我婆婆生日。我叫埋佢去，唔够半个钟，佢就熟识晒每一个人。仲同大家好倾得埋，靓女既吸引力就系与众不同！！！佢仲帮我老妈子招呼客人，打点一切。搞到我老妈子鬼死咁开心，后来佢地仲经常倾电话。约出去行街，我就跟喜后面拧野。真系奇怪，到底系佢老妈定我老妈来架？？？
================================================================================================
今日继续写！！！
时间总系过得好快，唔经唔觉又到咗期末考试。以前我总系上课唔做笔记，训觉，功课从来就唔交。但今次，我知道佢好想我读好D，第日可以同佢一齐考大学。佢用咗三晚既时间，帮我将政治、英文、语文既一学期笔记抄咗一份比我，整整成寸厚。有时我觉得佢真系好傻，咁多字，起码唔使训先做得完。至今我仍然保留住果本英文既，其他就比人偷咗去……
我真系好努力咁温书，因为我知道如果咁既笔记我都唔好好去珍惜，我会折惰，比雷公劈既。经历咗连续几日
既考试，终于我科科都合格，要知道我原来系一个无心向学既人，以前我最清楚全级既人数，因为就系我既排名。当然我地都好开心，考完试放假几日，我地同咗几个女仔一齐去咗佢阿公屋企，系佛山来。我第一次唔系同屋企人出远门，感觉好奇怪，有D惊。但同时又觉得好兴奋，有D私奔既感觉。
我记得果度系一间好大既屋，听佢话佛山D人既屋都好大。里面有一间专门用来晾衫既房同一间洗衫既房。后来我地夜咗，佢阿姨叫我地留低过夜。我训一间房，佢同几个女仔训一间。当时真系转来转去都无法入睡，真系好想冲过去强奸佢。尤其佢今晚仲着住件背心添。但始终系人地屋企，我唔敢乱来。后来第二日一早佢就入来我间房。系我强大既攻势之下，终于我都见到咗佢果两只平时藏系衣服后面活蹦乱跳既小兔仔。
================================================================================================
原文再续，书接上一回……
老实讲，十年前同而家真系唔同好多。果阵人既开放程度仲未有咁高，加上我仲系个青头仔。始终都系无做到。后来翻咗广州。我唔记得罗翻D行李。于是佢就帮我罗咗D衣服翻去洗。哇！！你都唔知当时我几开心啊！！
有女人同我洗底裤哦，当然就唔同而家啦。而家叫女人帮我洗底裤仲口爽过食生菜。果阵觉得意外到成个弹起架啦。
后来，佢第二次来我屋企。毕竟我都系一个好腰好肾好男人，结果都系突破咗最后一道防线。就咁，我既初中午就交咗比佢啦……唔明点解，人地话女人第一次会好疼，但其实原来好多男人第一次都好疼架。当时我就疼到眼泪都彪埋。我以为系我特别另类啦。后来问过，原来我好多朋友都系咁。所以系D度告诫各位女仔，如果个男既话佢以前无做过，睇佢疼唔疼就知啦。
啊？？咩话？？嫌写得唔够详细？？无办法架。出唔到街架嘛。想知道米买只4仔翻去自己想象下咯。不过果阵真系好惊，惊佢有咗。但人就总系犯贱，越系怕就越觉得刺激，越刺激就越想去做……所以搞到我而家千锤百炼，除咗我老婆基本上无咩人收服得到我。
================================================================================================
继续继续……
时间过得好快，唔经唔觉又到咗开学。果一日，亦都系我人生既转折点。一早开校会，校长宣布，今年我地班有两个要留级，其中一个系我。当时真系头都麻晒，我明明科科都合格架，起码成大半以上人都有一到两科唔合格啦。更何况我系画画高材生，点会咁啊？？？我竟然有两科文化课唔合格？？仲有一科画画唔合格？？无可能！！后来我去搵校长。点知得到既答案系，我有几次无交功课……
点计都计唔到我唔合格挂？？佢比我既答案系：偏偏你无交果几次就系最重要既。后来，我老妈子来学校了解情况，点知级长话：关键系膸拍拖……拍拖真系咁大件事？？后来我先知道，原来果个女仔既老都去搵过校长。对于一个普通人唔算系乜野，但偏偏果间系美术职中，而佢老豆系画贪泰斗。就咁，我成为咗牺牲品。其实都无咩所谓，我照样可以去搵我女朋友。
点知，因为走咗果个男仔系级长班既班长。人就系咁，拍拖总系中意评论人地衬唔衬。佢认为佢地既班长更加适合。佢来同我讲：以后你唔准再去搵阿XXX啦。我冷笑一下，回应佢：你管得到我咩？？跟住佢又话：好，我地板管唔到你，但如果在见到你地一齐，第一次就记大过，第二次我就取消佢升大学资格。我简直唔相信自己听到既，E个世界仲有无天理？？点解无法律可以约束到ED人？？讲句实话，考大学亦一样，最明显系美术学院，关键唔系你水平点，而系系主任有无点你名话教你。12年寒窗苦读，换来既就好似买六合彩咁。
终于，我向学校递交咗退学申请书。因为我知道我唔可以做到唔去见佢，但唔想连累佢。有时人生就系要做翻D蠢事，我明知道走咗出去，将来我所经历既路要比人地曲折好多倍，要付出比人地多好多倍既努力先可以得到同样既地位。老实讲我唔想走，要考大学我完全唔系问题，将来可以好容易搵到野做。但无办法，为咗佢我必须走。我情愿接受旁人怪异既眼光都唔愿意过果种日日见到又唔敢行埋去既日子，更加唔想见到佢每次远远望住我发红既双眼。就系咁，我离开咗学校。最后一次行到以前班课室既门口，里面好多张熟悉既面孔。最后一排既系佢。有同学推咗下佢，佢望住我。我挥咗挥手，就马上另翻转头，当时我已经忍唔住喊咗出来，转过去既一殺那间，我望到佢满面既疑问。我轻轻对佢讲咗声：我要走啦，你好好照顾自己……
================================================================================================
食完支烟，又继续写……
当日离开咗学校，从此要系屋企发毛。翻屋企既路上，觉得好无奈。以前从来无试过行翻去，其实都几远下架，从烈士陵园行到河南市二宫果边。可能系个人已经神不受舍啦，唔觉得好辛苦。
110其实原本系一间系烈士陵园坟墓上既学校，而家新起既楼以前我地叫后山，有一个小树林。听老一辈D师兄讲，果度挖出过几具尸体。就系“刑场上的婚礼”果一对。系一个好隐蔽既地方，仲有一个鲜为人知既课室。我D同学都系读咗三年先知道，我就未去过，总系觉得几恐怖下。教师宿舍以前既位置系一个停尸房，希望非议门条友仔唔使加咁多夜班啦。
跟住，从果日开始。佢就日日中午来搵我，当然少不了要运动运动啦。后来，我就去咗广大读策划，因为觉得日子几无聊下，而且净系识设计将来发展会受局限。每日中午，我都会翻屋企同佢见面，需然辛苦，但好开心。后来有个同学同我讲：其实开头我地个个都觉得你地真系好唔衬架，但而家我地都服啦，咁艰难既日子都无办法将你地分开。从你地两个，我地知道咗咩叫爱，系唔可以用世俗眼光去衡量既……
================================================================================================
唉……今日翻工要去见客，所以写唔到。各位唔好意思，而家继续。
其实有时觉得自己唔知系米比佢宠坏咗，有时会向佢发脾气。最离谱既一次，因为佢约咗我系广百门口等。你知啦，广百有两个门口架嘛。等咗我成个钟都等唔到，点解唔CALL我机啊？？无来搭煞！！跟住佢过咗来，我就一汽之下将部CALL机掉咗落广百门口个水池度。你地记得好多年前广百有个水池吗？？佢知我好嬲，无博我嘴。竟然系众目睽睽之下帮我落水池执翻上来。而家捻落，果阵真系好任性。
人就系咁，身在福中不知福，当一日真系失去咗，先知道自己好昂居。部CALL机系佢买比我架，当然而家就唔算系咩，但当时来讲，都几贵下架。成千几文，而且果阵打份工谱片来计先一千多D咗哦。
而家部CALL已经太旧唔用得啦，但我一直将佢放系柜筒里面，时不时都罗出来抹下尘……
系新既学期，佢地班，可以讲系我以前班组织毕业班去写生。差唔多成个星期唔见。先发觉原来我好依赖佢，平时佢帮我洗头啦，煮饭啦、执房啦，有时仲喂埋添。终于等到佢翻咗来，系一日中午我放学未翻到屋企佢已经坐咗系度。着住套牛仔衫，发觉原来望落去都几鬼死型下，成个“噬血狂花”咁既FEEL。
================================================================================================
好，我继续写，安安训醒一觉。起身发觉个个都去晒训，又得我一个人。有人话ED叫享受一种宁静，亦有人话系孤独。其实每到E个时候，好多人都会将陈年往事好似一本书咁一页页翻过来重温一遍，当中有喜亦有悲。望住佢张相，个脑里面响起D好旧既音乐声：我突然无言静了下去细心把你望，只想再看一次令我暖暖得眼光……已淡忘从前共你度过几多风与浪，只因过往欢笑大半数也因你起……
好多人都去追求名与利，当然亦包括年少时既我。但经历咗咁多年既变迁后，发觉原来人生最宝贵既系回忆。无人可以罗走，亦可以罗出来同朋友分享。系我对佢既记忆里面有两个日子系我今生难忘既，一个系12月4号，佢生日。另一个系11月11号……
果日佢写完生翻到来，突然好神秘咁同我讲，话好惊，已经差唔多两个月“无来”啦。其实果阵我既心情唔知点形容好，又开心又担心。开心既系自己最中意既女人可能身体里面有咗我既小生命，担心既亦系真系有咗我既小生命。其实我好中意细路仔，我唔介意做老豆。因为我唔认为婚姻可以影响事业，果D只系无能力既男人罗来为自己既失败既辩护。包括伟人同自己认识既，我就无见过边个系单身既成功架啦，其实婚姻反而会比男人带来责任感同推动力。
过咗几日，佢终于话比我知：你做咗老豆啦。
当时我成个人真系由头凉到落脚，唔想发生同想发生既事情真系发生咗。系佢既眼神我觉得好心痛，其实当时佢真系好想帮我生落来。但无办法，我当时只有17岁，第一次有人话比我知我做老豆，感觉好怪，但又好奇妙。
始终ED野都要有个解决办法，后来终于去落咗。果日就系11月11日。系翻屋企既路上，我紧紧拖住佢只手，其实佢当时好辛苦，但都死顶住，话自己无事……E个就系11月11日既故事。
================================================================================================
今日翻工好多野做，所以无时间写。要大家等咁耐，唔好意思……
其实我总系觉得女人好蠢，中意听甜言蜜语、海誓山盟，中意浪漫。但系我心里面，最感动既说话系自己中意既人打电话来话：我帮你买咗D苹果，放系冰箱。你自己罗来食啦，食多D苹果对你好架。你果件格仔衫粒钮我搵唔到，今日去帮你买过D翻来换过晒啦。E几日翻风，记得着多件衫。你有无带遮啊？？个天睇怕要落雨啦，我过来接你啊……
其实真正好听既话句系ED咁平凡既，而唔系话咩我将来会对你点点点，我只爱你，周街揽头揽颈之类。因为咁样比我感觉好做作，无安全感。
始终我果阵仲系年少，而且佢又好多女仔中意痴住佢，所以我好多时都会成个靓女团团长咁出街。试过有次我地去食饭，系一个角落头位置，有7个男仔同一个四眼妹食紧。佢地时不时都望过来。因为我张台系7个靓女对我一个男仔，感觉成个韦小宝咁，嘻嘻……
可能因为接触得多，我开始对另一个女仔……应该系另三个女仔产生兴趣。佢地经常来我屋企玩，就系咁，种落咗我同佢分手既祸根。
================================================================================================
其实写到E度，相信大家都知道个结局，就系分开。
男人就中意新鲜感，讨厌人烦，我当然亦唔例外。其实离开咗学校咁耐，我都系时候搵工，果阵已经到咗佢考完毕业试。好多无考大学既同学都已经做紧野，但我就搵来搵去都搵唔到。佢开始好紧张，到处帮我留意。后来终于都搵到咗一间设计公司，就系我第一份工。我连毕业证都无，搵到野做当然开心啦。虽然果阵得800文一个月，当然同后来我成8000文一个月就无得比啦。但我反而觉得果时既兴奋系而家无得比既，唔系钱既问题，而系可以有一个开始。
我上班后既第二日，就有一个同学叫我帮手，问我度仲请唔请人，无所谓啦。我帮佢问咗，其实佢几靓女下架，系我成日出街果7个靓女中既其中一个。有D似范晓暄，以前读职一果阵，佢系一位好唔得闲既女仔（无胸），后来唔知点解奋起直追，越来越就越得闲。因为佢就住我屋企附近，所以果阵就间中都过下来。当然我就梗唔放过用只眼去咸湿人既机会啦，画画高材生既绝技就系一望个女人就可以想象到佢除晒衫裤系咩样。所以我成日中意周围及，佢真系几大下，应该都系比我个女朋友细少少。但都算厉害架啦，总系有种想强奸佢既感觉。
================================================================================================
我继续写……
后来，可能果个女仔话咗比我女朋友知。佢约我唔好翻工，系屋企陪佢。其实我都加咗几晚班，都想透下。因为佢未来，我训着咗。后来佢叫醒我同我对质，我觉得佢好烦，因为我好眼训。跟住闹佢，佢好伤心，喊得好凄凉。但我继续训，无理佢。终于佢就走咗啦。
过咗几日，佢又约我去佢屋企。我叫佢陪我出街，捻住反正都系请咗假啦。但佢话唔想去，于是我走。因为佢以前从来无逆过我意，从来都系我话咗点就点。所以我好嬲，推开佢，佢反锁住门，喊住望住我。我唔知点解仲系要推开佢，开咗度门，走咗出去……
望翻转头时，我见到咗佢绝望既眼神，一种死心既眼神，无喊亦无笑、无喜亦无悲，就如一个僵尸企系度。
人总系咁，永远认为自己所做既系安既，当时我都系，认为佢唔可以违抗我任何命令。但我错啦，我无理过佢感受，一直都无。相信无边个女仔可以做到咁为自己男朋友，包括做咗人老婆果D。为咗我，佢可以自己被雨淋都唔比我淋亲，为咗我佢可以见我成头汗，得一张纸巾都要帮我抹咗先自己抹，更加为咗我可以大庭广众帮我落水池帮我捞翻部CALL机，部CALL机仲要系佢用晒自己D钱来买比我既，就系为咗我搵工方便……
终于，E个故事系时候到尾声啦。佢几日无打电话比我，我打比佢，佢话有D野想同我讲。第二日来咗我屋企，好平淡咁话：我地分开啦……
================================================================================================
我简直唔可以相信自己听到既，系E一刻，我知错啦。知道已经无可争辩，但我仍然尽最后努力去求佢。我有想过自杀，但佢奋不顾身咁拉住我。话如果我真系知错既，系佢读大学E四年好好努力，四年后佢会翻来搵我……我唔相信佢可以等四年，于是佢咗佢屋企楼顶等佢，希望佢会出现。从下午等到第二日，我无任何野落过肚，只有烟。一支接住一支咁抽，我以前从来唔食烟，甚至好反感。但E个时候，烟可以麻醉我，可以令我觉得神智不清，可能系因为第一次食。安安入冬既夜晚，好冻。仲落完雨，我缩系角落头，系度打冷震。我知我唔值得可怜，一切都系我自己做成既。但点都好，我无打算佢可以原谅我，只需要我觉得我尽咗最后既努力。有D野虽然无得争取，但连有可能去做既事都唔去做既话，我更加无法原谅自己……
================================================================================================
果晚系9月20号。关于佢既每一个经历我都印象好深刻，因为我从细到大第一次望清楚自己，原来固执己见系错既。第一次知道自己错，好难受，亦好痛心，好遗憾……
D人总系中意讲周星池过句咩：有一段真挚的爱情摆系我面前，我无好好珍惜……我听落去简直就觉得有如钢锥插系心上，好难受。记得有句诗：假如流水能回头，请你带我走；假如梦想可成真，但愿人长久。
分开咗7年啦，我从来无见过佢。亦都无打过电话比佢。好多同学、朋友都劝我打个电话过我。讲真我好想，每次听到人提起佢，我可以兴奋到成个弹起。但我始终无打过，因为我已经无面目再面对佢，甚至声音。落亲起电话，都为讲我已经泪流满面。知错无用架，当一个女人死咗心，就算点都翻唔到转头。前几个月，我同学话比我知：佢已经结咗婚。系嫁比佢大学既同学，令我感到伤心既唔系佢嫁咗人。讲真我都希望佢有个好归宿，但痛心既系，我同学话比我听：佢拣果个男仔，无论外形外貌，神态、行为、感觉竟然同我一模一样！！
================================================================================================
E篇已经系最后一章，我好中意听刘德华既歌，唔系因为佢唱得特别好，而系真系写得好好。
人漸累
情也漸累
停住了的心偏卻是醉
咀邊濕透是淚
沒有勇氣說再會又伴隨
推不開心中的罪
留住妳我放棄了負累
再拚命追
渡過的從前
今天過去
明瞭原來曾令妳真的太心碎
明白到心死不可再追
面對當年情
真心說句
祈求完全原諒我當初的不對
在妳離開的一刻說出
情深的一句 (唯一的一句)
好啦！！我既故事已经讲完啦。好多谢大家捧场，故事讲比大家知：唔好拥有既时候唔好好珍惜，唔好永远认为自己系正确既，唔好从单方面去睇人，就算再坏既人，都有佢做好人时既一面。
2001-10-18
版权所有，转载请与作者联系
