『我的隨筆』By
Benson
2005年7月6日~9月25日
|
>>>Let
me lose, let me die<<< Started from today, you are not Benson. You should go back to four years ago. However, do not struggle for anyone, do not fight against sadness, do not try to overcome any obstacles, do not pursuit your career, do not keep on your study, do not withstand anymore......
Goodbye, Benson...... |
|
>>>股•匯•金視點<<< 周四個市無厘頭被隊冧，恆指唔見左301點，報收15,148點，長和系孖寶最恐怖，分別插穿85及80元！硬要解釋的話，這可能是因為美國通脹壓力上調，促使加息幅度將大於4.25厘，震散港股；另一方面，輪商可能故意大手沽貨，將正股鋤低，對沖風險。我認為，大市似乎已近浪頂，是時候收手了。我始終覺得，雖然輪價大上大落好好玩，但玩輪根本就係同發行商和大戶對賭，輪商又可隨時增發新股搵真銀，尋常散戶輸多嬴少，有何把握可言？ 今周市場無咩特別焦點，唯油價蓄勢彈升又玩回落，7月CPI、PPI、核心CPI和核心PPI亦超預期。咁即係話，即使扣除油價，美國已經firm左有通脹壓力，加息周期勢必延長，美元會走強。星期五出的ECRI一周領先指標如預期增長0.1%，在美元強勢下，預料歐羅同英磅將繼續回氣，有機會以單邊市形式回落，分別試穿1.2及1.9，隻磅會行先。現時隻Yen應可判斷美元強弱，我估計暫將守穩110，黙黙等升浪。下星期還要睇美國會出咩靚數據，又會支持聯儲局加息。
SaxoBank Forex Trading Strategies
後記：我現在有兩條去路，金融界和工程界。我應該安安份份讀埋個大學學位，然後才雙線發展嗎？近日上班，我已開始掌握forex同xau條trend點走，亦學習了行內運作，更為自己定位了。離開的時機，好像已來得漸近；但是，逗留亦不是壞事...... |
|
>>>外匯世界？(中環上班記趣)<<< 8月10日，我抱住不妨一試的心態去見工，最後當然成功。 公司位於中環長江集團中心，主要從事外匯金融買賣，全層大約有500名外匯交 8月11日，第一日返工，成日都只係Training，開Reuter Graphics同睇水機。但今日對我有很大的衝擊(正面的)，令我摸清了我想接觸的世界。 可能Interview時被認為已有相關經驗，被編左去已經上左三課的快班，加上突然間又要返長工，又鬼死咁眼瞓，追得都幾辛苦。食Lunch時，個個同事不論男女都食煙爆粗，講匯市又話不投機，攪到"乖乖"而且"純如蒸餾水"的我都幾灰。之後返到公司，Danny分享他的炒單經驗，譬如如何瘋狂呃客「掹雞」抽佣，不停渣沽炒單，踩灰位，公司擘價。 我知道自己並唔適合做外匯經紀，一來唔夠奸，唔夠賤，無客路，二來想起那些地產經紀的可憐相，我摸清我以後應擔當什麼角色了！不過唔知係Danny勁定好運，手金最後真係抽高左十蚊，又會咁啱牛到咁，仲好似跟住鋸形拾級炒上去，唔到你唔信！放工時Danny竟問我係咪覺得炒匯好簡單，呢行好不外如是......我都唔知點答...... 8月12日，第二日返工，都完全習慣適應了。 今日學到的，是概括的Technical Analysis，有MACD、RSI、Stochastic、陰陽燭等。呢啲其實我本身都識啲架啦，而且我根本已經有另一套詮釋，一直也認為無市就無圖，90 Days High-Low已經足夠，而技術分析只適用於炒短市即市，睇Support-Resistant就極有用......不過無所謂啦，Danny所提出的「三長兩短」炒長短倉的確幾得，講吓lock倉又幾有用。 Lunch Time同新同事Eva、阿華、阿Ken去大快活食，好鬼死多人，都開始慣了中環返工了。食完Lunch，去行吓附近公園，佢地又煲煙，但原來同佢地講啲奸狗生意嘢，都幾有趣喎！ 返公司開會期間，Danny說最擔心我會走，又驚我啱啱讀完書難搵客，我唯有叫佢think positively，放長雙眼睇啦。佢跟住又提番interview的事，話對同我的對話有深刻印象，令佢到而家都仲記得。佢仲叫我星期六日同佢去港大睇書學嘢，咁睇得起我，我即時O晒咀啦，雖然這是拉關係的好機會...... 呢兩日穿西裝返中環工，都幾過癮嘅；但我明明9月要返番大學，又搵左份長工嚟做，唯有學晒我想知嘅嘢，間Firm點運作，真係無客先走啦，個外匯經紀牌其實都可以自己考了。 |
|
>>>牛氣沖天<<<
較早前再買入以上兩隻股票，這已經是我這個股市投資初哥，第二次賺到不錯利潤了，想不到我的Part-time是可以如此安在家中，而且毫不費神。當然，我沒有去玩，暫時亦不敢去玩那些可以令我賺得更多的末日Warrants。但這樣下去，我真怕我會行上歪路，不腳踏實地去幹一番事業，忘卻自己將來要在工程界打滾...... 近日港股連升九個交易日才出現回套，恆指曾升穿14,800點，新阻力位水位相信可達15,300點，短期內會回氣整固，然後乘勝反覆炒上。 受惠人民幣升值2%帶動，而且油價有持續升溫意味，不得不留意近期屢破歷來高位的中石油，待股價牛皮稍回，溝貨事不宜遲。另外，零售股和二三線地產股（尤其計劃推出豪宅盤）勢必追落後或急升，部分以美元結算的H股亦不容忽視。不過，近日開始懷疑迪士尼概念未必撻得響亮，我應該將富豪止賺目標調低至八毫半嗎？ 牛氣沖天卻生異象，最近很多朋友問我買股票事宜（其實我雖然好像很懂，但其實我只是於上月才開始買，只賺了千多元！），這是因為他們受重播劇集「創世紀」影響，以為股票賺錢很容易，可以不勞而獲而且好型？還是大市開始出現瘋狂飇升預警，然後大幅崩盤，玩殘尋常散戶初哥？不過我相信，現在如此悲觀實在言之過早...... |
|
>>>錯誤的交叉線．報應<<< 凌晨三時三十八分，房間一片黑暗，姆指仍不斷重覆地按下撥號，耳際不斷傳來相同的留言口訊，心中一片混沌湍急，躺下來的身軀失去了靈魂心魄，不停地委曲自己，不要臉地在苦海中拚命掙扎，浮浮沈沈，虛無縹緲...... 自己也弄不清楚，這是四年前的報應嗎？當時我面對家庭鉅變，轉校重讀，為了她可以脫離我，可以更開心幸福地生活，我選擇把自己演繹成變心的人，忍下心腸拋棄了她。從此過後，我反反覆覆，兜兜轉轉，不認真地談了數次戀愛。 直至遇上另一個她...... 但是如今，一切再次於電話裏結束了，如像咀咒一樣，寂靜無聲地結束...... |
|
>>>回到過去......<<< 一剎那的快感，換來一身污名，重重傷害了最愛的人。能回到過去的話，我一定不會...... |
|
>>>Day
Trade for $1,750<<< 機會，是留給有準備的人的。今天我動動手指，看看圖表，攝攝價位，已經略有收入...... 廿一世紀，是用錢賺錢的年代，年紀輕輕，足不出戶，便可以賺到全世界。 |
|
>>>Happy
Birthday To Me......<<< 今年的生日：生病，腸胃炎，發燒，像一頭被拋棄的狗...... 好，很好...... |
|
>>>清華大學明日領袖國情培訓計劃2005
後記： 想不到生日也要寫文章，還要生病，但竟然愈寫愈起勁......本篇因篇幅所限，未能再深入引經據典，倒是感到有點可惜！ |
|
>>>清華大學明日領袖國情培訓計劃2005
後記： 這篇文章是要強制性呈交予主辦單位，所以行文倒是頗為「肉麻」！其實，這次北京之行的確很不錯，雖然密集式課程有時的確令人洩氣，但是一千餘元可以坐飛機遠赴北京，有機會見識一下清華大學的學習氛圍，可以遊覽萬里長城做好漢，我想也許不要太貪婪了！而且，與全國政協幹部會談、警衛三師國家級元首式招待、超近距離觀看升旗禮，並非有錢就可以得到的機會。這個培訓計劃更非「阿豬阿狗」都可以參加，我發現經面試篩選後，能入選的一百五十人大部分都總有過人之處，而且有好幾位同學更是學識淵博，令我有慚愧之感。但是回到香港後，我便要即時處理銀行事務，面對測驗和十五小時make-up
laboratory，還要寫兩篇文章，倒是有點兒吃不消呢！ |
2005年9月25日 
隻LLG似乎仲玩緊野，MACD
convergent就嚟埋口，短期似乎正想插穿437。原油價格回落和美元走強似乎可能引發基金沽盤，而且更市傳印度佬會等432水位才伺機大手入貨，落沽單好似好正路。但隻「傻仔金」又沽唔落437，長期睇應該會再穿番440上試450蚊金，加上上市交易基金(EFTs)推出，只要手金唔跌破435心理關口，整固完畢，鋸形走勢指日可待。
易員、經紀，規模尚算宏大。見工初時，那個「高級副總裁」竟歧視我讀Engine，又太後生，期間又噴煙又寸我，根本就想我自動棄權。終於知道扮無知唔work，就同佢講吓投資，講埋自己之前啲股仔成績，令佢態度180度轉變，話估唔到我都識啲嘢，有睇過吓書......之後大家講吓股票外匯，講吓技術分析同Fundamental
Analysis，講吓ASK/BID，講吓交叉盤......而且我說我會Drop左個Degree，好有heart去投身呢行，終於攪掂，聽日返工。哎，不過無得返City的Reg
Day幫手了，唔知個會收生情況點呢？
清華大學是內地首屈一指的大學。
觀看升國旗儀式期間，在數列雄糾糾的中國軍人簇擁下，國旗徐徐升起。由於我們整個團體能站立於最佳位置，我深切感受到一份難以形容的震撼，而且想像當年於現址發生的六四事件，滿腔冀望袓國騰飛的情感竟如泉湧般釋放，迷想了很多，很多