Müslüman aleminin bayramlarından biri - Qurban bayramı arfesinde, Teatro-studyamız Bağçasaray rayonının 12 köyünde özünin Qurban adlı spektaklini seyircilerge taqdim etti. Teatrimiz bu numayışnı Aqmescitteki Etnografya Muzeyinde de köstermege davet etildi. Toplam 1500 kiıi bu spektaklni buyuk teessurat ile baqtılar. Teatrimiz daha bir sefer haqiqiy Halq Teatrosı olğanını isbatladı.

Yaqın zamanda, teatro-studyamız Noman Çelebijihan'nın 1913 senesi yazğan Qarılğaçlar duası adlı  eseri üstünde çalışmağa başlaycaq. 

2002 senesinin Iyün ayşnda butün dünyağa belli qadimiy Hansarayımızda Teatro-studyamız Qırımtatar toy merasimi adlı numayışını seyircilerge kösterecek. Asılında Qırımtatar halqının adetlerine köre, toy merasimi 3 kün devam ete edi, ama bizim spektaklimiz 1 saat qadar olacaq. Milliy urbalar Baðçasaraydaki Marama icadiy birleşme  ve Ayder Asanov yolbaşçılığında quyumcılıq  zenaatını ögrengen yaşlar tarafından birlikte hazırlanacaq.
Bu işler Halqara Vidrodjennya Fondu tarafından ayırılğan grant ile desteklendi.

© 2001-2002 Bağçasaray Qırımtatar Halq Teatro-Studyası
btheater0@lycos.com

Last updated: March 2002