استمع للقصيده
دموع على بوابة الوطن
الى مسافر ..ربما لن يعود ....
________________
مثل .. ينبوع بعطش دكيت بابي
وروحي صبخه
تحلم من ولادتها بربيع
وخضرت من كل محبتي
وخفت من عدي تضيع ..
تصفصفت والسكته ثوبي
وصاحت ظنوني يضيع
وانا اصيحين ما يضيع
وانا اصيحين ما يضيع...
مايسد باب القلب سكته ويسافر
مايطفي نجومي بيده ويمشي حاير
..ولايذوب بالشمع ليل الخواطر
مايسافر !!!
ونزلت النجمه وغفت فوك السطوح
وانا من دون البشر
سكتاوي اكابر
ولج ياروحي بعدألمن نناطر؟
ولج ياروحي بعد ألمن نناطر؟؟
ماكو كف يرجع الدمعه لجفنها
ويغسل هدوم القهر بفراح باجر
اه يباجر
ياسوالف طشرني
ولملمت موتي ولكيت بقلبي شاعر
كل كتاباته جمر فوق الدفاتر
كل اناشيده تخاف من الحدود
وترجف من اسم المخافر
كل فرح روحه تبده ..
وشرب صفنات المقابر
طلع من الدنيا بطرك القصيده
واسم شاعر
ابو زيدون الوائلي
