أغـــلا محبــــة

للــدار بعيــون الرجاجيــل مقـــــدار

يادار قدرك بين روحـي وعيني

ونــــــذراً علــي مادامنـي حــي يادار

لاموت لعيونـــك وهــذي يديني

واذا ندهتــي ياقطـــر ويــن الاخيـــار

حملـت لك روحــي علـى راحتيني

لبيك بامــــوالاً ولبيـــك باعمــــــار

ولبيك حتى امـــوت لك وحضنيني

ومثلـي تلبي لك هـــل المجــد الاحــرار

اهل الوطــن اهلي وعزة جبينـي

وانا ابنـك الوافـــي الصــــادق البار

لوحطمتني في كفوفـــك سنينــي

ماجيتك اشكـي لوعــة البـــرد والنــار

ولا قلت لك شيلي عن الكتف ديني

تمـوت عــدوانــك علـى مــد الابصــــار

واغــلا محبة بين قلبك وبينــي

الشاعـر / حمـد المــري