حاتم...
استمع الى القصيده
دموع على بوابة الوطن
حاتم طفل عراقي،،عمره 5سنوات من قريه اسمها»سدور المجر
في مدينه العماره قتل في القصف الجوي الامريكي عام1991
____________________________________
حاتم
وجهه الفرحه الماتت،،وعيون اتطوف
اعله الديره،،،،
حاتم..ثوب اسود لابسني،،،،،
وعجروحي التنزف،،،
تصويره،،،
حاتم ،،قصه،،وقصه،،،?بيره،،،
منين ابديها؟؟
وجلمي اتموت ابطاريها،،،
والشعر اليفتر ابروحي،،خجلان،،،
ويعرف ..تقصيره....
ويادمعي،،الماوفه حدوده،،،
وياروحي..الكتلتها الحيره،،،،
ويشفافي..الخذلني و سكتن،،
وصفناتي لحاتم،،من صفنن،،،
صعدن بيهه لسابع دنيه...
ودمعات..اعله الماتوا نزلن..
وحكهن..يبجن،،،
لحاتم وجروحه المانشفن،،،
وسنينه الوكفهن موته،،خمسه وعلسادس ماعبرن،،
حاتم...ضحكاته... الماسكتن...
بصاروخ الانذال احتركن،،،،
ولو هذا العالم بيهه غيره،،
ماذبحوا حاتم بسريره،،،
حاتم
يانجم ولايتنه..المذبوح،،
ومشدود اعله الدم،،
صاروخ الباطل من صابك..
ماخلاك ابنومك،،
تحلم
حاتم ..ياحزن امطشرني ..
بلوعاتي..ومااكدر التم...
حاتم..
يلمخنوك ابكبرك،،
وتصرخ،،ماتكدر
تشتم،،،
يل كاسر كلبي اهاتك،،
كل جبر لكسرك..مايرهم
مايرهم...
حاتم
بعدهه لهسه فراشك..
يصرخ..ويسولف للناس،،
عن ذيج الليله..ونكبتها،،
وعن الشظيه،،البراس،،
ودمك بعده ..بنص القريه،،
ايآذن،،ويدك الاجراس..
ياحاتم...
اصحابك،،كبروا فروا خطه،،
عليه وحلفوا،،ماينجاس،،،
وكل مغرب تلتم القريه،،
وتنثر فوكه دموع وياس،،
موتك وصمة عار وذله،بوجه الماعدهم،،
احساس،،
